Xəbərlər

 

 


Nərimanov rayonunda 20 yanvar faciəsinin XXVII ildönümünə həsr edilmiş anım tədbiri keçirilib19 yanvar 2017-cı il tarixində Azərbaycan Kooperasiya Universitetində Nərimanov Rayon Gənclər və İdman İdarəsinin, Azərbaycan Kooperasiya Universitetinin və Bakı Biznes və Kooperasiya Kollecin birgə təşkilatçılığı ilə 20 Yanvar faciəsinin XXVII ildönümünə həsr olunmuş anım tədbiri keçirilib. Anım tədbirində Nərimanov Rayon Gənclər və İdman İdarəsinin rəisi Nəcəf Novruzov, Azərbaycan Kooperasiya Universitetinin Elmi işlər üzrə prorektoru, professor Bəyalı Ataşov, Universitetin və Kollecin professor və müəllim heyəti, Tələbə-Gənclər Təşkilatının fəal üzvləri və tələbələr iştirak etmişdir.
“20 yanvar faciəsi xalqımızın qəhrəmanlıq salnaməsidir” mövzusunda inşa yazı və rəsm müsabiqələrinin qalibləri mükafatlandırıldı18 yanvar 2017-ci il tarixdə Nərimanov Rayon Gənclər və İdman İdarəsinin iclas zalında 20 yanvar faciəsinin XXVII ildönümünə həsr olunmuş “20 yanvar faciəsi xalqımızın qəhrəmanlıq salnaməsidir” mövzusunda məktəblilər arasında inşa yazı və rəsm müsabiqələrinin qaliblərinin mükafatlandırılma mərasimi keçirilib. Tədbirdə Nərimanov Rayon Gənclər və İdman İdarəsinin rəisi Nəcəf Novruzov, Gənclər üçün Təhsil Mərkəzin icraçı direktoru Fəxrəddin Həsənzadə, Azərbaycan Turizm və Menecment Universitetinin Tələbə-Gənclər Təşkilatının sədri Qoşqar Rzayev, rayon ərazisində fəaliyyət göstərən orta ümumtəhsil məktəblərin müəllim və şagird heyəti iştirak etmişdi.
Biləsuvar rayonunda “20 Yanvar tariximizin qəhrəmanlıq səhifəsidir” adlı səhnələşdirilmiş kompozisiya müsabiqəsi keçirildiBiləsuvar rayon Gənclər və İdman İdarəsinin təşkilatçılığı ilə 18 yanvar 2017-ci il tarixdə Ümumxalq Hüzn Gününə həsr olumuş “20 Yanvar tariximizin qəhrəmanlıq səhifəsidir” adlı səhnələşdirilmiş kompozisiya müsabiqəsi keçirildi.
20 yanvar şəhidlərinin xatirəsinə həsr olunmuş beynəlxalq karate turniri keçiriləcək20-22 yanvar 2017-ci il tarixlərində Azərbaycan Milli Karate Federasiyası və "Arpaçay" karate klubunun təşkilatçılığı ilə 20 yanvar şəhidlərinin xatirəsinə həsr olunmuş beynəlxalq turnir keçiriləcək. 6-13 yaşlı uşaqlar, 14-15 yaşlı yeniyetmələr və 16-17 yaşlı gənclər arasında kata və kumite üzrə xatirə turniri Bakı İdman Sarayında təşkil ediləcək. Yarışda yerli idmançılarla yanaşı, İran, Rusiya və Gürcüstan komandalarını təmsil edən 600-dək karateçi iştirak edəcəklər. Karateçilər həm fərdi, həm də komanda yarışlarında mübarizə aparacaqlar. Yarışın əsasnaməsi ilə afişalardan tanış ola, həmçinin PDF faylı vasitəsilə yükləyə bilərsiniz.
“20 yanvar” şəhidlərinin xatirəsinə həsr olunmuş voleybol üzrə rayon birinciliyi keçirilmişdir 17-18 yanvar 2017-ci il tarixlərdə ak.Z.Əliyeva adına texniki fənlər təmayüllü məktəb-liseydə Bərdə Rayon Gənclər və İdman İdarəsinin və Rayon Təhsil Şöbəsinin birgə təşkilatçılığı ilə “20 yanvar” şəhidlərinin xatirəsinə həsr olunmuş voleybol üzrə məktəblilərin qızlardan ibarət komandaları arasında rayon birinciliyi keçirilmişdir.Birincilikdə 8 komanda iştirak etmişdir.
