Xəbərlər

 

 


İdman mütəxəssisləri təltif olunublarDekabrın 27-də Gənclər və İdman Nazirliyində bir qrup idman mütəxəssisinə fəxri adların təqdim olunması ilə əlaqədar tədbir keçirilib. Mərasimdə çıxış edən gənclər və idman naziri Azad Rəhimov cari ildə ölkəmizdə idman sahəsində qazanılan nailiyyətlərdən danışaraq bildirib ki, Azərbaycanda idman siyasətinin nəticəsində idmançılarımız ölkəmizi beynəlxalq arenada yüksək səviyyədə təmsil edirlər. Ölkəmizin irimiqyaslı yarışlara yüksək səviyyədə ev sahibliyi etdiyini vurğulayan nazir Azərbaycanın dünyada idman dövləti kimi tanındığını diqqətə çatdırıb. Sonra Azad Rəhimov nazirliyin kollegiyasının qərarına əsasən, idman sahəsində fərqlənmiş bir qrup idman mütəxəssisini təltif edib.
Cari ildə yüksək nailiyyət qazanan idmançılar, məşqçilər və komandalar mükafatlandırılıbDekabrın 26-da Gənclər və İdman Nazirliyi 2016-cı ildə nailiyyət qazanan idmançılara, məşqçilərə və komandalara mükafatlar təqdim edib. Azərbaycanın dövlət himni səsləndirildikdən sonra cari ildə ölkəmizdə keçirilən beynəlxalq turnirlər, idmançılarımızın uğurları barədə videoçarx nümayiş olunub. Mərasimdə çıxış edən gənclər və idman naziri Azad Rəhimov bildirilib ki, 2016-ci il Azərbaycan idmanı üçün uğurlu olub. Dövlətimizin başçısı, Milli Olimpiya Komitəsinin prezidenti İlham Əliyevin yüksək diqqət və qayğısı sayəsində Azərbaycan artıq idman ölkəsinə çevrilib. Azərbaycanda idmanın inkişafı getdikcə geniş vüsət alır, yeni-yeni uğurlar əldə olunub. Son illər Azərbaycan mötəbər idman tədbirlərinə uğurla ev sahibliyi edir. Bu, Azərbaycanda uğurla reallaşdırılan dövlət idman siyasətinin sayəsində mümkün olub.
Sumqayıtda Həmrəylik Günü və Yeni İl münasibətilə bayram tədbiri keçirildiSumqayıt şəhər Gənclər və İdman Baş İdarəsi 25 dekabr 2016-cı il tarixində Gənclər Evində 31 Dekabr – Dünya Azərbaycanlılarının Həmrəyliyi Günü və Yeni İl bayramı münasibətilə bədii-əyləncəli bayram tədbir təşkil etmişdir. Tədbirdə Gənclər Evi və şəhərin müxtəlif sahələrində könüllü olaraq çalışan gənclər, hökumət və qeyri-hökumət gənclər təşkilatları, ictimai birliklərin nümayəndələri iştirak etmişlər. İlk öncə iştirakçılara Baş İdarənin cari il ərzində həyata keçirdiyi tədbirlərdən ibarət foto-slayd təqdim edilmişdir. Bayram tədbirində çıxış edən Baş İdarənin Gənclərlə iş sektorunun müdiri Ceyhun Hüseynov ötən il ərzində Respublikamızda olduğu kimi Sumqayıtda da şəhər rəhbərliyinin tapşırıq və tövsiyyələrinə uyğun olaraq gənclərlə iş sahəsində həyata keçirilmiş tədbirlərdən, əldə edilmiş nəailiyyətlərdən danışmış, bu uğurların ölkə başçısı cənab İlham Əliyevin diqqət və qayğısı sayəsində əldə olunduğunu xüsusilə vurğulamış, iştirakçıları 31 Dekabr – Dünya Azərbaycanlılarının Həmrəyliyi Günü və Yeni İl Bayramı münasibətilə təbrik etmişdir. Tədbirin bədii hissəsində müxtəlif əyləncəli intelektual oyunlar keçirilmiş, yeniyetmə və gənclərin ifasında maraqlı musiqi və rəqs nümunələri nümayiş etdirilmişdir.
