Xəbərlər

ELAN

11.01.2022 15:00

Azərbaycan Respublikası Gənclər və İdman Nazirliyi işə qəbul elan edir:

“Zirvəyə doğru addımlayan gənc Azərbaycan qadını" forumu

20.08.2020 23:09

Əziz və dəyərli xanımlar! ☺ Bakı Gənclər Mərkəzinin təşkilatçılığı ilə Azərbaycanın I xanımı Mehriban Əliyevanın doğum gününə həsr olunmuş “Zirvəyə doğru addımlayan gənc Azərbaycan qadını" forumuna qeydiyyat başladı!

Azərbaycan Respublikası Gənclər və İdman Nazirliyi aşağıdakı vəzifələrin tutulması üçün daxili müsahibə ELAN EDİR:

2019 iyul 10

Azərbaycan Respublikası Gənclər və İdman Nazirliyi aşağıdakı vəzifələrin tutulması üçün daxili müsahibə

Azərbaycan Respublikası Gənclər və İdman Nazirliyiaşağıdakı vəzifələrin tutulması üçün daxili müsahibə ELAN EDİR

29.10.2018 16:00

• Beynəlxalq əlaqələr şöbəsi, Beynəlxalq əməkdaşlıq və beynəlxalq qurumlarla iş sektoru, aparıcı məsləhətçi • Analitik təhlil və proqram təminatı şöbəsi, məsləhətçi • Gəncə şəhər Gənclər və İdman Baş İdarəsi, Təşkilat sektoru, sektor müdiri • Zaqatala rayon Gənclər və İdarəsi, idman sahəsi üzrə rəis müavini • Mingəçevir şəhər Gənclər və İdarəsi, gənclər sahəsi üzrə baş məsləhətçi Müsahibədə inzibati vəzifədə Gənclər və İdman Nazirliyində qulluq keçən və ixtisas dərəcəsinə malik olan dövlət qulluqçuları iştirak edə bilər. Müsahibədə iştirak etmək üçün aşağıdakı sənədlər təqdim edilməlidir: - ərizə; - əmək kitabçasının surəti; - ali təhsil haqqında diplomun surəti (xarici dövlətlərin ali təhsil müəssisələrində təhsil almış şəxslərin ali təhsil haqqında sənədinin və həmin sənədin qanunvericiliyə uyğun olaraq təsdiq edilməsi haqqında müvafiq şəhadətnamənin surəti ilə birlikdə) və ya müvafiq ixtisas üzrə yenidənhazırlanma keçmə haqqında müvafiq sənədin surəti (ali təhsil haqqında diplomun surəti ilə birlikdə) - kadr uçotunun şəxsi vərəqəsinin surəti (bütün bölmələr üzrə məlumatlar tam olmalı və hazırki dövrü əks etdirməlidir); - bir ədəd ağ rəngli fotoşəkil (4x6); - son bir ildə intizam tənbehi tədbirinin tətbiq edilməməsi barədə arayış. Müsahibədə iştirak etmək üçün ərizələrin qəbulu 22 oktyabr 2018-ci il tarixdən 05 noyabr 2018-ci il tarixdə saat 1800-dək aparılacaq. Ərizələr şəxsən (bazar ertəsi – cümə günləri saat 09:00-dan 13:00-dək və 14:00-dan 1800-dək), yaxud poçt vasitəsi ilə təqdim edilə bilər. Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsində müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən edilir. Müsahibədə ixtisas dərəcəsi, müvafiq vəzifənin tələblərinə uyğun olaraq təkrar hazırlıq keçirilməsi və ixtisasın artırılması da nəzərə alınır. Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları iştirak edə bilərlər. "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları bir il ərzində müsahibəyə buraxılmırlar. Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir. Müsahibəyə dair ətraflı məlumat almaq üçün Azərbaycan Respublikasının Gənclər və İdman Nazirliyi, Regionlarla iş və kadrlar şöbəsinə müraciət edilə bilər. Telefon: 465-64-17