“20 Yanvar – xalqımızın qəhrəmanlıq salnaməsidir” mövzusunda toplantı keçirildi18 yanvar 2017-ci il tarixdə Milli Olimpiya Komitəsinin İclas zalında Gənclər və İdman Nazirliyinin təşkilatçılığı ilə 20 Yanvar faciəsinin iyirmi yeddinci ildönümünə həsr olunmuş “20 Yanvar – xalqımızın qəhrəmanlıq salnaməsidir” mövzusunda toplantı keçirildi. Toplantıda Gənclər və İdman Nazirliyinin və Milli Olimpiya Komitəsinin əməkdaşları, millət vəkilləri və qonaqlar, müxtəlif gənclər təşkilatlarının üzvləri, tələbələr idman ictimaiyyətinin nümayəndələri və Bakı şəhəri üzrə gənclər və idman idarələrinin rəhbərləri iştirak edirdi. Dövlət Himninin səsləndirilməsi ilə açıq elan edilən toplantıda Şəhidlərin əziz xatirəsi bir dəqiqəlik sükutla yad edildi.
Bakı şəhərində Davos Forumu çərçivəsində tədbir keçirilib17 yanvar 2017-ci il tarixində ADA Universitetində Azərbaycan Respublikası Gənclər Təşkilatları Milli Şurası və “Global Shapers Community Baku” tərəfindən Gənclər və İdman Nazirliyi, Azərbaycan Respublikası Prezidenti yanında Gənclər Fondu və “Youth İnc” Gənclərin Sahibkarlıq Proqramının dəstəyi ilə Dünya İqtisadi Forumu (Davos Forumu) çərçivəsində “Davosa Doğru – Bakı” Forumu yekunlaşıb. Forum 3 hissədən ibarət olmaqla gənc sahibkarların biznes təşəbbüslərinin sərgisi ilə başlayaraq rəsmi açılış hissəsi və iki mövzunu əhatə edən panel sessiyaları ilə davam etdirilib. Sərgidə gənc sahibkarların məsul və xidmətləri nümayiş olunub.
SUMQAYITDA SAMBO ÜZRƏ ŞƏHƏR YARIŞINA YEKUN VURULDU13-15 yanvar 2017-ci il tarixlərində “Alüminiumçu” İdman Evində “20 Yanvar” şəhidlərinin xatirəsinə həsr olunmuş sambo üzrə yeniyetmələr (1999-2001), gənclər (1997-1998) və kişilər arasında şəhər çempionatı keçrilmişdir. Üç gün gərgin idman mübarizəsi şəraitində davam edən yarışda Nurlan Məmmədov (48kq), Mirağa Hacıyev (52kq), Ruslan Paşayev (56kq), Nüsrət Həsənəlili (60kq), Təbriz Dadaşov (65kq), Rauf Məmmədzadə (70kq), Kamran Novruzov (75kq), Şahin Quliyev (81kq), Firdovsi Nəsirov (87kq) və Asif Əliyev (+87kq) yeniyetmələr arasında, Nicat Süleymanov (48kq), Rəşad Qulamov (52kq), Ruslan Paşayev (57kq), Rauf Məmmədzadə (62kq), Ülvi Bayramov (68kq), Kamran Novruzov (74kq), Həsən Əlyarov (82kq), Firdovsi Nəsirov (90kq), Emin Kazımov (100kq) və Nicat Aslanov (+100) gənclər arasında, Vüsal Qurbanov (52kq), İlqar Məmmədov (57kq), Billuri Xəlilov (62kq), Pərviz Şükürov (68kq), Emin Qulamov (74kq), Elşad Fətullayev (82kq), Çingiz Ramazanov (90kq) və Seymur Sadıqov (+100) isə kişilər arasında bütün rəqiblərinə qalib gələrək fəxri kürsünün ən yüksək pilləsinə qalxmışlar. Yarışların qalib və mükafatçıları cari ilin fevral ayında Bakı şəhərində keçiriləcək Azərbaycan çempionatında iştirak etmək hüququ əldə etmişlər və şəhər Gənclər və İdman Baş İdarəsinin fəxri fərmanı və hədiyələri ilə təltif olunmuşlar.