Biləsuvar rayonunda 31 Dekabr Dünya Azərbaycanlıların Həmrəylik Günü münasibətilə taekvando idman növü üzrə rayon birinciliyi keçirildi 24 dekabr 2016-cı il tarixdə Biləsuvar Olimpiya İdman Kompleksində uşaq, yeniyetmə və gənclər arasında 31 Dekabr Dünya Azərbaycanlıların Həmrəylik Günü münasibətilə taekvando idman növü üzrə rayon birincliyi keçirildi. Tədbiri giriş sözü ilə açan Biləsuvar rayon Gənclər və İdman İdarəsinin rəisi müavini Elşən Süleymanov əvvəlcə idmançıları bayram münasibətilə təbrik etdi və idmançılara gələcək fəaliyyətlərində uğurlar arzuladı. Yarışda 10 çəki dərəcəsində müxtəlif yaş qruplarında 40-dan çox idmançı öz qüvvəsini sınadı. Sonda qalib idmançılar Biləsuvar rayon Gənclər və İdman İdarəsinin diplomları ilə mükafatlandırıldı.
Karate üzrə rayon birinciliyi25 dekabr 2016-cı il tarixdə İsmayıllı Olimpiya İdman Kompleksində “31 dekabr –Dünya Azərbaycanlılarının Həmrəyliyi Günü” münasibətilə yeniyetmələr və gənclər arasında karate üzrə rayon birinciliyi keçirildi. Tədbiri İsmayıllı rayon Gənclər və İdman İdarəsinin rəisi Taleh Salehov açaraq iştirakçıları salamladı, qarşıdan gələn bayramlar münasibətilə hər kəsi təbrik etdi, həmrəyliyimizin tarixindən geniş bəhs etdi,idmançılara qələbə sevinci arzuladı. İsmayıllı Olimpiya İdman Kompleksinin təlimatçısı Anar Həsənov da öz növbəsində Həmrəylik günü münasibətilə iştirakçıları təbrik etdi. 50 idmançının mübarizə apardığı yarışda müxtəlif çəki dərəcəsində qaliblər oldu. Qaliblərin hər biri rayon gənclər və idman idarəsinin diplom və medalları ilə təltif edildi.
Binəqədi rayonunda “Tolerantlıq, Multikulturallıq, Həmrəylik!” adlı yaradıcılıq müsabiqəsinə start verilibAzərbaycan Respublikası Prezidentinin 2016-cı ilin Azərbaycanda "Multikulturalizm ili" elan edilməsi haqqında 2016-cı il 11 mart tarixli Sərəncamı ilə əlaqədar Binəqədi rayon orta ümumtəhsil məktəblərində “Tolerantlıq, Multikulturallıq, Həmrəylik!” adlı yaradıcılıq müsabiqəsinə start verildi. Müsabiqə Binəqədi Rayon İcra Hakimiyyəti, Binəqədi rayon Gənclər və İdman İdarəsi və YAP Binəqədi rayon təşkilatı tərəfindən təsdiq edilmiş əsasnaməyə uyğun olaraq keçirilir. Müsabiqəyə ilk olaraq 23 dekabr 2016-cı il tarixdə 144 nömrəli tam orta məktəbdən başlanıldı. Tədbirdə münsiflər heyətinin, müəllim və şagirdlərin “Multikulturalizm və tolerantlıq” haqqında çıxışları dinlənildi. Çıxışlarda qeyd olundu ki, əsrlər boyu Azərbaycan müxtəlif millətlərin sülh, əmin-amanlıq, qarşılıqlı anlaşma şəraitində yaşadığı ölkə kimi tanınıb, bu gün də ölkədə tolerantlıq prinsiplərinə əsaslanan siyasət aparılır. Sonra məktəblilər müxtəlif dillərdə şeirlər söylədi, mahnılar ifa etdi, rəqslər nümayiş etdirdilər. Münsiflər heyəti tərəfindən çıxışlara baxıldı və qiymətləndirildi. Qeyd edək ki, 30 dekabr 2016-cı il tarixdə Bakı Atıcılıq Mərkəzində keçiriləcək tədbirdə müsabiqədə fərqlənən ən yaxşı məktəbl
İsmayıllı idmançıları rayon icra hakimiyyətinin rəhbərliyi ilə görüşdə ilə yekun vurublar24 dekabr 2016-cı il tarixdə Heydər Əliyev Mərkəzində müxtəlif idman növləri üzrə il ərzində Respublika və Beynəlxalq yarışlarda qalib gələn idmançıların, onların məşqçilərinin rayon icra hakimiyyətinin rəhbərliyi və yerli federasiya bölmələrinin sədrləri ilə görüşü olub. Görüş daha çox hesabat xarakteri daşıyıb.
