Xəbərlər

 

 


“Tərəqqi” medalçısı, futbol üzrə “Azərbaycan Respublikasının Əməkdar Məşqçisi Telman Salahovun 80 illik yubileyi qeyd edildiSumqayıt şəhər İcra Hakimiyyəti başçısının müavini Teymur Səmədov “Tərəqqi” medalçısı, futbol üzrə “Azərbaycan Respublikasının Əməkdar Məşqçisi Telman Salahovu anadan olmasının 80 illik yubileyi münasibəti ilə qəbul etmişdir. T.Səmədov ölkədə bədən tərbiyəsi və idmanın, xüsusi ilə futbol idman növünün təbliği və inkişafında xidmətlərinə, Ağsaqqallar Şurasının üzvü kimi şəhərin ictimai-siyasi və mədəni həyatında fəaliyyətinə görə İcra hakimiyyəti başçısı adından T.Salahova təşəkkür etmiş, Fəxri Fərmanla təltif etmişdir. T.Salahov ona göstərilən diqqət və qayğıya görə Ölkə başçısı cənab İlham Əliyevə, şəhər və Azərbaycan Respublikasının Gənclər və İdman Nazirliyi rəhbərliyinə dərin minnətdarlığını bildirmişdir.
“Gənclər İnternetdə Nifrət Nitqinə Qarşı” mövzusunda konfrans keçirilibGənclər Təşkilatları Milli Şurası tərəfindən Step İT Akademiyasının tərəfdaşlığı ilə “Nifrət Nitqinə Yox Hərəkatı” Kampaniyası çərçivəsində “Gənclər İnternetdə Nifrət Nitqinə Qarşı” mövzusunda konfrans keçirilib. Konfrans bir sıra informasiya kommunikasiya mütəxəssisləri, gənclər təşkilatlarının nümayəndələri və fəal gənclərin iştirakı ilə baş tutub.
Bakı 2017 İslam Həmrəyliyi Oyunlarının idmançı və ulduz səfirləri elan olundu8 Fevral 2017-ci il tarixində Azərbaycan İslam Həmrəyliyi Oyunları Əməliyyat Komitəsi (AİHOƏK) “Grassroots” proqramı çərçivəsində təqdimetmə mərasimini keçirmək məqsədi ilə İslam Həmrəyliyi Oyunlarının idmançı və ulduz səfirlərini bir araya gətirib. Bu əlamətdar gün münasibəti ilə təşkil olunmuş tədbirdə AİHOƏK-in korporativ direktoru Elçin Səfərov və digər rəsmilər iştirak edib.
Milli Qəhrəman Mübariz İbrahimovun doğum günü qeyd olunub07 fevral 2017-ci il tarixdə Uşaq-gənclər kitabxanasında bu çərçivədə Milli Qəhrəman Mübariz İbrahimovun doğum gününə həsr olunmuş tədbir keçirilib. Tədbir Azərbaycanın Dövlət Himninin səslənməsi ilə başlanıb. Ardınca Vətənimizin müstəqilliyi uğurunda şəhidlik zirvəsinə yüksələn igid oğul və qızlarımızın əziz xatirəsi bir dəqiqəlik sükutla yad edilib. Tədbirdə Milli Qəhrəman Mübariz İbrahimova həsr edilmiş film nümayiş olunub. Şəhər 3 saylı məktəb-liseyin və 6 saylı tam orta məktəbin şagirdlərinin hazırladığı ədəbi-bədii kompoizisiya nümayiş etdirilib. Milli Qəhrəmanın döyüş yolunu əks etdirən sərgiyə baxış keçirilib. İsmayıllı gəncləri Qarabağ müharibəsində qəhrəmanlıq göstərərək, şəhid olmuş vətən övladlarının ruhu qarşısında özlərini həmişə borclu bilirlər. Bu borcu müxtəlif formalı, zəngin məzmunlu tədbirlərlə- anım və xatirə günləri, yürüşlər,ziyarətlər, ədəbi-bədii kompozisiyalar və flaşmoblarla yerinə yetirirlər.
