Xəbərlər

 

 


2017 İslam Həmrəyliyi Oyunları öncəsi missiya rəhbərləri Bakıda toplanırGələn il ölkəmizdə keçiriləcək IV İslam Həmrəyliyi Oyunlarına Bakı 2017 Əməliyyat Komitəsinin (AİHOƏK) hazırlıqları barədə son məlumatlarla tanış olmaq məqsədilə dünyanın 50-dən çox ölkəsindən Bakıya təşrif buyurmuş missiya rəhbərləri bu gün müzakirələrə başlayıblar. Oyunların keçirildiyi müddət ərzində öz ölkələrinin Milli Olimpiya Komitələrinə başçılıq edəcək, eyni zamanda bütün idmançı və komanda rəsmiləri üçün cavabdehlik daşıyacaq missiya rəhbərləri, Bakıda olduqları iki günlük səfər çərçivəsində müxtəlif görüşlər keçirib, idmançıların qalacaqları yerlər, akkreditasiya məsələləri, mərasimlər və nəqliyyat əməliyyatları daxil olmaqla, bir çox mövzular üzrə silsilə seminarlarda iştirak ediblər.
Gənc şairlərlə yeniyetmə şairlərin görüşü baş tutubXəzər rayon Gənclər və İdman idarəsi, Xəzər rayon Gənclər Evi ilə birlikdə 07 dekabr 2016 - cı il tarixdə Xəzər rayon Gənclər Evində gənc şairlərlə rayonumuzun yeniyetmə şairlərinin gğrüşü təşkil edilmişdir.Görüşdə yeniyetmə şairlərin şeirləri dinlənilmiş, Gənclər Evində yaradılacaq “Şairlər Klubuna” yeniyetmə şairlər üzv seçilmişlər. Тədbirdə Xəzər rayon Gənclər və İdman idarəsinin rəisi Vüqar Əliyev, Xəzər rayon Gənclər Evinin direktoru Elşən Əliyev,gənc şairlər Elşən Mehdi,Rəşad Nağı Mustafa, Pünhan Əzimov, Elvin Paşa çıxış etmişlər.
Bakı 2017 Könüllülük Proqramına qeydiyyat sona çatmaq üzrədir12-22 may tarixləri arasında Bakı şəhərində keçiriləcək 4-cü İslam Həmrəyliyi Oyunları çərçivəsində startı verilmiş Bakı 2017 Könüllülük Proqramı üçün qeydiyyat mərhələsi 11 dekabr 2016-cı il tarixində başa çatacaq. Hal-hazırda bu proqram üçün qeydiyyatdan keçmiş namizədlər Azərbaycan Dövlət Bədən Tərbiyəsi və İdman Akademiyasında fəaliyyət göstərən Könüllülər Mərkəzində müsahibə mərhələsinə dəvət olunurlar. Bu günə qədər qeydiyyatdan keçmiş 11000 nəfər könüllünün, 3000 nəfəri artıq müsahibədə iştirak etmişdir. Fevral ayınadək davam edən müsahibə mərhələsinin sonunda 8000 könüllü mötəbər idman tədbirinin bir hissəsi olmaq fürsətini qazanaraq Bakı 2017 İslam Həmrəyliyi Oyunlarına cəlb ediləcək.
Nərimanov rayonunda “Mən fövqəladə hadisələrə qarşı mübarizəyə hazıram” adlı layihə həyata keçirilib05 dekabr 2016-cı il tarixində Azərbaycan Turizm və Menecment Universitetində Azərbaycan Respublikasının Prezidenti Yanında Gənclər Fondunun maliyyə, Fövqəladə Hallar Nazirliyinin Akademiyası, Nərimanov Rayon Gənclər və İdman İdarəsinin və Azərbaycan Turizm İnstitutu Məzunları İctimai Birliyinin birgə təşkilatı dəstəyi ilə “Mən fövqəladə hadisələrə qarşı mübarizəyə hazıram” adlı layihə həyata keçirilib.