Cüdo idman növü üzrə Xəzər rayon birinciliyi keçirilibBalaxanı Olimpiya İdman Kompleksində Xəzər rayon İdman İdarəsinin təşkilatçılığı ilə 20 Yanvar Şəhidlərinin xatirəsinə həsr olunmuş Cüdo idman növü üzrə 2000/2002/2003/2004/2005/2006/2007/2009-cu il təvəllüdlü uşaq və yeniyetmələr arasında açıq birincilik keçirilmişdir. Yarışda hər çəki üzrə qalib gələn idmançılar Xəzər rayon Gənclər və İdman idarəsi tərəfindən müvafiq diplom və medallarla mükafatlandırılmışdır
Astara idmançılarının qələbələri14-15 yanvar 2017-ci il tarixlərində Dünya Alqaput Federasiyasının Azərbaycan Nümayəndəliyi, Azərbaycan Muay-Tay Tayboks Federasiyası, Azərbaycan Kubo Federasiyası, “İnam” Peşəkar Free Fighting İdman klubu və Suraxanı Rayon Gənclər və İdman İdarəsinin birgə təşkilatçılığı ilə 20 yanvar Şəhidlərinin Xatirəsinə həsr olunmuş Bakı şəhərində keçirilən Döyüş növləri üzrə festivalda Astara rayon komandasının üzvləri Məmmədov İbrahim (70 kq) I yerə, Məmmədzadə Kənan (55 kq) II yerə, Əlizadə Nurlan (45 kq) II yerə layiq görülmüşlər. Yarışda Azərbaycan, Türkiyə, Gürcüstan, İraq, İran, Rusiya idmançıları mübarizə aparmışlar. Komandanı yarışa Şərq idman növləri üzrə IV dan qara kəmər sahibi Ramiq Rəhmanov hazırlamışdır. Astara rayon Gənclər və İdman İdarəsinin rəisi Əliyev Ərçə idmançılarımızı təbrik etmiş və onlara uğurlar arzulamışdır.
Gəncə şəhər Gənclər evində “20 Yanvar” faciəsinin 27-ci ildönümü ilə əlaqədar maarifləndirici tədbir həyata keçirilmişdir16 yanvar 2016-cı il tarixində Gəncə şəhər Gənclər evində şəhər Gənclər və İdman Baş İdarəsinin və Ombudsmanın Gəncə Regional Mərkəzinin birgə təşkilatçılığı ilə “20 Yanvar” faciəsinin 27-ci ildönümünə həsr olunmuş tədbir təşkil olunmuşdur. Tədbiri giriş sözü ilə açan Gənclər və İdman Baş İdarəsinin rəisi Müşfiq Cəfərov çıxış edərək faciə haqqında gənclərə ətraflı məlumat vermiş, baş vermiş bu hadisəni xalqımıza qarşı törədilmiş ən böyük cinayət kimi qiymətləndirmişdir. Qeyd olunmuşdur ki, həmin günlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş, öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucalmışlar. Bu faciənin təbliği istiqamətində gənclərin rolu xüsusi vurğulamışdır.
Nərimanov rayonunda ordu sıralarından tərxis olunmuş görüş keçirilib16 yanvar 2017-ci il tarixdə Nərimanov Rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin Nərimanov Rayon İdarəsinin, Rayon Gənclər və İdman İdarəsinin birgə təşkilatçılığı ilə Rayon İcra Hakimiyyətinin iclas zalında ordu sıralarından tərxis olunmuş gənclərlə görüş keçirilib.
