Xəbərlər

 

 


Gənclər Təşkilatlarınım Milli Şurası “Qlobal Sahibkarlıq Konqresi”ndə iştirak edirGənclər Təşkilatları Milli Şurasının sədri Seymur Hüseynov Cənubi Afrika Respublikasının Yohhanesburq şəhərində keçirilən “Qlobal Sahibkarlıq Konqresi 2017”-də iştirak edir. S.Hüseynov Qlobal Sahabikarlıq Şəbəkəsinin Azərbaycan üzrə nümayəndəsidir. Tədbirdə 160 ölkədən 8500-dən artıq sahibkarlar, investor, tədqiqatçı və 55 ölkənin sahibkarlığın inkişafına cavabdeh nazir və siyasətçilər iştirak edirlər. 13-16 mart 2017-ci il tarixlərdə təşkil olunan konqresə artıq start verilib. Konqresdə rəsmi tədbirlər və görüşlərlə yanaşı, dünyanın aparıcı ekskpert və biznes-qurumları tərəfindən master-klaslar keçiriləcək və işçi qruplar təşkil olunacaqdır. Bir sıra sessiyaların iştirakçısı olacaq nümayəndələr sənayə liderlərindən uğurlu biznes təşəbbüsləri və təcrübələri haqqında dəyərli məlumatlar qazanmaq imkanı əldə edəcəklər. Qeyd edək ki, biznes mühitinin formalaşması üçün səmərəli platformaya çevrilən konqresdə yeni biznes ideyaların və startapların təqdimatı gözlənilir. Konqres çərçivəsində martın 13-də 160-dan artıq ölkədə fəaliyyət göstərən “Qlobal Sahibkarlıq Şəbəkəsi”nin illik yığıncağı keçirilib. Yığıncaqda fəaliyyət hesabatı, strateji planlar və 2020-ci ilə qədər baxışlar müzakirə olunub. Məlumat üçün qeyd edək ki, gənclər təşkilatlarının vahid platforması olan Azərbaycan Respublikası Gənclər Təşkilatları Milli Şurası 1995-ci ildən fəaliyyət göstərir. Təşkilatın məqsədi gənclərin bilik və bacarıqlarının Azərbaycanın dövlət müstəqilliyinin möhkəmlənməsinə, beynəlxalq aləmdə layiqli yer tutmasına, demokratik quruculuq işlərinə yönəltməkdir. 1997-ci ildən Avropa Gənclər Forumu, Türk Dünyası Gənclər Birliyinin tam hüquqlu üzvü, 2002-ci ildən BMT-nin İqtisadi və Sosial Şurasının məşvərətçi statuslu üzvü, İslam Konfransı Təşkilatının Gənclər Forumunun həmtəsisçisi və tam hüquqlu üzvü, Dünya Azərbaycanlı Gənclər Birliyi, “Böyük İpək Yolu” Beynəlxalq Gənclər İttifaqının həmtəsisçisi, 2014-cü ilin dekabr ayında keçirilən seçkilərdə Avropa, Asiya, Avstraliya, Afrika və Amerika qitələrindən 120 gənclər platformasını birləşdirən Dünya Gənclər Assambleyasının tamhüquqlu üzvüdür.