Azərbaycan gəncləri günü hərbi hissədə qeyd olundu Gənclər və İdman Nazirliyi tərəfindən “2 fevral - Azərbaycan Gəncləri Günü” münasibəti ilə Müdafiə Nazirliyinin “N” saylı hərbi hissəsində tədbir keçirildi. Şəhidlərin əziz xatirəsi bir dəqiqəlik sükutla yad edildikdən sonra tədbir dövlət himninin canlı ifası ilə açıq elan olundu. Gənclər və İdman Nazirliyinin sektor müdiri Əli Məmmədov çıxış edərək şəxsi heyəti əlamətdar gün münasibəti ilə təbrik etdi, onlara tövsiyələrini bildirdi və xidmətdə uğurlar arzuladı. Daha sonra hərbi hissə rəhbərliyinin təqdimatı əsasında xidmətdə fərqlənən əsgərlər mükafatlandırıldı. Asudə vaxtın səmərəli təşkilinə əlavə kömək məqsədi ilə hərbi hissəyə idman ləvazimatları hədiyyə edildi. Gənc istedadlı müğənnilərin iştirakı ilə təşkil edilmiş konsert proqramı əsgər və zabitlər tərəfindən maraqla izlənildi.
Bakı 2017 İslam Həmrəyliyi Oyunlarına biletlərin satış tarixi bəlli oldu19 mart 2017-ci il 4-cü İslam Həmrəyliyi Oyunlarına biletlərin satışa çıxarılacağı tarixdir. Bakı 2015 Avropa oyunlarında olduğu kimi, əhalinin bu mötəbər idman tədbirindən yüksək zövq alması məqsədi ilə, İslam Həmrəyliyi Oyunları Əməliyyat Komitəsi biletləri münasib və əlverişli qiymətlərlə satışa çıxaracaq.
Binəqədi rayonunda keçirilən “Addım-addım” adlı layihəyə yekun vurulubAzərbaycan Respublikasının Prezidenti yanında Gənclər Fondunun maliyyə dəstəyi, Binəqədi rayon Gənclər və İdman İdarəsi, Yeni Azərbaycan Partiyası Binəqədi rayon Təşkilatı Gənclər Birliyinin təşkilatçılığı ilə keçirilən VIII qrant müsabiqəsinin qalibi Mahmud Məmmədzadənin “Addım-addım” adlı layihəsinə yekun vurulub. Qeyd edək ki, layihənin keçirilməsində məqsəd gənclərin şəxsi inkişafına töhfə vermək və onların gələcəkdə biznesin idarə edilməsi istiqamətində peşəkar kadrlar kimi yetişməsinə dəstək olmaqdan ibarətdir.
Gənclər günü əsgərlərlə birlikdə qeyd edildi02 fevral 2017-ci il tarixdə Astara rayon Gənclər və İdman İdarəsi və Rayon Mədəniyyət Mərkəzinin birgə təşkilatçılığı ilə N saylı hərbi hissədə bir qrup fəal gəncin iştirakı ilə əsgər və zabitlər üçün 2 fevral “Gənclər günü” münasibətilə bayram şənliyi təşkil olunmuşdur.
Biləsuvar rayonunda “Mübariz Kuboku” uğrunda “Xəmsə” Milli İntellektual Oyunu üzrə rayon birinciliyi keçirildi 06 fevral 2017-ci il tarixdə Biləsuvar rayon Gənclər və İdman İdarəsinin təşkilatçılığı ilə Milli Qəhrəman Mübariz İbrahimovun xatirəsinə həsr olunmuş “Mübariz Kuboku” uğrunda “Xəmsə” Milli İntellektual Oyunu üzrə rayon birinciliyi keçirildi. Tədbirin açılış mərasimində çıxış edən Biləsuvar rayon Gənclər və İdman İdarəsinin aparıcı məsləhətçisi Sahil Hüseynzadə Mübariz İbrahimovun tərcümeyi-halı, keçdiyi döyüş yolu və misilsiz qəhrəmanlıq şücaəti , vətənpərvərliyi barədə gənclərə geniş məlumat verdi. Bildirdi ki, Mübarizin qəhrəmanlığı və əziz xatirəsi nəinki doğulub boya-başa çatdığı Biləsuvar rayonunda, eyni zamanda bütün türk dünyasında anılır.
BP və Bakı 2017 İslam Həmrəyliyi Oyunları tərəfdaşlıq sazişi imzalayırBu gün BP və Bakı 2017 İslam Həmrəyliyi Oyunları 12-22 may tarixlərində Bakıda keçiriləcək Oyunlarda BP-nin rəsmi neft və qaz tərəfdaşı olmasını nəzərdə tutan saziş imzaladılar Bu tərəfdaşlıq BP-nin Azərbaycanda idman potensialının inkişaf etdirilməsinə dəstək olmaq öhdəliyinin bir hissəsidir və Azərbaycan Milli Olimpiya və Paralimpiya Komitələri ilə uzunmüddətli uğurlu tərəfdaşlığa söykənir. O, həmçinin Bakı 2015 Avropa Oyunları və 2012-ci il London Olimpiya və Paralimpiya Oyunları üzrə BP-nin təcrübəsi və sıx əməkdaşlığına əsaslanır.