Binəqədi rayonunda “Torpaq uğrunda ölən varsa, Vətəndir” mövzusunda tədbir keçirilmişdirBinəqədi rayonunda 2016-cı ilin aprel döyüşlərində qəhrəmancasına həlak olmuş şəhid Fəxrəddin Qurbanlının doğum günü ilə əlaqədar Rayon İcra Hakimiyyəti, Rayon Səfərbərlik və Hərbi Xidmətə Çağırış İdarəsi və Rayon Gənclər və İdman İdarəsinin təşkilatçılığı ilə tədbir keçirilmişdir. Əvvəlcə Binəqədi rayonundan həqiqi hərbi xidmətə çağırılmış gənc çağırışçılar və rayonun fəal gəncləri şəhid Fəxrəddin Qurbanlının məzarını ziyarət etdilər. Binəqədi rayon Gənclər və İdman İdarəsinin rəisi Qüdsi Bayramov, Binəqədi Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini Rauf Həsənov, Binəqədi qəsəbə bələdiyyəsinin sədri Aytac Əliyeva şəhidin məzarı önündə çıxış edərək Fəxrəddin Qurbanlının hər bir gənc üçün nümunə olduğunu vurğuladılar, onun əziz xatirəsinin yaddaşlarda əbədi yaşayacağını bildirdilər.
Gənclər və idman naziriyinin BƏYANATI“Şən və Hazırcavablar klubları”nın KVN Rusiyanın Soçi şəhərində baş tutan 28-ci beynəlxalq festivalının seçmə mərhələsində ümumilikdə 500-ə yaxın komanda qeydiyyatdan keçib. Azərbaycan bu festivala “Bakı Yığması” ilə qatılıb. “Şən və hazırcavablar klubu”nun (KVN) beynəlxalq ittifaqı və “AMİK” televiziya yaradıcılıq birliyinin Azərbaycan Respublikasının Ermənistan tərəfindən işğal olunmuş ərazilərində yaradılmış qondarma rejim adından fəaliyyət göstərən “С хлебом и солью” və “DeleYaman” KVN komandalarının 10-23 yanvar 2017-ci il tarixində Soçidə keçirilən 28-ci Beynəlxalq KVN festivalına dəvəti ilə əlaqədar məsələyə müdaxilə edilməsi üçün Gənclər və İdman Naziri Azad Rəhimov tərəfindən KVN Beynəlxalq ittifaqının prezidenti Aleksandr Maslyukova məktub göndərilib və festivalın təşkilat komitəsi ilə danışıqlar aparılıb.
Kikboksinq idman növü üzrə açıq rayon birinciliyi keçirilmişdir14-15 yanvar 2017-ci il tarixdə Bərdə Olimpiya İdman Kompleksində Gənclər və İdman idarəsinin və “Prins” İdman Klubunun birgə təşkilatçılığı ilə Azərbaycanın ərazi bütövlüyü uğrunda gedən döyüşlərdə şəhid olmuş həmyerlimiz,baş leytenant Həsənov Ziya Niyazi oğlunun xatirəsinə həsr olunmuş Kikboksinq idman növü üzrə açıq rayon birinciliyi keçirilmişdir.Birincilikdə 6 şəhər və rayondan (Gəncə,Ağcəbədi,Tərtər,Kəlbəcər, Goranboy, Bərdə) 127 nəfər idmançı 4 yaş qrupunda müxtəlif çəki dərəcəsində Beynəlxalq Kikboksinq Təşkilatının qaydalarına əsasən “Lou-Kik” stili üzrə öz güclərini sınamışlar. Azərbaycan Respublikasının Dövlət Himni oxundu. Azərbaycanın ərazi bütövlüyü uğrunda gedən döyüşlərdə şəhid olanların əziz xatirəsi bir dəqiqəlik sükutla yad edildi. Tədbirin açılışında Bərdə rayon Gəncər və İdman idarəsinin rəisi Anar Şahbazov çıxış edərək şəhid Ziya Həsənovun keçdiyi şərəfli döyüş yolunun hər bir gənc üçün örnək olmasından,ölkəmizdə idmana göstərilən diqqət və qayğıdan,idmançılarımızın müxtəlif miqyaslı beynəlxalq yarışlarda əldə etdikləri yüksək nailiyyətlərdən danışdı və idmançılara uğurlar arzuladı.. Şəhidin atası Niyazi Həsənov çıxış edərək oğlunun xatirəsinə keçirilən yarışın təşkilatçılarına ailəsi adından minnətdarlıqını bildirdi. Gəncə komandasını məşqçisi Elnur Salamov və başqaları çıxış etdilər. Yarış “Prins” İdman Klubu tərəfindən təyin edilmiş hakimlər kollegiyası tərəfindən idarə olunmuşdur. Birincilik Əsasnaməyə uyğun olaraq keçirilmişdir. Gərgin idman mübarizəsi şəraitində keçən birincilikdə heç bir əsasnamə pozuntusuna yol verilməmişdir. Təşkilatçılar tərəfindən qaliblərə müvafiq dərəcəli diplomlar və medallar verilmişdir.