“İdman dayanıqlı inkişaf naminə" festival-müsabiqə keçiriləcək26 dekabr 2016-cı il tarixdə saat 14:00-da Bakı İdman Sarayında “İdman dayanıqlı inkişaf naminə" festival-müsabiqənin keçirilməsi nəzərdə tutulur. Tədbir çərçivəsində Bakı şəhərinin məktəbliləri arasında idman, intellektual və incəsənət yarışların keçirilməsi, həmçinin tanınmış estrada müğənnilərinin iştirakı ilə konsert proqramının təşkil edilməsi planlaşdırılır. Qeyd edək ki, tədbir Azərbaycan Respublikasının Prezidentinin 11 oktyabr 2016-cı il tarixli Sərəncamı ilə təsdiq edilmiş “Azərbaycan Respublikasının dövlət müstəqilliyinin bərpasının iyirmi beşinci ildönümü ilə bağlı Tədbirlər Planı”nın 2.6-cı bəndinə uyğun olaraq Gənclər və İdman Nazirliyi tərəfindən gerçəkləşdirilir.
Azərbaycanın olimpiya çempionları üçün Azərbaycan Respublikası Prezidentinin xüsusi olimpiya təqaüdünün məbləğinin artırılması haqqında Azərbaycan Respublikası Prezidentinin FərmanıAzərbaycan Respublikası Konstitusiyasının 109-cu maddəsinin 32-ci bəndini rəhbər tutaraq Azərbaycanın olimpiya çempionlarının sosial müdafiəsinin gücləndirilməsi məqsədilə qərara alıram: 1. Azərbaycanın olimpiya çempionları üçün Azərbaycan Respublikası Prezidentinin xüsusi olimpiya təqaüdünün məbləği artırılaraq 1300 (min üç yüz) manat müəyyən edilsin.
Azərbaycan Prezidenti İlham Əliyev 2016-cı ilin idman yekunlarına həsr olunan mərasimdə iştirak edibDekabrın 23-də Milli Olimpiya Komitəsində 2016-cı ilə yekun vurulub, idmançılara və idman mütəxəssislərinə mükafatların təqdim edilməsi mərasimi keçirilib. Azərbaycan Respublikasının Prezidenti, Milli Olimpiya Komitəsinin prezidenti İlham Əliyev mərasimdə iştirak edib. Dövlətimizin başçısı tədbirdə nitq söylədi.
SUMQAYITDA BƏDİİ GİMNASTİKA ÜZRƏ “SUMQAYIT MÖCÜZƏSİ” AÇIQ ŞƏHƏR BİRİNCİLİYİNƏ YEKUN VURULDUAzərbaycan Gimnastika Federasiyası, Sumqayıt şəhər Gənclər və İdman Baş İdarəsi və Sumqayıt Olimpiya İdman Kompleksinin birgə təşkilatçılığı ilə 21 dekabr 2016-cı il tarixində Olimpiya İdman Kompleksində “31 Dekabr-Dünya Azərbaycanlılarının Həmrəyliyi günü”nə həsr edilmiş bədii gimnastika üzrə “Sumqayıt Möcüzəsi “ açıq şəhər birinciliyi keçirilmişdir.
