Xəbərlər

 

 


Biləsuvarda 5 Mart Bədən Tərbiyəsi və İdman Günü qeyd olunduBiləsuvar rayon Gənclər və İdman İdarəsinin təşkilatçılığı ilə 5 Mart Bədən Tərbiyəsi və İdman Gününə həsr olunmuş, IV İslam Həmrəyliyi Oyunlarına dəstək məqsədilə gənclər arasında 4 km məsafəyə qaçış marafonu keçirildi.
Xətai rayonunda 8 Mart-Beynəlxalq Qadınlar günü münasibətilə rayon orta ümumtəhsil məktəblərinin ibtidai sinif şagirdləri arasında “Ana müqəddəsdir” adlı bədii qiraət müsabiqəsinin keçirilmişdir06 mart 2017-ci il tarixdə 265 № li tam orta məktəbdə 8 Mart-Beynəlxalq Qadınlar günü münasibətilə rayon orta ümumtəhsil məktəblərinin ibtidai sinif şagirdləri arasında “Ana müqəddəsdir” adlı bədii qiraət müsabiqəsinin keçirilmişdir. Müsabiqənin nəticələrinə görə 245 № li tam orta məktəbin 2e sinif şagirdi Babazadə İsmayıl I yeri, 48 № li tam orta məktəbin 2b sinif şagirdi Quluzadə Canpolad, 86 № li tam orta məktəbin 2a sinif şagirdi Əsgərzadə Xədicə, 264 № li tam orta məktəbin 4a sinif şagirdi Zeynalova Ayan II yeri, 64 № li tam orta məktəbin 4c sinif şagirdi Vəlixanlı Nazlı, 116 № li tam orta məktəbin 4a sinif şagirdi Ağayeva Əminə, 265 № li tam orta məktəbin 3b sinif şagirdi İsmayılova Ayla, 269 № li tam orta məktəbin 2c sinif şagirdi Sultanova Zəhra, 254 № li tam orta məktəbin 3a sinif şagirdi Əliyeva Tövhə III yeri tutmuşlar. Qaliblər Xətai rayon Gənclər və İdman İdarəsi tərəfindən diplomla mükafatlandırılmışlar.
“05 Mart-Bədən tərbiyəsi və idman günü” Sumqayıt şəhərində təntənə ilə qeyd olundu04 mart 2017-ci il tarixində Sumqayıt şəhər Gənclər və İdman Baş İdarəsinin təşkilatçılığı ilə “05 Mart - Bədən tərbiyəsi və idman günü” münasibəti ilə şəhərin idman təşkilatları rəhbərləri, bədən tərbiyəsi və idman veteranları, Dünya və Avropa yarışlarının mükafatçıları, idman növləri üzrə baş məşqçilər, Əməkdar məşqçilərin iştirakı ilə silsilə tədbirlər keçirilmişdir. Tədbir iştirakçıları ilk öncə Ümummilli Lider Heydər Əliyevin Sumqayıt şəhərindəki abidəsi önünə gül dəstələri qoymuşlar. Həmçinin Əlamətdar gün münasibətilə Heydər Əliyev Mərkəzində şəhərin idman ictimaiyyəti ilə də görüş keçirilmişdir. İştirakçılar ilk öncə Gənclər Evinin uşaq və yeniyetmələrinin rəsmləri ilə tanış olmuşlar.
Dünya Kubokunda bürünc medal qazanmış Ruslan Lunyovla görüş keçirilibBu gün Gənclər və İdman Nazirliyində Hindistanın paytaxtı Dehlidə güllə atıcılığı üzrə Dünya Kubokunda bürünc medal qazanmış Ruslan Lunyovla görüş keçirilib. Gənclər və İdman Nazirliyinin idman şöbəsinin müdiri Fərid Mansurov bildirib ki, "Neftçi İdman Klubu”nun Azərbaycan millisinin heyətində yer alan təmsilçisi Ruslan Lunyov 25 metr məsafəyə atəşaçma yarışlarında bürünc medala yiyələnib. Güllə atıcımız təsnifat mərhələsində 579, finalda isə 23 xal toplayaraq bu uğura nail olub. Bu da öz növbəsində çox yaxşı nəticədi. Sonra çıxış edən Ruslan Lunyov Dünya Kubokunda bürünc medal qazanmağı özü üçün sürpriz nəticə kimi dəyərləndirib. O, IV İslam Həmrəyliyi Oyunlarında daha yaxşı nəticə əldə edəcəyinə inam ifadə edib. Azərbaycan Atıcılıq Federasiyasının vitse-prezidenti İradə Aşumova bu naliyyəti yüksək dəyərləndirib. Bildirib ki, idmançının uğurları bundan sonra davam edəcək. O, idmançımızın sabahdan Sloveniyada keçiriləcək Avropa çempionatına yollanacağını bildirib. İ.Haşumova hazırlıq məqsədilə Urmiyadan məşqçi dəvət edildiyini də qeyd edib.