Binəqədi rayonunda 2 Fevral – “Azərbaycan Gəncləri günü” qeyd edildiBinəqədi Rayon İcra Hakimiyyəti, Binəqədi rayon Gənclər və İdman İdarəsi və YAP Binəqədi rayon Təşkilatının təşkilatçılığı ilə 2 Fevral – “Azərbaycan Gəncləri günü” qeyd edilmişdir. Tədbirdə Binəqədi Rayon İcra Hakimiyyətinin başçısı Xaləddin İsgəndərov, Azərbaycan Respublikası Prezidenti Administrasiyasının İctimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev, millət vəkili Azay Quliyev, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədrinin müavini Ülvi Mehdiyev, İslam Oyunlarının Təşkilat Komitəsinin katibi, Milli Olimpiya Komitələri ilə əməliyyatlar üzrə İdarənin rəhbəri Könül Nurullayeva, Azərbaycan Silahlı Qüvvələrinin zabiti, mayor Ramil Səfərov, Misir Ərəb Respublikasının Azərbaycandakı Səfirliyinin Mədəniyyət attaşesi, Misir Mədəniyyət və Təhsil Əlaqələri Mərkəzinin müdiri Əhməd Sami, rayon gəncləri, İslam Həmrəyliyi Oyunlarının könüllüləri, “Ölkəmizi Tanıyaq” layihəsinin iştirakçıları, 2016/2017-ci tədris ilində tələbə qəbulu imtahanlarında ən yüksək nəticə göstərmiş və Azərbaycan Respublikasının ali məktəblərinə daxil olmuş rayon gəncləri, Binəqədi Rayon İcra Hakimiyyətində təcrübədə olan ASAN könüllüləri, Misir, Türkiyə, İndoneziya, Yəmən, Çad, Fələstin, İraq, İordaniyadan olan, ölkəmizdə təhsil alan tələbələr iştirak etmişlər.
Binəqədi rayonunda “Narkomaniya ilə mübarizədə gənclərin rolu” mövzusunda tədbir keçirilmişdir Binəqədi rayon Gənclər evində 31 yanvar 2017-ci il tarixdə Azərbaycan Respublikasının Prezidenti yanında Bilik Fondu, Binəqədi Rayon İcra Hakimiyyəti, Binəqədi rayon Gənclər və İdman İdarəsi və Azərbaycan Respublikası Daxili İşlər Nazirliyi Polis Akademiyasının birgə təşkilatçılığı ilə “Narkomaniya ilə mübarizədə gənclərin rolu” mövzusunda mühazirə-diskussiya formatında tədbir keçirilib. Tədbirdə Binəqədi rayon Gənclər və İdman İdarəsinin rəisi Qüdsi Bayramov, RİH başçısı Aparatının İctimai-siyasi və humanitar məsələlər şöbəsinin müdir müavini Rauf Həsənov, Azərbaycan Respublikasının Prezidenti yanında Bilik Fondunun Beynəlxalq layihələr sektorunun aparıcı məsləhətçisi Səbuhi Bayramov, ekspert DİN Polis Akademiyasının “Daxili İşlər orqanlarında inzibati fəaliyyət” kafedrasının baş müəllimi, hüquq üzrə fəlsəfə doktoru, polis polkovnik-leytenantı, Bilik Fondunun Koordinasiya Şurasının üzvü Rafiq Nəcəfquliyev, rayonda yerləşən texniki peşə məktəblərinin tələbələri iştirak ediblər. Tədbiri giriş sözü ilə açan rayon Gənclər və İdman İdarəsinin rəisi Qüdsi Bayramov ölkəmizdə uğurla icra olunan dövlət gənclər siyasətinin istiqamətləri barədə fikirlərini gənclərlə bölüşərək, tədbirin gedişatında mövzu ilə bağlı onları maraqlandıran məsələlər ətrafında fəal olmağa dəvət etmişdir. Daha sonra çıxış edən qonaqlar və ekspert narkomaniyanın törətdiyi bəlalardan danışıb, gənclər üçün böyük təhlükə mənbəyi olan “ağ ölümə” qarşı həyata keçirilən maarifləndirmə tədbirlərinin vacibliyinə diqqət çəkiblər. Sonda gənclərin sualları cavablandırılıb.
