Dekabrın 1-2-də Bolqarıstanın paytaxtı Sofiya şəhərində Avropa Gimnastikasının 30-cu yubiley konqresi keçirilib. Azərbaycan Respublikasının gənclər və idman naziri Fərid Qayıbov təşkilatın prezidenti olaraq konqresə sədrlik edib. Konqresdə bir sıra hesabatlar, eləcə də təşkilatın yenilənmiş Əsasnaməsi təsdiq edilib, yeni fəxri üzvlər qəbul olunub. Bundan başqa, təşkilatın 2025-ci il Konqresinin 28-29 noyabr tarixlərində Praqa (Çexiya) şəhərində keçirilməsi qərara alınıb.

Dövlət Sərhəd Xidməti və Gənclər və İdman Nazirliyinin təşkilatçılığı ilə “Sərhədçi” İdman Olimpiya Mərkəzində hərbçilər arasında keçirilən güləş üzrə 36-cı dünya çempionatı başa çatıb.