Dövlətçilik tarixi və dövlət rəmzləri interaktiv üsullarla gənclər arasında təbliğ olunacaqGənclər və İdman Nazirliyinin maliyyə dəstəyi ilə “Üfüq Gənclərin İnkişafı Naminə” İctimai Birliyi tərəfindən “Azərbaycan Dövlətçilik tarixi və dövlət rəmzlərinin interaktiv üsullarla gənclər arasında təbliği – yeni mərhələ” adlı layihənin icrasına başlanılmışdır. Layihənin əsas məqsədi İnteraktiv metodlardan istifadə etməklə gənclərimizdə Dövlətçilik tariximizə, Dövlət rəmzlərinə hörmət hissini, vətənə məhəbbət hissini gücləndirməklə vətənpərvərlik ruhunun yüksəldilməsinə dəstək olmaqdır. Layihə çərçivəsində Azərbaycanın 2 regionda – Qəbələ və Şəkidə gənclərin iştirakı ilə teatr forum keçiriləcəkdir. Tədbirlərdə Dövlət rəmzlərimizin təbliği, gənclərdə vətənpərvərlik hisslərinin gücləndirilməsi üçün fəaliyyətlə bağlı gənclərin fikirlərinin öyrəniləməsi və müzakirələrin aparılması planlaşdırılıb. Forum teatrın ideyası və müzakirə olunacaq mövzular aşağıdakılardır: • Azərbaycan Dövlətçilik tarixi; • Azərbaycan Dövlət bayrağına hörmət hissinin gücləndirilməsi; • Azərbaycan Dövlət gerbinə hörmət hissinin gücləndirilməsi; • Azərbaycan Dövlət himninə hörmət hissinin gücləndirilməsi; • Dövlət himninin canlı ifası; • Dövlət rəmzlərinin ideya - məzmunu haqqında gənclərlə müzakirələrin aparılması; • Dövlət rəmzləri və normativ-hüquqi aktlar barəsində müzakirələr. Forum teatrın metdodu məktəblərin təlim tərbiyə işləri üzrə müavinlərinə, müəllimlər, QHT fəalları və gənclər təşkilatlarına izah ediləcəkdir. Layihə çərçivəsində müxtəlif maarifləndirici məhsulların hazırlanması nəzərdə tutulub.
Binəqədi rayon Gənclər və İdman İdarəsinin təşkilatçılığı ilə “Şahin” hərbi-idman oyununa həsr olunmuş toplantı keçirildi Binəqədi rayon Gənclər və İdman İdarəsinin təşkilatçılığı ilə Binəqədi Gənclər Evi sosial xidmət müəssisəsində 10 mart 2017-ci il tarixdə Binəqədi rayon orta ümumtəhsil məktəblərinin şagidləri arasında “Şahin” hərbi-idman oyununun keçirilməsi ilə əlaqədar toplantı keçirildi. Tədbirdə Binəqədi rayon Gənclər və İdman İdarəsinin rəisi Qüdsi Bayramov, Bakı Şəhəri üzrə Təhsil İdarəsinin Təlimə Dəstək Mərkəzinin bölmə müdiri Mürsəl Qurbanov, Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Binəqədi Rayon İdarəsinin Çağırış şöbəsinin baş zabiti mayor Elşad Fərəcov, Müdafiə Nazirliyi 275 saylı hərbi hissənin komandirinin müavini baş leytenant Vüsal Kərimov, məktəb nümayəndələri, o cümlədən ibtidai hərbi hazırlıq müəllimləri iştirak edirdi. İclası giriş sözü ilə açan İdarə rəisi Qüdsi Bayramov ölkəmizdə yeniyetmə və gənclərin vətəndaşlıq və vətənpərvərlik tərbiyəsi sahəsində görülən işlərdən danışaraq, bu sahədə aparılan işlərin səmərəsinin daha da artırılmasının zəruriliyini qeyd etdi. “Şahin” hərbi-idman oyununun məktəblilərin hərbi hazırlığının gücləndirilməsi işinə böyük təsiri olduğunu nəzərə çatdıran natiq, cari ildə yüksək nəticə əldə edilməsi üçün nümayəndələrlə fikrini bölüşdü. Sonra Təlimə Dəstək Mərkəzinin bölmə müdiri Mürsəl Qurbanov 2016/2017-ci tədris ilində “Şahin” hərbi-idman oyununun əsasnaməsində edilmiş dəyişikliklərlə iştirakçıları tanış etdi. Oyunların 2016-cı ilin aprel döyüşlərinin ildönümünə təsadüf etdiyindən “Şəhidlər ölməz, Vətən bölünməz” şüarı altında keçiriləcəyini bildirdi. İclasın gedişatında hərbi hazırlıq müəllimlərinin oyunların keçirilməsi ilə bağlı sualları cavablandırıldı. Tədbirin sonunda Binəqədi rayonunda həyata keçirilən tədbirlərdə fərqlənən bir qrup ibtidai hərbi hazırlıq müəllimi Binəqədi rayon Gənclər və İdman İdarəsi tərəfindən fəxri fərmanla təltif olundular.