Gənclər günü əsgərlərlə birlikdə qeyd edildi 02 fevral 2017-ci il tarixdə Astara rayon Gənclər və İdman İdarəsi və Rayon Mədəniyyət Mərkəzinin birgə təşkilatçılığı ilə N saylı hərbi hissədə bir qrup fəal gəncin iştirakı ilə əsgər və zabitlər üçün 2 fevral “Gənclər günü” münasibətilə bayram şənliyi təşkil olunmuşdur. Tədbirdə Gənclər və İdman İdarəsinin rəisi Ərçə Əliyev Gənclər günü münasibətilə gəncləri təbrik etmiş, onlara xidmətlərini uğurla başa vurmağı arzulamışdır . Ərçə Əliyev çıxışında 1990-1993-cü illərdə Azərbaycan gənclərinin vəziyyətindən, ümumilli lider Heydər Əliyevin hakimiyyətə gəlişindən sonra gənclərə göstərilən diqqət və qayğıdan bəhs etmiş, Azərbaycan Respublikası Gənclər və İdman Nazirliyinin yaradılması, ilk Gənclər forumu və Gənclər gününün təsis edilməsi haqqında məlumat vermiş, əsası ulu öndər Heydər Əliyev tərəfindən qoyulan gənclər siyasətinin bugün ölkə rəhbəri cənab İlham Əliyev tərəfindən uğurla davam etdirildiyini bildirmişdir. O həmçinin Astara rayonunda Gənclər siyasətini həyata keçirən Astara rayon Gənclər və İdman İdarəsinin gördüyü işlər haqqında məlumat vermişdir.
Ölkəmizdə "2 Fevral gənclər günü" nün 20 illiyi qeyd olunduPrezident İlham Əliyevin 2017-ci il 27 yanvar tarixli Sərəncamı ilə mükafatlandırılan gənclərə gənclər üçün Prezident mükafatları təqdim edilib. Bununla bağlı keçirilən tədbirdə çıxış edən gənclər və idman naziri Azad Rəhimov əlamətdar gün münasibətilə gəncləri təbrik edib. Bildirib ki, bu gün gənclər üçün böyük bir bayramdır. Bu il Azərbaycanda Gənclər Gününün qeyd olunmasının iyirminci ildönümüdür. Bu, böyük yoldur. Biz bu müddət ərzində çox işlər görmüşük. Azərbaycan gənclər siyasəti sahəsində dünyəvi bir model yaradıb və bu model dünya ölkələrində, beynəlxalq təşkilatlarda qəbul olunur. Gənclər Prezidentin ətrafında birləşiblər və parlaq Azərbaycan naminə çalışırlar. Bizim gəncliyimiz həmişə öndə olacaq, ulu öndər Heydər Əliyevin ideyaları həyata keçəcək.
İsmayıllı rayonunda “2 fevral –Azərbaycan Gəncləri günü” nə həsr edilmiş ümumrayon əlaçılarının birinci forumu keçirildiYeniyetmə və gəncləri müstəqil həyata hərtərəfli hazırlamaq məqsədilə 2 fevral 2017-ci il tarixdə İsmayıllı rayon icra hakimiyyətinin təşəbbüsü, rayon təhsil şöbəsi ilə rayon gənclər və idman idarəsinin təşkilatçılığı əsasında “Azərbaycan gəncləri günü” çərçivəsində əlaçı şagirdlərin birinci rayon forumu keçirilib. Forumun devizi belə olub: “Təhsil əlaçılığından həyat əlaçılığına” Foruma 2025 nəfər əlaçı şagirdi təmsil edən 200 nəfər yuxarı siniflərin əlaçıları dəvət olunub.
Gənclər günü münasibətilə rayon gənclərinin bayram tədbiri keçirilmişdir2 fevral 2017-ci il tarixdə Bərdə şəhər 1№li Uşaq İncəsənət məktəbində Respublika Gənclər günü münasibətilə rayon gənclərinin bayram tədbiri keçirilmişdir Tədbirdə rayon İcra Hakimiyyətinin istimai-siyasi və humanitar məsələlər üzrə şöbənin müdir müavini Eldəniz Səfərov, Gənclər və İdman Nazirliyinin idman şöbəsinin baş məsləhətçisi,”Respublikanın Əməkdar Məşqçisi” Tofiq Eyvazov , Bərdə rayon Gənclər və İdman İdarəsinin kollektivi ,idarə,müəssisə və təşkilatlarından,KİV-lərdən nümayəndələr və fəal gənclər iştirak etmişdir.