Gənclər ümummilli lider Heydər Əliyevin anım gününü qeyd ediblər XX əsrin görkəmli dövlət və siyasi xadimlərindən biri, xalqımızın ümummilli lideri Heydər Əliyevin anım günü bütün Respublikada geniş şəkildə qeyd olunur. Ardıcıl tədbirlər İsmayıllıda da reallaşdırılır. Noyabrın 7-də rayon Gənclər və İdman İdarəsi və İsmayıllı Peşə Tədris Mərkəzinin birgə təşkilatçılığı ilə Peşə Tədris Mərkəzində “Heydər Əliyev və Azərbaycan gəncliyi” mövzusunda keçirilən dəyirmi masada məktəbin müəllim və şagirdləri, rayon ağsaqqalları , gənclər, bir qrup ziyalı iştirak edib. Anım gününə həsr olunmuş tədbiri giriş sözü ilə PTM-nin direktoru Zaur Muradov açıb, ümummilli liderin tarixi şəxsiyyət, Azərbaycan xalqının xilaskarı olduğunu diqqətə çatdırıb. Rayon İcra hakimiyyətinin İctimai-siyasi və humanitar məsələlər şöbəsi müdirinin müavini Murad Məhərrəmov, rayon gənclər və idman idarəsinin rəisi Taleh Salehov , tarix müəllimi Ramiz Baloğlanov, ağsaqqallardan İnqilab Həsənov, Niyaz Ağayev, “İsmayıllı xəbərləri” qəzetinin redaktoru Şahməmməd Soltanov,məktəbin şagirdi Songül Şərifova çıxışlarında qeyd ediblər ki, Azərbaycan xalqının son 50 illik tarixinin hər bir səhifəsi Heydər Əliyevin adı və fəaliyyəti ilə bağlıdır. Diqqətə çatdırılıb ki, bu dahi şəxsiyyət bütün mənalı ömrünü öz Vətəninin, xalqının yüksəlişi və inkişafına sərf edib. Xalqımızın siyasi lideri olaraq Heydər Əliyev Azərbaycanı və “azərbaycanlı” sözünü bütün dünyaya tanıdıb. Heydər Əliyevin heç bir tarixi şəxsiyyətlə müqayisə olunmaz,bənzərsiz, özünəməxsus, dünya siyasətində öz dəsti-xətti olan tarixi bir şəxsiyyət olduğu söylənilib. Sonda gənclərin sualları cavablandırılıb.
Ümummilli Liderimiz Heydər Əliyevin xatirəsinə həsr edilmiş “Təfəkkür” Universitetinin tələbələri arasında mini futbol turniri keçirilib02-07 dekabr 2016-cı il tarixlərində Məktəb-Lisey Kompleksin futbol meydançasında Nərimanov Rayon Gənclər və İdman İdarəsi, “Təfəkkür” Universitetinin və Universitetin Tələbə-Gənclər Təşkilatının birgə təşkilatçılığı ilə Ümummilli Liderimiz Heydər Əliyevin xatirəsinə həsr edilmiş “Təfəkkür” Universitetinin tələbələri arasında mini futbol turniri keçirilib. Turnirin bağlanış mərasimində Nərimanov Rayon Gənclər və İdman İdarəsinin rəisi Nəcəf Novruzov, “Təfəkkür” Universitetinin Tədris metodiki idarənin rəisi və Nəqliyyat və tətbiqi mexanika kafedrasının müdiri İlham Musayev və Universitetin Tələbə-Gənclər Təşkilatının sədri Asəf Cabbarlı çıxış edərək qalib komandaları təbrik etmiş, Ümummilli Lider Heydər Əliyevin Azərbaycanın dövlət müstəqilliyinin qazanılmasında və möhkəmləndirilməsində müstəsna rolundan danışmışlar. Ulu Öndərin yürütdüyü uzaqgörən daxili və xarici siyasət nəticəsində ölkəmizin artıq dünyanın lider dövlətlərindən, regionun iqtisadi və siyasi mərkəzlərindən biri olduğunu qeyd etmişlər. Turnirdə ümumillikdə 10 komanda iştirak etmişdir. Turnirin nəticəsi olaraq iştirak edən komandalardan “313” qrupun komandası - I yerə, "214" qrupun komandası - II yerə, "415" qrupun komandası isə - III yerə çıxmışlar. Qalib gəlmiş komandalar diplomlarlar ilə təltif olundular.