Nazir müavini İntiqam Babayev GUAM çərçivəsində gənclər və idman məsələləri üzrə işçi qrupunun ilk iclasında iştirak edib27-28 fevral 2017-ci il tarixdə Ukraynanın Kiyev şəhərində Demokratiya və İqtisadi İnkişaf naminə Təşkilat – GUAM çərçivəsində gənclər və idman məsələləri üzrə işçi qrupunun ilk iclası keçirilmişdir. İclasda Azərbaycan, Gürcüstan, Ukraynadan olan nümayəndələr həmçinin Azərbaycan, Gürcüstan və Moldovanın Ukrayna Respublikasındakı akkreditə olunmuş səfirləri və səfirlik əməkdaşları iştirak edirdilər. İclasın açılışında Demokratiya və İqtisadi İnkişaf naminə Təşkilatın baş katibi Altay Əfəndiyev çıxış edərək tədbir iştirakçılarını salamladı və iclasın gündəliyində olan məsələlər haqqında məlumat verdi.
Atıcılıq üzrə ölkə çempionatının zona yarışlarının II mərhələsi başa çatdı Atıcılıq üzrə (pnevmatik silahlardan) ölkə çempionatının zona yarışlarının II mərhələsinin 1 zona yarışı Sumqayıt şəhəri Paralimpiya İdman Kompleksində keçirilmişdir. Yarışda 10 komanda iştirak etmişdir. Yarış şəxsi və komanda xarakteri daşımışdır: Kişilər – 1985-1999-cü il təvəllüdlü Qadınlar – 1999-cu il təvəllüdlü və böyük Zonada 1-2-ci yerləri tutan komandalar, şəxsi hesabda isə 1-3 yerləri tutan kişilər və qadınlar finala vəsiqə qazanmışlar.
Karateçilirəimiz İstanbulda 30-cu beynəlxalq "Bosfor" karate turnirində 19 medal qazanıblar 6 qızıl, 3 gümüş və 10 bürünc medala sahib olan idmançılarımız 25 ölkə arasında medal cədvəlində 2-ci yeri tutublar. Firdovsi Fərzəliyev (-60 kq), Niyazi Əliyev (-67 kq), Rafael Ağayev (-75 kq), Ayxan Mamayev (-84 kq), Asiman Qubanlı (+84 kq) və Rövşən Əliyev (kata) yarışın qalibi olublar. Tural Ağalarzadə (-67 kq), Şahin Atamov (+84kq) və İsmayıl Quliyev (kata) fəxri kürsünün ikinci pilləsinə qalxıblar. Fərid Səfərov (11 yaşlı uşaqlar, -35 kq), Hüseyn Məmmədli (13 yaşlı uşaqlar, -55 kq), Həsən Əliyev (16-17 yaşlı gənclər, -55 kq), Samir Məmmədov (-75 kq), Orxan Heydərli +(84 kq), Tural Balcanlı (kata), Nuranə Əliyeva (-50 kq), Fəridə Abiyeva (-61 kq), həmçinin komanda yarışlarında İlahə Qasımova, Fəridə Abiyeva və Nuranə Əliyevadan ibarət kumiteçilərlər, Rövşən Əliyev, Tural Balcanlı və İsmayıl Quliyevdən ibarət kataçılar bürünc mükafatlara layiq olublar. Müxtəlif yaş qrupları üzrə ənənəvi turnirdə 1502 idmançı iştirak edib. Turnirin açılış mərasimində Azərbaycan Milli Karate Federasiyasının prezidenti, Dünya Karate Federasiyası Texniki Komitəsinin üzvü, yarışa fəxri qonaq kimi dəvət olunan Yaşar Bəşirova Türkiyə Karate Federasiyasının prezidenti Esed Delihasan tərəfindən xatirə hədiyyəsi təqdim olunub. Mayda Bakıda 4-cü İslam Həmrəylik Oyunlarına hazırlıqlarını davam etdirən əsas milli komandamızın ayın son günləri Dubayda nüfuzlu Karate 1 Premyer Liqa turnirinə qatılması nəzərdə tutulub.