Gəncə şəhərində “2 fevral Gənclər günü”nə həsr olunmuş tədbir keçirilib01 fevral 2017-ci il tarixində Gəncə şəhər Ramada Plaza otelində Şəhər İcra Hakimiyyətinin dəstəyi, Gənclər və İdman Baş İdarəsinin təşkilatçılığı ilə "2 fevral Gənclər günü” münasibəti ilə tədbir keçirilib. Tədbirdə şəhər rəsmiləri, ziyalılar, təhsil, səhiyyə, mədəniyyət, idman sahəsində çalışan fəal gənclər və tələbələr iştirak ediblər. Tədbir Azərbaycan Respublikası Dövlət Himninin səsləndirilməsi ilə açıq elan edilib.
Biləsuvar rayonunda 2 Fevral Gənclər günü münasibətilə tədbir keçirildi02 fevral 2017-ci ildə Heydər Əliyev Mərkəzində 2 Fevral Gənclər günü münasibətilə tədbir keçirildi. Tədbirdə rayon İcra Hakimiyyəti başçısı cənab Mahir Quliyev, rayonun hüquq-mühafizə orqanlarının, rayon ictimaiyyətinin nümayəndələri, idarə və müəssisələrdə çalışan gənclər, tələbələr və Şagird Gənclər Təşkilatının üzvləri iştirak etdilər. İlk öncə Azərbaycan Respublikasının Dövlət Himni səsləndirildi, ardınca Biləsuvar rayon Gənclər və İdman İdarəsinin 2016-cı ildə gənclərlə gördüyü işlər barədə videofilm nümayiş etdirildi.
"İdeya var!" gənclərin l ümumrespublika elmi-yaradıcılıq müsabiqəsinin qalibləri müküfatlandırılacaqGənclər və İdman Nazirliyi tərəfindən noyabr ayından başlayaraq "İdeya var!" gənclərin l ümumrespublika elmi-yaradıcılıq müsabiqəsinin seçim mərhələsi keçirilmişdir. 2 ay davam edən müsabiqənin məqsədi gənclərin elmi və yaradıcılıq fəaliyyətini, sosial təşəbbüskarlığını stimullaşdırmaq, innovativ potensialının nümayiş etidirilməsi üçün əlverişli şərait yaratmaq, tədqiqat və elmi araşdırma fəaliyyətinə həvəsləndirmək idi. 14-29 yaşlı Azərbaycan Respublikasının vətəndaşları fərdi və müəllif qrupların iştirak etdikləri müsabiqə 4 nominasiya üzrə aparılmışdır:
Nərimanov rayonunda “Art fashion - 2017” moda festivalı keçirilib01 fevral 2017-ci il tarixdə “Odlar Yurdu” Universitetində Nərimanov Rayon Gənclər və İdman İdarəsinin və “Odlar Yurdu” Universitetinin birgə təşkilatçılığı ilə “2 fevral – Azərbaycan Gəncləri Günü”nə həsr edilmiş Nərimanov rayonu ərazisində yerləşən ali və orta ixtisas təhsil müəssisələrinin tələbələri arasında “Art fashion - 2017” moda festivalı keçirilib. “Art fashion - 2017” moda festivalının keçirilməsində məqsəd “2 fevral – Azərbaycan Gəncləri Günü”nü geniş şəkildə qeyd etmək, gənclərin mənəvi inkişafını təmin etmək, innovativ ideyalarının və yaradıcı təşəbbüslərinin reallaşdırılmasına kömək etmək və asudə vaxtlarının səmərəli təşkil etməkdir. Tədbirdə Bakı Şəhər Gənclər və İdman Baş İdarəsinin rəisi Raqif Abbasov, Nərimanov Rayon Gənclər və İdman İdarəsinin rəisi Nəcəf Novruzov, “Odlar Yurdu” Universitetinin rektoru, professor Əhməd Vəliyev, Universitetin müəllim heyəti və fəal gənclər iştirak etmişdir.
 əvvəlki    4  5  6  7  8  9  10  11  12  13  14    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1213

Partnyorlar