Dekabrın 9-da gənclər və idman naziri Şirvanda vətəndaşları qəbul edəcəkGənclər və idman naziri Azad Rəhimov dekabrın 9-da Şirvan şəhərində vətəndaşları qəbul edəcək. Qəbulda Şirvan, Hacıqabul, Neftçala, Saatlı, Sabirabad, Salyan şəhər və rayon sakinləri iştirak edəcəklər.
Həndbol üzrə 2003-2004-cü il təvəllüdlü qızlar arasında final yarışı keçirilibAzərbaycan Respublikası Gənclər və İdman Nazirliyinin 2016-cı il üçün vahid idman təqvim planına əsasən 7 dekabr 2016-cı il tarixdə İsmayıllı Olimpiya İdman Kompleksində idman məktəblərinin VII Respublika oyunlarının proqramına daxil olan həndbol üzrə 2003-2004-cü il təvəllüdlü qızlardan ibarət komandalar arasında final yarışına start verilib. Final yarışında Gəncə, Mingəçevir və Şirvan şəhərlərinin Göygöl,Tovuz, İsmayıllı və Şəmkir rayonlarının komandaları iştirak edib. Tədbiri İsmayıllı rayon Gənclər və İdman idarəsinin rəisi Taleh Salehov açıb. Azərbaycan Respublikası Gənclər və İdman Nazirliyinin sektor müdiri Nicat Həsənov, Həndbol federasiyası İsmayıllı bölməsinin sədri, rayon təhsil şöbəsinin müdiri Rasim Orucov və Rayon İcra Hakimiyyətinin əməkdaşı Namiq Kərimov çıxış ediblər. 6 dekabr 2016-cı il tarixdən başlanan yarışlar dekabrın 10-dək davam edəcək. Komandaların məşqləri və yarışları üçün Olimpiya İdman Kompleksində yaradılan şərait idmançıları razı salıb.
“Biznesə başla” mövzusunda təlim keçirildi06 dekabr 2016-cı il tarixində Astara şəhərinin Şindan hotelində Azərbaycan Respublikası Prezidenti yanında Gənclər Fondunun dəstəyi, Astara Rayon İcra Hakimiyyəti, Astara rayon Gənclər və İdman İdarəsinin birgə təşkilatçılığı ilə Gənclərin İnkişafına Dəstək İctimai Birliyinin “Cənublu gənclərin peşə və sahibkarlıq bacarıqlarının artırılması layihəsi”nə uyğun olaraq “Biznesə başla” mövzusunda təlim keçirilmişdir. Tədbirdə Astara Rayon İcra Hakimiyyətinin böyük məsləhətçisi Fikrət Talibov, Astara rayon Gənclər və İdman İdarəsinin baş məsləhətçisi Elnur Qurbanlı, GİD İctimai Birliyinin sədri, layihə rəhbəri Murad İbrahimov, Astara Pedaqoji Kollecinin tələbələri və Astara şəhər 1, 2, 3 saylı tam orta məktəblərinin yuxarı sinif şagirdlərindən ibarət 50 nəfərə yaxın gənc iştirak etmişdir. Təlimçi Nihad Mahmudlu region gənclərinin məşğulluğu, iş mühitinə, peşə bacarıqlarının inkişaf etdirilməsinə, biznesə, sahibkarlığa, xüsusilə də kənd təsərrüfatı sahibkarlığına cəlb etməklə iqtisadiyyatımızın inkişafına dəstək olmaq, həmçinin sahibkarlığa iddialı gənclərlə innovativ düşüncə bacarıqlarının artırılmasına yardımçı olmaq sahəsində təqdimat etmişdir. Daha sonra iştirakçıların sualları cavablandırılmış və onlara Şəhadətnamələr təqdim olunmuşdur.