AzVİF-in vitse-prezidenti Avropa Velosipedçilər Birliyinin Rəhbər Komitəsinin üzvü seçildiBelçikanın paytaxtı Brüsseldə Avropa Velosipedçilər Birliyinin (UEC) Baş Assambleyası öz işini başa vurub. Quruma üzv olan 50 milli federasiyanın nümayəndələrinin iştirak etdiyi tədbir zamanı qitənin ali velosiped qurumunun rəhbər orqanlarına seçkilər də keçirilib. Seçkilərdən öncə qurumun son 4 ildəki fəaliyyəti haqda məruzə ilə çıxış edən Avropa Velosipedçilər Birliyinin prezidenti David Lappartien şosse velosipedinin elit kateqoriyasında qitə çempionatının təşkilinə başlanılmasını ən vacib addımlardan biri kimi dəyərləndirib. O, Bakı-2015 ilk Avropa Oyunlarının velosiped yarışlarının bu istiqamətdə həlledici rol oynadığını xüsusi vurğulayıb və bunu Azərbaycanın qitə velosipedinə töhfəsi kimi dəyərləndirib.
“Olympic Moves Azerbaijan” proqramı çərçıvəsində velosiped üzrə Nərimanov rayon birinciliyi keçirilib03-04 mart 2017-ci il tarixlərində 82 saylı məktəbdə Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi, Milli Olimpiya Komitəsi və Nərimanov Rayon Gənclər və İdman İdarəsinin birgə təşkilatçılığı ilə Olympic Moves Azerbaijan proqramı çərçıvəsində velosiped üzrə Nərimanov rayon birinciliyi keçirilib. Yarışda 22 məktəbin komandaları iştirak edib. Gərgin mübarizə nəticəsində I yerə 45 saylı tam orta məktəbin komandası, II yerə 82 saylı tam orta məktəbin komandası, III yerə isə S.C.Pişəvari adına Humanitar Fənlər Gimnaziyanın komandası layiq görülmüşlər. Qalib gəlmiş komandalar təşkilatçılar tərəfindən kubok və müxtəlif dərəcəli diplomlar ilə təltif olunublar.
Nərimanov Rayon Gənclər və İdman İdarəsində ADBTIA Təşkilatının fəal üzvləri ilə görüş keçirilib 04 mart 2017-ci il tarixdə Nərimanov Rayon Gənclər və İdman İdarəsində rayonda yerləşən Azərbaycan Dövlət Bədən Tərbiyəsi və İdman Akademiyasının Tələbə-Gənclər Təşkilatının fəal üzvləri ilə görüş keçirilib. Görüşdə Rayon Gənclər və İdman İdarəsinin rəisi Nəcəf Novruzov ilk öncə “5 mart - Bədən Tərbiyəsi və İdman Günü” münasibəti ilə tələbələri təbrik etmiş, İdarəninin fəaliyyəti, tələbə-gənclər təşkilatlarının sıx əməkdaşlığı haqqında geniş məlumat verib. İdarə rəisi çıxışında bu cür görüşlərin artıq bir ənənə halı aldığını və bu gün gənclər hər bir dövlətin gələcəyini, inkişafını istiqamətləndirən cəmiyyətin aparıcı qüvvəsi olduğunu qeyd etmişdir.
Binəqədi gənci İSFİT festivalında Azərbaycanı təmsil edibBinəqədi gənci, Bakı Mühəndislik Universitetinin Sənayenin təşkili və idarə olunması ixtisasının tələbəsi Cəmalə Talıbova Azərbaycan Respublikası Gənclər və İdman Nazirliyinin maliyyə dəstəyilə 09-19 fevral 2017-ci il tarixlərdə Norveç Krallığının Trondheim şəhərində keçirilən İSFİT (The İnternational Student Festival in Trondheim) festivalında iştirak edib. Əsas mövzusu “ayrı-seçkilik” olan festival müddətində 16 mövzu üzrə dünyanın müxtəlif ölkələrindən dəvət olunmuş professorlar, spikerlər tərəfindən təlimlər təşkil edilib, fikir mübadiləsi, diskussiyalar, debatlar aparılıb. Cəmalə Talıbova “Elm” panelində təmsil olunub. Festivalın bir günü “Layihələr günü” olub və bu zaman 23 mövzuda qısa təlimlər keçirilib. Qeyd edək ki, İSFİT 1990-cı ildən bəri hər iki ildən bir təşkil olunan, dünyanın ən böyük tələbə festivalıdır. Festival zamanı konsert proqramları, mərasimlər, səhnə incəsənəti, görüşlər və s. kimi mədəni tədbirlər təşkil olunur. 1998-ci ildən başlayaraq təşkilatçılar Nobel Sülh Mükafatının tələbə versiyasını yaradıblar.