Ismayıllı rayonunda “31 dekabr –Dünya Azərbaycanlılarının Həmrəyliyi” gününə həsr olunmuş inşa-yazı müsabiqəsi keçirildi23 dekabr 2016-cı il tarixdə İsmayıllı rayon Təhsil Şöbəsinin akt zalında İsmayılı rayon Gənclər və İdman İdarəsi və rayon təhsil şöbəsinin birgə təşkilatçılığı ilə “31 dekabr –Dünya Azərbaycanlılarının Həmrəyliyi” gününə həsr olunmuş inşa-yazı müsabiqəsi keçirildi. Tədbiri giriş sözü ilə Gənclər və İdman İdarəsinin baş məsləhətçisi Şəhla Qafarova açaraq iştirakçıları salamladı, “31 dekabr –Dünya Azərbaycanlılarının Həmrəyliyi Günü” və qarşıdan gələn yeni 2017-ci il münasibətilə gəncləri təbrik etdi, Həmrəylik günümüzün tarixi barədə geniş məlumat verdi. Həmrəyliyimizin , birliyimizin möhkəmləndirilməsi istiqamətində 1991-ci ildən bu günə müntəzəm işlərin aparıldığını diqqətə çatdırdı. O həmçinin, Ulu Öndərin Müstəqil Azərbaycanın inkişafı tarixinin bütün mərhələlərində uğurlu siyasətinin hiss olunduğunu qeyd etdi. Sonra inşa yazı müsabiqəsi barədə iştirakçıları məlumatlandırdı. Verilən bir saat ərzində gənclər öz fikir və duyğularını bədii ifadələrlə kağıza köçürdülər. 6 məktəbdən 13 şagirdin iştirak etdiyi inşa-yazı müsabiqəsinin nəticələri yoxlama komissiyasının rəyi əsasında bəlli olacaqdır.
Astara idmançılarının Dünya kuboku yarışında qalib oldu02-04 dekabr 2016-cı il tarixlərində Dünya Döyüş Növləri Assosasiyası və Juboksinq Citsu Federasiyasının birgə təşkilatçılığı ilə Juboksinq Citsu və Qarışıq idman növləri üzrə Bakı şəhərində keçirilən Dünya kuboku yarışında Juboksinq üzrə 12-14 yaş qrupunda Novruzov Rüstəm (40 kq ), I yerə, 14-16 yaş qrupunda Nəzərzadə Nihad ( 48 kq ) I yerə, 15-17 yaş qrupunda Həsənzadə İlkin ( 54 kq ), I yerə, 18+ yaş qrupunda Xankişiyev Asiman ( 60 kq ) III yerə layiq görülmüşlər. Qeyd edək ki, 16-20 dekabr tarixlərində Dünya Layt Kontakt Döyüş Təşkilatı və Azərbaycan Budo Döyüş Növləri Federasiyasının birgə təşkilatçılığı ilə Budo Döyüş Növlərində Layt Kontakt versiyası üzrə Bakı şəhərində keçirilən Azərbaycan çempionatında Xankişiyev Asiman II yerə layiq görülərək gümüş medal qazanmışdır. Astara rayon Gənclər və İdman İdarəsinin rəisi Ərçə Əliyev idmançılarla görüşmüş, onları təbrik etmiş və yeni nailiyyətlər arzulamışdır.