Olimpiya Oyunlarının proqramında karate yarışları, oğlan və qızların hər birində 3 çəki dərəcəsi üzrə keçiriləcəkBeynəlxalq Olimpiya Komitəsinin (BOK) İcraiyyə Komitəsi karateni 2018-ci il Yeniyetmələrin Olimpiadasının proqramına daxil etməyi qərara alıb. Bu barədə BOK-un və Dünya Karate Federasiyasının (WKF) rəsmi internet səhifələri məlumat verib. Buenos-Ayres Olimpiadasınn təşkilat komitəsinin bu təklifində karate ilə yanaşı idman rəqsləri və idman dağadırmanması növləri də var. Yeniyetmələrin qarşıdakı Olimpiya Oyunlarının proqramında karate yarışları, oğlan və qızların hər birində 3 çəki dərəcində, eləcə də kata çıxışları üzrə keçiriləcək. Argentinanın paytaxtında bu mötəbər idman hadisəsi 2018-ci il oktyabrın 1-12 aralığında təşkil ediləcək. Beləliklə yeniyetmə karateçilər böyüklərdən əvvəl Olimpiadada iştirak edəcəklər.
QİDA proqramı çərçivəsində keçirilən “QHT İdarəetmə Akademiyası: Beynəlxalq Təcrübə” layihəsinin tədbirləri başa çatıb06 dekabr 2016-cı il tarixində “QHT İdarəetmə Akademiyası” (QİDA) Proqramı çərçivəsində keçirilən “QHT İdarəetmə Akademiyası: Beynəlxalq Təcrübə” layihəsinin təltifetmə mərasimi keçirilib. Təltifetmə mərasimindən sonra layihə iştirakçıları öz təəssüratlarını bölüşüblər və mövzu ətrafında fikir mübadiləsi aparıblar. "Avropa Hüquqşünas Tələbələr Assosiasiyası-Bakı" İctimai Birliyinin idarə heyətinin üzvü Ülvi Əhmədov qeyd edib: “Üç günlük təlim proqramında iştirak etməklə beynəlxalq fondlara qrant yazmağın yollarını öyrəndim. Burada iştirak etmək mənə geniş təcrübə qazandırdı. Beynəlxalq təlimçilər tərəfindən keçirilən təlim proqramında layihə yazmaq üzrə praktiki biliklərimi daha da möhkəmləndirdim. Lahiyədə iştirak etməklə beynəlxalq fondların iş prinsiplərini öyrəndim. İnanıram ki, burada iştirak etməyim gələcək karyerama geniş töhfə vermiş olacaq”.
Chef de Mission lar Bakıda İslam Həmrəyliyi oyunlarına hazırlığı müzakirə edəcəkDekabr ayının 8-i IV İslam Həmrəyliyi oyunlarına hazırlıq məqsədi ilə Bakıda 50 ölkədən 71 iştirakçısının qatılacağı Chef de Mission Seminarı öz işinə başlayacaq. İki gün davam edəcək Seminarda İslam Həmrəyliyi İdman Federasiyasının baş katibi Faisal Abdulaziz Al-Nassar, baş katibin müavini Saeed Abdulghaffar Hussein və ümumilikdə 6 nəfər nümayəndə iştirak edəcək. Tədbirin keçirilməsində əsas məqsəd İslam Həmrəyliyi oyunlarında iştirak edəcək ölkələrin oyunlara təhkim olunan missiya rəhbərlərinin iştirakı ilə hazırlıq prosesi ilə yaxından tanış olub, müzakirələr aparmaqdır.
Binəqədi rayonunda “Bu günün tələbələri sabahın brendləri” mövzusunda tədbir keçirilibBinəqədi rayon Gənclər və İdman İdarəsi, Yeni Azərbaycan Partiyası Binəqədi rayon Təşkilatı Gənclər Birliyinin təşkilatçılığı ilə 03 dekabr 2016-cı il tarixdə Yeni Azərbaycan Partiyası Binəqədi rayon Təşkilatının inzibati binasında Binəqədi bələdiyyəsinin üzvü Aysel Əlizadənin “Dəbli və Ciddi” layihəsi çərçivəsində “Bu günün tələbələri sabahın brendləri” mövzusunda tədbir keçirilib.