Ceyhun Tağızadə qızıl medal qazandıŞüvəlan qəsəbəsində yerləşən Ağır Atletika Akademiyasının yarış zalında keçirilən kişilər, qadınlar və ustadlar arasında Azərbaycan çempionatı davam edir. Yarışda ölkənin bütün bölgələrindən 150-yə yaxın atlet qüvvəsini sınayır. İkinci yarış günündə növbəti maraqlı mübarizə 85 kq çəki dərəcəsində gedib. Qızıl medalın sahibini kiçik məqam müəyyən edib. Lənkəranlı atlet Ceyhun Tağızadə toplam 318 kq (145+173) nəticə göstərərək fəxri kürsünün ən yüksək pilləsinə qalxıb və qızıl medalı boynundan asıb. Sumqayıtlı gümüş medalçı Kamran İsmayılov da eyni nəticə 318 kq (142+176) göstərsə də, yekun çəkini rəqibindən daha gec qaldırdığına görə ikinciliklə kifayətlənib. Bürünc medal toplam 312 kq (146+166) nəticə göstərən paytax atleti Sənan Mirzəyevə qismət olub.
Azərbaycan çempionatı başa çatıbMartın 2-3-də Şüvəlandakı Ağır Atletika Akademiyasının yarış zalında kişilər və qadınlar, həmçinin ustadlar arasında ağır atletika üzrə Azərbaycan çempionatı keçirilib. Yarışda ölkənin regionlarından gələn 150-yə yaxın atlet medallar uğrundan mübarizə aparıb. Qadınlar və ustadlar Sinkleyr cədvəli ilə mütləq, kişilər isə 8 çəki dərəcəsində klassik qaydada qalibləri müəyyən ediblər. İdmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanması məqsədilə təşkil olunan çempionat maraqlı mübarizə şəraitində keçib, gözlənilən nəticələr əldə edilib.
Azərbaycan qadınlarının təltif edilməsi haqqında Azərbaycan Respublikası Prezidentinin SərəncamıAzərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram: Azərbaycan Respublikasının ictimai həyatında səmərəli fəaliyyətlərinə görə, 8 mart – Beynəlxalq Qadınlar günü münasibətilə aşağıdakı şəxslər təltif edilsinlər: “Tərəqqi” medalı ilə
Nərimanov rayonunda “5 mart – Bədən tərbiyəsi və idman günü” münasibəti ilə idman festivalı keçirilib.03 mart 2017-ci il tarixdə Nərimanov rayonunda yerləşən Məktəb-Lisey Kompleksində “5 mart – Bədən tərbiyəsi və idman günü” münasibəti ilə idman festivalı keçiriib. Tədbirdə Nərimanov Rayon Gənclər və İdman İdarəsinin rəisi Nəcəf Novruzov, 10 saylı Uşaq Gənclər İdman Məktəbin direktoru İlqar Nuriyev, Məktəb-Lisey Kompleksin müəllim heyyəti və şagirdlər iştirak etmişlər.