Nərimanov rayonunda “Gənclərin Biznes Məktəbi” layihəsinin bağlanış mərasimi keçirilib21 dekabr 2016-cı il tarixdə Azərbaycan Turizm və Menecment Universitetində Azərbaycan Respublikası Prezidenti yanında Gənclər Fondunun maliyyə dəstəyi, Nərimanov Rayon Gənclər və İdman İdarəsinin və “Yeni Gələcək” Gənclərin Maarifləndirilməsi İctimai Birliyinin birgə təşkilatçılığı ilə “Gənclərin Biznes Məktəbi” layihəsinin bağlanış mərasimi və son təlimi keçirilib. Açılış mərasimində Nərimanov Rayon Gənclər və İdman İdarəsinin aparıcı məsləhətçisi Vüsal Ömərov, “Yeni Gələcək” Gənclərin Maarifləndirilməsi İctimai Birliyinin sədri Pərviz Mustafayev, baş katibi Ləman Muradova, Azərbaycan Turizm və Menecment Universitetinin Tələbə-Gənclər Təşkilatının sədri Qoşqar Rzayev, “AMV Consulting” MMC-nin layihələr üzrə meneceri Orxan Nəbiyev və 120 nəfər gənc iştirak etmişlər.
Biləsuvar rayonunda gənclərə ilk tibbi yardım qaydaları öyrədildi Biləsuvar rayon Gənclər və İdman İdarəsinin təşkilatçılığı ilə 22 dekabr 2016-cı il tarixdə Biləsuvar şəhər 4 nömrəli tam orta məktəbdə yeniyetmə və gənclərin tibbi sahədə maarifləndirilməsi məqsədilə “Təxirəsalınmaz ilk tibbi yardım qaydalarının təbliği” mövzusunda təlim keçirildi. Təlimdə Biləsuvar rayon Mərkəzi Xəstəxanasının Təcili Tibbi Yardım şöbəsinin həkimi Müsəddiq Əliyev iştirak etdi. Təlimdə ilk tibbi yardım zamanı atılan addımlar barədə gənclərə ərtaflı məlumat verildi, sağlam həyat tərzinin qorunması yolları barədə söhbət açıldı. İnteraktiv formada keçirilən təlim zamanı iştirakçıların çoxsaylı sualları cavablandırıldı. Sonda mövzu ilə əlaqədar hazırlanmış videoçarx nümayiş etdirildi.
“Heydər Əliyev və müstəqil Azərbaycan” adlı məqalə müsabiqəsinin qalibləri mükafatlandırılacaqAzərbaycan Respublikası Gənclər və İdman Nazirliyinin dəstəyi ilə noyabr ayında Dünya Türk Gənclər Birliyi İB və Azərbaycan Gənclərinin Demokratik İnkişafa Yardımı İctimai Birlikləri Azərbaycan Respublikasının dövlət müstəqilliyinin bərpasının 25-ci il dönümünə həsr edilən jurnalistlər arasında “Heydər Əliyev və müstəqil Azərbaycan” adlı məqalə müsabiqəsi layihəsini həyata keçirmişdir. Dünya tarixində danılmaz faktdır ki, müstəqilliyi qoruyub saxlamaq, onu qazanmaqdan qat-qat çətindir. Azərbaycanın əldə etdiyi müstəqillik çox çətin başa gəlmiş olsa da, bu müstəqilliyi qoruyub saxlamağı, tarixin ən ağır sınaqlarına sinə gəlməyi xalq, məhz öz Ulu Öndəri, Ümummilli lideri Heydər Əliyevdən öyrənmişdir.
Evlənmək vaxtım deyil, təhsil vaxtımdır mövzusunda təlimAstara Rayon Mərkəzi Kitabxanasında Astara rayon Gənclər və İdman İdarəsi və Astara Pedaqoji Kollecinin təşkilatçılığı ilə Azərbaycan Respublikası Prezidenti Yanında Gənclər Fondunun Maliyyə dəstəyi ilə Asif Xankişiyevin “Evlənmək vaxtım deyil, təhsil vaxtımdır” layihəsinə uyğun olaraq gənclər arasında maarifləndirici təlim keçirilmişdir. Tədbirdə Rayon Gənclər və İdman İdarəsinin baş məsləhətçisi Elnur Qurbanlı, Astara Pedaqoji Kollecinin müəllimi Vüsal Babayev, Mərkəzi Kitabxanın müdiri Tural Eyvazov mövzu üzrə çıxış etmişlər. Daha sonra təlimçi, layihənin kordinatoru Rafail Əliyev, ekspert Hacı Əliyev Ailənin önəmi, Erkən nigah, Erkən nigah problemi, Təhsilli ana-təhsilli cəmiyyət haqqında ətraflı məlumat vermişlər. Sonda iştirakçıların sualları cavablandırılmış və onlara sertifikatlar təqdim olunmuşdur.