İsmayıllı gəncləri 20 yanvar faciəsinin 27 illiyinə həsr olunmuş veloyürüş keçiribİsmayıllı Rayon Gənclər və İdman İdarəsi və həvskar velosipedçi-fəal gənc Əli İmamverdiyevin təşkilatçılığı ilə 20 yanvar faciəsinin 27 illiyinə həsr olunmuş velosiped yürüşü keçirilib. 45 nəfər velosipedçinin iştirakı ilə keçirilən yürüş başlanğıcını Heydər Əliyev adına Mərkəzi meydandan götürüb, “Şəhidlər xiyabanı”na və oradan geri-mərkəzi meydana qədər davam edib. Start mərhələsində rayon Gİİ-nin rəisi Taleh Salehov, rayon icra hakimiyyətinin əməkdaşı Rövşən Yəhyayev və fəal gənc Əli İmamverdiyev çıxış edərək 1990-cı il 20 yanvarda Qorbaçov güruhunun Azərbaycana düşməncəsinə hücumundan, azadlıq və müstəqillik yolunda şəhid olanların fədakarlığından, xalqımızın düşmənə qəhrəmanlıqla sinə gərməsindən,faciə zamanı Azərbaycana vurulumuş ölçüyəgəlməz maddi və mənəvi, ziyandan danışıblar. Qeyd ediblər ki, o zaman Respublika rəhbərliyində olanlar yeni vəzifə axtarışına çıxısalar da, xalqın dərdinə yanan, ilk olaraq haqq səsini ucaldan, işğalçını lənətləyən ümummilli liderimiz, xilaskarımız Heydər Əliyev olub. Azərbaycanın ətrafında yaradılmış informasiya blokadasını da ilk olaraq Ulu öndərimiz pozub.Gənclər tariximizin hər bir qəhrəmanlıq səhifəsini müxtəlif tədirlərlə vərəqləyirlər. Bugünkü veloyürüş də bu baxımdan daha əhəmiyyətlidir və 20 yanvar faciəsinin 27 illiyinə həsr olunub. Sonra velosipedçilər yürüş üçün nümunəvi şərait yaradılmış şəhər küçələrindən keçib, “Şəhidlər xiyabanı”na gəlib, şəhid məzarlarını gül qoymaqla ziyarət edərək geri qayıdıblar. İştirakçılara rayon gənclər və idman idarəsinin xatirə diplomları verilib.
Sumqayıtda gənclər üçün “XXI əsrin peşələri” mövzusunda təlim keçirilmişdir14 yanvar 2017-ci il tarixində Sumqayıt şəhərində “Park Restoran”-da Azərbaycan Respublikasının Prezidenti yanında Gənclər Fondunun maliyyə, şəhər Gənclər və İdman Baş İdarəsinin təşkilati dəstəyi ilə “Sumqayıt Tələbələri” ictimai birliyi tərəfindən “USTA” gənclərin peşə bacarıqlarının artırılması layihəsi çərçivəsində “XXI əsrin peşələri ” mövzusunda növbəti təlim keçirilmişdir.