Binəqədi rayonunda “Beynəlxalq Könüllülər Günü” ilə bağlı ASAN tur təşkil edildi “Beynəlxalq Könüllülər Günü” ilə bağlı 3 dekabr 2016-cı il tarixdə Binəqədi Rayon İcra Hakimiyyətinin aparatında və Binəqədi rayon Gənclər və İdman İdarəsində rotasiya yolu ilə təcrübə keçən ASAN Könüllülər üçün ASAN tur təşkil edildi. Təşkil edilmiş ASAN tur çərçivəsində könüllü gənclər Binəqədi rayonu ərazisinə ekskursiya etdilər və rayonun müxtəlif qəsəbələrində oldular.
Nərimanov rayonunda Beynəlxalq Əlillər Günü qeyd olunub2 dekabr 2016-cı il tarixdə 3 dekabr - Beynəlxalq Əlillər Günü ilə əlaqədar Nərimanov Rayon İcra Hakimiyyəti və Nərimanov Rayon Gənclər və İdman İdarəsinin birgə təşkilatçılığı ilə rayonda yerləşən Sağlamlıq İmkanları Məhdud Uşaqlar üçün 5 nömrəli Xüsusi İnternat Məktəbində tədbir keçirilib. Rayon rəhbərliyinin, məktəbin şagird və müəllimlərinin iştirakı ilə baş tutan tədbiri giriş sözü ilə açan məktəbin direktoru Vəzirova İradə bu əlamətdar gün münasibəti ilə məktəbdə təhsil alan uşaqları təbrik edərək, dövlətimiz tərəfindən əlillərə, qayğıya ehtiyacı olan yaradıcı insanlara göstəriən diqqət və qayğını yüksək qiymətləndirib, onların cəmiyyətə fəal inteqrasiyası üçün yaradılan şəraitə görə Azərbaycan Respublikasının Prezidenti cənab İlham Əliyevə və Azərbaycanın birinci xanımı, Heydər Əliyev Fondunun prezidenti Mehriban Əliyevaya minnətdarlığını bildirib.
Könüllülər “Nə? Harada? Nə Zaman?” intellektual yarışında qalibiyyət mübarizəsinə qoşuldularAzərbaycan İslam Həmrəyliyi Oyunları Əməliyyat Komitəsi könüllülərlə iş komandası, Bakı Şəhər Halqası Əməliyyat Şirkəti könüllülərlə iş komandası və Azərbaycan İntellektual Oyunlar Klubunun birgə təşkilatçılığı ilə “Nə? Harada? Nə Zaman?” intellektual yarışı keçirilib.
İsmayıllıda ümummilli lider Heydər Əliyevin xatirəsinə həsr olunmuş cüdo üzrə açıq rayon turniriİsmayıllı Rayon Gənclər və İdman İdarəsi, Cüdo Federasiyasının rayon bölməsi və Olimpiya İdman Kompleksinin təşkilatçılığı ilə Olimpiya İdman Kompleksində ümummilli lider Heydər Əliyevin xatirəsinə həsr olunmuş cüdo üzrə açıq rayon birinciliyi keçirilib. Xatirə turnirində Bakı, Qobustan, Şamaxı, Ağsu, Göyçay, Oğuz, Qəbələ və İsmayıllı komandaları-200 nəfər idmançı iştirak edib. Açıq rayon turnirini rayon bölməsinin sədri Əkbər Şəfaqətov açıb. Xatirə turnirinin məqsəd və məramından danışıb. Rayon Gənclər və İdman İdarəsinin rəisi Taleh Salehov çıxış edərək deyib ki, ulu öndər Heydər Əliyev həmişə olduğu kimi, ikinci hakimiyyəti zamanında da idmançılara və gənclərə aparıcı qüvvə kimi baxıb, onlara ən çətin işlərdə istinad edib. Ümummilli liderimizin qayğısı və diqqətinin nəticəsi olaraq Azərbaycanda idman sürətlə inkişaf etməyə başlamış, onun üçün möhkəm baza yaradılmışdı. Cənab Prezident İlham Əliyevin rəhbərliyi ilə Respublikamız beynəlxalq miqyasda idman ölkəsi kimi tanınmışdır. İsmayıllıda da idmanın inkişafına xüsusi qayğı ilə yanaşılır. Dünya, Avropa və Azərbaycan çempionlarının sayı İsmayıllı idmaçıları sırasında artmaqda davam edir. Daha sonra OİK-nin direktoru Tofiq Hümbətov və karate üzrə baş məşqçi Anar Həsənov çıxış edib, müxtəlif idman növləri üzrə keçirilmiş və keçiriləcək xatirə turnirlərindən danışıb, cüdoçulara uğurar arzulayıblar. Yarışlara start verilib. Gərgin və yüksək iradə nümayişi ilə keçən və günün sonuna qədər davam edən yarışın yekunu olaraq İsmayıllı komandası birinci, Qəbələ komandası ikinci və Oğuz komandası üçüncü yeri tutub. Qaliblərə tutduqları yerlərə uyğun medallar və diplomlar təqdim olunub. Ümummilli lider Heydər Əliyevin xatirəsinə həsr olunmuş idman turnirləri davam edir.