İdman mütəxəssislərinə fəxri adlar verildiBu gün gənclər və idman nazirliyində "5 Mart Bədən tərbiyəsi və idman günü" ilə bağlı bir sıra idman mütəxəssislərinə fəxri adlar verildi. Gənclər və idman nazirliyinin idman şöbəsinin müdiri Fərid Mansurov idman ictimaiyyətini qarşıdan qələn "5 Mart Bədən Tərbiyəsi və İdman günü" münasibəti ilə səmimi qəlbdən təbrik edib, onlara idmanın inkişafında göstərdikləri xidmətə görə təşəkkür etdi. Fərid Mansurov: "Bildiyiniz kimi, Azərbaycan dünyanın mötəbər idman yarışlarına ev sahibliyi edir. İdmançılarımızın qazandıqları medalların sayı ilbəil artır. Mən sizin hər birinizə çalışdığınız sahədə uğurlar diləyir və vətənimizə layiqli, mərd, cəsur idmançılar yetişdirməyinizi arzu edirəm. "
“5 mart –Bədən Tərbiyəsi və İdman Günü”dürAzərbaycanda bədən tərbiyəsi və idmanın tarixi çox qədimdir və xalqın mədəniyyəti ilə sıx bağlıdır. Azərbaycan folklorunda igidlərin oxatma, atçapma, güləş və digər xalq oyunlarında göstərdikləri şücaət və qəhrəmanlıqlar tərənnüm olunmuşdur. Qobustan qayaüstü rəsmlərində qədim insanın müxtəlif fiziki hərəkətlərinin əyani təsviri Azərbaycanda idmanın uzaq tarixindən xəbər verir. “Bədən tərbiyəsi və idman haqqında” Azərbaycan Respublikası Qanunu Azərbaycan Respublikasının Prezidenti Heydər Əliyevin 28 dekabr 1998-ci il tarixli Fərmanı ilə qüvvəyə minmişdir.
Bərdə rayonunda “5 mart Bədən tərbiyəsi və İdman günü”nə həsr olunmuş 100 metr məsafəyə qaçış yarışı keçirilmişdir 03 mart 2017-ci il tarixdə Heydər Əliyev adına istirahət parkında Bərdə Rayon Gənclər və İdman İdarəsinin və Təhsil şöbəsinin birgə təşkilatçılığı ilə şəhər məktəblərinin yuxarı sinif şagirdləri (oğlanlar və qızlar) arasında “5 mart Bədən tərbiyəsi və İdman günü”nə həsr olunmuş 100 metr məsafəyə qaçış yarışı keçirilmişdir.Yarışda 9 şəhər məktəbindənvə 1 kənd məktəbindən 40 nəfər (20 qız,20 oğlan) şagird iştirak etmışdir.
Nərimanov rayonunda «Şən estafetlər» adlı idman yarışı keçirilib01-02 mart 2017-ci il tarixlərində Nərimanov rayonunda yerləşən Bakı Modern Təhsil Kompleksində “5 mart – Bədən tərbiyəsi və idman günü”nə həsr edilmiş Beynəlxalq məktəblərin 3-4-cü sinif şagirdləri arasında «Şən estafetlər» adlı idman yarışı keçirilib. Yarışda beynəlxalq məktəblərdən Avropa Azərbaycan məktəbi, Gənc İstedadlar Təhsil Kompleksi, SABİS Sun Beynəlxalq Məktəbi, Britisch School in Baku, Caspian Assosiaton School və Bakı Modern Təhsil Kompleksin balaca idmançıları iştirak etmişdir. Oyunlar arası fasilələrdə məktəbin rəqs ansamblı və gənc gimnastları nümunəvi çıxışları ilə tədbirə gözəl əhval-ruhiyyə bəxş etdi. Oyunlar 8 estafetdən ibarət olmaqla, hər bir estafetin xalı toplanaraq nəticədə ümumu hesablamada ən cox xal toplayan komanda qalib hesab edildi. Gərgin keçən mübarizədə BMTK-nin komandası I yerə, Avropa Azərbaycan məktəbin komandası II yerə, Gənc İstedadlar Təhsil Kompleksin komandası isə III yerə layig görüldü. Qalib gələn idmançılar təşkilatçılar tərəfindən kubok, medal və diplomlar ilə təltif olunublar.
62 kq çəki dərəcəsində Allahyar Abışov qalib gəldi2-3 mart tarixlərində Şüvəlan qəsəbəsində yerləşən Ağır Atletika Akademiyasının yarış zalında kişilər, qadınlar və ustadlar arasında Azərbaycan çempionatı keçiriəcək. Yarışda ölkənin bütün bölgələrindən 150-yə yaxın atlet qüvvəsini sınayacaq. Kişilərin 62 kq çəki dərəcəsində medal mübarizəsi paytaxt atletləri arasında gedib. Qızıl medalı toplam 262 kq (120+142) nəticə göstərən Allahyar Abışov boynundan asıb. Gümüş medal toplam 250 kq (113+137) nəticə göstərən Rauf Nəbiyevə, bürüncü isə toplam 245 kq (105+140) nəticə ilə Elmar Alıyevə qismət olub. Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
 əvvəlki    1  2  3  4  5  6  7  8  9  10  11    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1213

Partnyorlar