Yeniyetmə və gənclərdən ibarət seçmə komandanın üzvləri Xorvatiyada beynəlxalq turnirdən 8 medal qazanıblarMükafatların beşi qızıl, üçü isə bürüncdür. Samobor şəhərində 26-cı Xorvatiya "Qran Pri"sində fəxri kürsünün ən yüksək pilləsinə Tale Yaqubov (14-15 yaşlı yeniyetmələr, -52 kq), Elcan Məmədrzayev (-60 kq), Asiya Məlikova (-50 kq) və İrina Zaretska (+68 kq, hər üçü 18-20 yaşlı gənclər seçmə komandasının üzvü) və Sahib Əhədov (yuxarı yaşlı fiziki qüsurlu dmançılar arasında) çıxıb. Mədinə Sadıqova (14-15 yaşlı yeniyetmələr, -47 kq), Vüsal Kamallı (-75 kq) və Fəridə Əliyeva (+68 kq, hər ikisi 18-20 yaşlı gənclər) isə 3-cü yeri tutub. Daha 5 idmançımız bürünc medal uğrunda görüşlərdə qələbəni əldən verib Yeniyetmə və gənclərdən ibarət seçmə komandalarımızı daha məsul yarış, 17-19 fevral tarixlərində Bolqarıstanın paytaxtı Sofiyada növbəti Avropa çempionatı gözləyir. İdmançılarımız seçmə komandaların məşqçiləri Anar Allahverdiyev, Qurban Tağıyev, Şahin Xudaverdiyev, Vahid Ayvazov və Vüqar Kərimovun rəhbərliyi ilə qarşıdakı yarışa hazırlıqları davam etdirəcəklər.
“Youth Inc.” Bakıda ilk dəfə keçiriləcək “Davosa Doğru: Bakı” forumunun tərəfdaşıdır“Youth Inc.” Gənclərin Sahibkarlıq proqramı Azərbaycanda yanvarın 17-də başlayacaq ilk “Davosa doğru: Bakı” forumunun tərəfdaşıdır. “Global Shapers: Baku Hub” və Azərbaycan Respublikası Gənclər Təşkilatları Milli Şurasının təşkilatçılığı ilə keçiriləcək Forum zamanı Davos Dünya İqtisadi Forumuna canlı bağlantı təşkil olunacaq və beynəlxalq panel sessiyası keçiriləcəkdir. “Youth Inc.” Gənclərin Sahibkarlıq proqramının kordinatoru Müşfiq Həsənov panelin moderatorudur. “Davosa Doğru: Bakı” forumunda “Gənclərin sahibkarlığa cəlb olunması vasitəsilə yeni iş yerlərinin yaradılması” və “Peşə təhsili və qeyri-formal təhsil vasitəsilə gənclərin məşğulluğunun artırılması” mövzularında panel müzakirələri aparılacaq, dövlət rəsmilərinin çıxışları və mövzu ilə bağlı fikirlər dinləniləcəkdir.
“Yeniyetmə qızların təhsilə cəlb olunması” adlı layihəninin icrası davam edirAzərbaycan Respublikasının Prezidenti yanında Gənclər Fondunun dəstəyi ilə Vəfa Xəlilli tərəfindən “Yeniyetmə qızların təhsilə cəlb olunması” adlı layihə icra planına uyğun olaraq həyata keçirilir. 10, 11, 12 yanvar 2017-ci il tarixlərində Zərdab şəhər 3, 1, 2 saylı tam orta məktəblərində layihənin icra planına uyğun olaraq təlimdə yetişdirilmiş 20 aktiv gənc qızla birlikdə maarifləndirmə tədbirləri həyata keçirilmişdir. Tədbirdə iştirak edən digər qız şagirdlər aktiv gənc qızların köməyi ilə erkən nikahın necə sosial bir bəla olduğunu anladılar və onlar da bu sosial bəlaya qarşı mübarizə aparacaqlarını və təhsil alacaqlarını söylədilər. Tədbirdə iştirak edən gənc qızlara layihənin məqsədi çatdırılmışdır. Qeyd edək ki, layihənin əsas məqsədi gənclərə erkən nikah haqqında məlumatlar verilməsi, erkən nikahın fəsadlarının açıqlanması, onların bu mövzuda maarifləndirilməsi və bu problemin qarşısını almaq üçün gənclərin təhsilə marağının artırılmasından ibarətdir. Layihə çərçivəsində hazırlanmış bukletlər 10-11ci sinif qız şagirdlərinə paylanıldı.
 əvvəlki    1  2  3  4  5  6  7  8  9  10  11    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1246

Partnyorlar