Binəqədi rayon Gənclər evində “İŞIQ-FOR WOMAN” adlı sosial layihə çərçivəsində üçüncü tədbir keçirilibBinəqədi rayon Gənclər evində 03 dekabr 2016-cı il tarixdə Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsi və “Müasir Gənclər Klubu” MMC-nin təşkilatçılığı ilə “İŞIQ-FOR WOMAN” adlı sosial layihə çərçivəsində üçüncü tədbir keçirilib.
Nərimanov rayonunda yerləşən Azərbaycan Kooperasiya Universitetin tələbələri arasında “Nə? Harada? Nə zaman?” İntellektual Oyunu keçirilib2 dekabr 2016-cı il tarixində Azərbaycan Kooperasiya Universitetində Tələbə Gənclər Təşkilatının təşkilatçılığı ilə fakültələrarası “Nə? Harada? Nə zaman?” İntellektual Oyunu keçirilib. Oyunun keçirilməsində məqsəd gənclərin intellektual səviyyəsini, dünyagörüşünü genişləndirmək, zehni inkişafını stimullaşdırmaq, onlar arasında biliklərin və elmin nüfuzunu artırmaq, eləcədə asudə vaxtlarının səmərəli təşkil etməkdən ibarətdir. Tədbirdə Azərbaycan Kooperasiya Universitetinin tədris işləri üzrə prorektoru Fikrət Quliyev, mühasibat uçotu, sənayenin təşkili fakültəsinin dekanı Nizami Qafarov və Universitetin Tələbə-Gənclər Təşkilatının sədri Tamerlan Əkbərov çıxış edərək gəncləri salamladılar və iştirakçılara uğurlar arzuladılar. Qeyd edək ki, keçirilən oyunda Azərbaycan Kooperasiya Universitetinin tələbələrindən ibarət 8 komanda iştirak etmişdir. Onlardan I yeri Marketinq və menecment fakultəsinin komandası, II yeri İdarəetmə fakultəsinin komandası, III yeri isə Ekspertiza və texnologiya fakultəsinin komandası tutmuşdur. Qalib gələn komandalar diplomlarla təltif olunmuşdur.
ADA Universiteti tələbələrinin yarışı keçirilibAzərbaycan Velosiped İdmanı Federasiyası və ADA Universiteninin birgə təşkilatçılığı ilə Respublika Velotrekində adı çəkilən təhsil müəssisəsinin tələbələri arasında velosiped yarışı təşkil edilib. Yarışda hər birinin tərkibində 3 oğlan və 1 qız tələbə olan 14 komanda iştirak edib. Yarış başlamazdan əvvəl tələbələr Respublika Velotrekində idmançılar üçün yaradılan şərait, həmçinin Azərbaycan və dünya velosipedinin tarixini özündə əks etdirən muzeylə tanış olublar. Estafet sistemi üzrə keçirilən yarışda hər komandanın tərkibində yer alan velosipedçilər 333 metrlik marşrut boyunca dövrə vurublar və ən yaxşı vaxt göstəricisinə əsasən qaliblər müəyyənləşib. Fərqlənən komandalar Azərbaycan Velosiped İdmanı Federasiyası tərəfindən diplom və kubokla təltif ediliblər.
 əvvəlki    2  3  4  5  6  7  8  9  10  11  12    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1277

Partnyorlar