“GƏNC İNVESTOR - 2018” III simulyasiya yarışı keçiriləcək

29.10.2018 13:55

Azərbaycan Respublikasının Gənclər və İdman Nazirliyinin və Bakı Fond Birjasının birgə təşkilatçılığı ilə “İNKİŞAF Bİ(R)LİKDƏDİR!” devizi altında birja ticarəti üzrə “GƏNC İNVESTOR - 2018” III simulyasiya yarışı keçiriləcəkdir. Bu yarışda siz, 4 nəfərdən ibarət komanda şəklində iştirak edərək, virtual bazarda rəqabət aparmağı və düzgün qərarların verilməsini öyrənəcəksiniz. Virtual bazarda siz, dəyişən şərtlərə, hadisələrə, qiymətlərə çevik reaksiya verərək, idarə etdiyiniz kapitalın artmasını təmin etməlisiniz. Ən yüksək nəticə göstərərək siz, nəinki qalib olacaqsınız, habelə real maliyyə bazarında real ticarətin aparılması qaydalarını öyrənəcəksiniz! Qalib komanda Bakı Fond Birjasının təcrübə proqramında iştirak etmək hüququnu qazanacaqdır. Yarışda iştirak etmək istəyən gənclər və komandalar 27 noyabr 2018-ci il tarixinədək öz CV-lərini və yarışa qatılmaq hədəflərini əhatə edən niyyət məktublarını education@bse.az elektron poçt ünvanına göndərə bilər.

E L A N

04.10.2018 15:30

Gənclər təşkilatlarının nəzərinə! “Azərbaycan gəncliyi 2017-2021-ci illərdə” Dövlət Proqramının 5.7.4-cü yarımbəndinin (Gənclər təşkilatlarının fəaliyyətinin təşviq edilməsi, onların həyata keçirdikləri layihə və tədbirlər haqqında cəmiyyətin məlumatlandırılması və gənclərin ictimai fəaliyyətə cəlb olunmalarının stimullaşdırılması məqsədi ilə sərgilərin təşkil edilməsi) icrasının təmin edilməsi məqsədi ilə Gənclər və İdman Nazirliyinin tərəfindən 5-8 noyabr 2018-ci tarixdə Bak; Cristal Hollda “Gənclər təşkilatlarının V Respublika Sərgisi” keçiriləcəkdir. Məqsəd: Gənclər təşkilatlarının fəaliyyəti, onların həyata keçirdikləri layihə və tədbirlər barədə cəmiyyətin məlumatlandırılması və gənclərin ictimai fəaliyyətə cəlb olunmalarını stimullaşdırmaqdır. Sərginin formatı və təşkilatların iştirakına dəstək: Sərgidə hər bir təşkilat ücün 8 kv.m sahə ayrılcaq və ayrılmış sahədə stendlər quraşdırılacaqdır. Sərgidə iştirak edəcək gənclər təşkilatları onlar ücün ayrılmış sahədə fəaliyyətləri ilə bağlı filimlər, bukletlər, nəşr etdirdikləri kitablar, çap məhsulları, uğurlu layihələrin təqdimatlarını edə biləcək və sərginin ziyarətçiləri ilə birbaşa ünsiyyətdə olacaqlar. Stendlərin icarəsi və quraşdırılması Gənclər və İdman Nazirliyi tərəfindən həyata keçiriləcəkdir. Sərgi 4 zonaya bölünəcəkdir: Sərgi zonası, Təlim zonası, Əyləncə zonası, Media zonası. Sərgidə iştirak etmək ücün müraciət qaydası: Sərgidə iştirak etmək istəyən gənclər təşkilatları qeydiyyat formasını doldurub 10 oktyabr 2018-ci il tarixədək aşağıdakı ünvana təqdim etməlidirlər. Qeydiyyat formasını Gənclər və İdman Nazirliyinin rəsmi internet səhəfəsindən və ya aşağıdakı ünvana müraciət etməklə əldə etmək olar. QEYD: Nizamnamə məqsədləri gəncləri əhatə etməyən və dovlət qeydiyyatı olmayan təşkilatlar sərgidə iştirak edə bilməyəcəklər.