Sosial müdafiəyə ehtiyacı olan yeniyetmə və gənclər üçün Yeni il şənliyi keçiriləcəkCari ilin dekabrın 23-də Gənclər və İdman Nazirliyi tərəfindən sosial müdafiəyə ehtiyacı olan yeniyetmə və gənclər üçün Yeni il şənliyi keçiriləcəkdir Tədbirin keçirilməsində məqsəd - sosial müdafiəyə ehtiyacı olan yeniyetmə və gənclərə olan dövlət qayğısının daha da artırılması, onların asudə vaxtlarının səmərəli keçirilməsindən ibarətdir. Tədbirdə sağlamlıq imkanları məhdud olan, valideyin himayəsindən məhrum və məcburi köçkün, həmçinin aztəminatlı və şəhid ailələrindən olan 300 nəfər yeniyetmə və gəncin iştirakı nəzərdə tutulur. Şənlik 23 dekabr saat 13.00-da “Fərid palace” şadlıq evində keçiriləcəkdir (Ünvan: Binəqədı, Atatürk prospekti 147, Ayna Sultanova heykəlinin yanı)
Nərimanov rayon gənclərinin Azərbaycan xalq yazıçısı Çingiz Abdullayev ilə görüşü keçirilib21 dekabr2016-cı il tarixdə Nərimanov Rayon Gənclər və İdman İdarəsinin iclas zalında "Açıq söhbət" layihəsi çərçivəsində Azərbaycan detektiv yazıçısı, nasir, Azərbaycan Yazıçılar Birliyinin üzvü, hüquq elmləri doktoru, "Neftçi" PFK-nın Müşahidə Şurasının sədri Çingiz Abdullayev ilə Nərimanov rayon gənclərinin görüşü keçirilib. Görüşdə ilk öncə Nərimanov Rayon Gənclər və İdman İdarəsinin rəisi Nəcəf Novruzov çıxış edərək yazıçını və fəal gəncləri salamlamış,Çingiz Abdullayevin həyat və fəaliyyəti, eyni zamanda İdarənin fəaliyyəti, tələbə-gənclər təşkilatlarının sıx əməkdaşlığı haqqında geniş məlumat verib. İdarə rəisi çıxışında bu cür görüşlərin artıq bir ənənə halı aldığını və bu güngənclər hər bir dövlətin gələcəyini, inkişafını istiqamətləndirən cəmiyyətin aparıcı qüvvəsi olduğunu qeyd etmişdir. N.Novruzov çıxış edərək qeyd etdi ki, Çingiz Abdullayev dünya səviyyəsində tanınan bir yazıçıdır. Müxtəlif dillərə nəşr olunan əsərlərinin motivləri əsasında filmlər çəkilib.
Qaydasız döyüş növləri üzrə dünya kuboku yarışı keçirilmişdir16-20 dekabr 2016-cı il tarixlərdə Bakı şəhərində MMA Qaydasız döyüş növləri üzrə dünya kuboku yarışı keçirilmişdir. İsmayıllı rayon Gənclər və İdman İdarəsinin karate üzrə məşqçi-müəllimi Bayram Qəhrəmanovun yetirmələri kubok yarışlarında yüksək nəticələr göstərmişlər. İdmançılarımız:- Səlimov Qadir , Ələkbərova Ləman, Məmmədli Asim II yerə, Məmmədli Tahir, Əkbərov Murad, Nuriyev Bakıxan III-yerə və Əsgərov Vüsal I yerə layiq görülərək fəxri kürsünün ən yüksək pilləsinə yüksəlmişdir. Qaliblərimizi təbrik edirik.
 əvvəlki    3  4  5  6  7  8  9  10  11  12  13    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1246

Partnyorlar