Gənclər və idman naziri Fərid Qayıbov fevralın 11-də Lerik, Lənkəran və Astara rayon sakinlərini qəbul edib. Qəbuldan əvvəl Lerik şəhərində ümummilli lider Heydər Əliyevin abidəsi ziyarət olunub, önünə gül dəstələri qoyulub, xatirəsi ehtiramla yad edilib.

Lerik şəhərində Lerik Dövlət Aqrar İnkişaf Mərkəzinin inzibati binasında keçirilən qəbulda vətəndaşları diqqətlə dinləyən nazir Fərid Qayıbov onların müraciətlərinin həlli üçün müvafiq tapşırıqlar verib.