Astarada komputer kurslarını bitirən gənclərlərlə görüş keçirildi13 mart 2017-ci il tarixdə Gənclər Evində Astara rayon Gənclər və İdman İdarəsinin nəzdində fəaliyyət göstərən “Altay” Gənclərin İntellektual İnnovasiya klubunun təşkil etdiyi “İKT-ni öyrənirik” kompyuter təlim tədris kurslarını bitrən gənclər və onların valideynləri ilə görüş keçirilmişdir. Tədbiri “Altay” Gənclər və İdman İdarəsinin klubunun sədri Ceyhun Mirzəzadə açaraq, klubun fəaliyyəti barədə geniş məlumat vermişdir. Sonra söz Astara rayon Gənclər və İdman İdarəsinin rəisi Ərçə Əliyevə verilmişdir. Ə. Əliyev Azərbaycanda həyata keçirilən dövlət gənclər siyasəti və Astara rayonunda bu sahədə görülən işlər, qazanılan uğurlar və gələcək perspektivlər haqqında danışmışdır. Daha sonra kursu bitirənlərin- Ərçivan qəsəbə sakini Məhərəm Quliyevin valideyni Ələmdar Quliyev, Maşxan kənd sakini Məleykə Əliyevanın valideyni Aynabacı Əliyeva, Astara şəhər sakini, Ülkər Babayeva Astara rayon Gənclər və İdman İdarəsinə kursların yüksək səviyyədə təşkilinə görə təşəkkürlərini bildirmişdirlər. Yekunda 21 nəfər gəncə 3 aylıq komputer kursunu müvəfəqiyyətlə bitirmələri ilə əlaqədar Astara rayon Gənclər və idman İdarəsinin və “Altay” Gənclərin İnnovativ İnkişaf klubunun sertifikatları təqdim olunmuşdur.
“Şahin” hərbi idman oyununun Astara rayon birinciliyi keçirildi 15 fevral -10 mart 2017-ci il tarixlərdə Azərbaycan Respublikası Gənclər və İdman, Təhsil, Müdafiə, Fövqəladə Hallar, Mədəniyyət və Turizm Nazirlikləri, Səfərbərlik və Hərbi Xidmətə Çağırış üzrə Dövlət Xidməti,Veteranlar Təşkilatının birgə qərarına əsasən təsdiq etdikləri “Şahin” hərbi idman oyununun Əsasnaməsinə uyğun olaraq Astara rayon Gənclər və İdman İdarəsi, Astara rayon Təhsil Şöbəsi və SHXÇDX-nin Astara rayon şöbəsinin birgə təşkilatçılığı ilə Astara rayonu üzrə hərbi idman oyununun rayon birinciliyinin zona və final yarışları keçirilmişdir. Tədbirlərin açılış mərasimlərində Astara rayon Gənclər və İdman İdarəsinin rəisi Ərçə Əliyev, Astara Rayon Gənclər və İdman İdarəsinin rəis müavini İqrar Cəfərov, Astara rayon Təhsil Şöbəsinin Fiziki tərbiyə üzrə metodisti Nizaməddin Ələkbərov, Astara rayon Təhsil Şöbəsinin Gənlərin çağırışa qədər hazırlığı üzrə metodisti Rasim Cəfərov, Astara şəhər 2 saylı tam orta məktəbin direktoru Maya Həsənova, Təngərüd kənd tam orta məktəbin direktoru Xaqani Mahmudov, Şağlazüzə kənd tam orta məktəbin direktoru Əhmədşah Quliyev, Kakalos kənd 1 saylı tam orta məktəbin direktoru Şölə Əhmədova, Astara şəhər 3 saylı tam orta məktəbin direktoru Adil Rzayev, Şiyəkaran kənd 2 saylı tam orta məktəbin Gənlərin çağırışa qədər hazırlığı üzrə müəllimi Həbib Həbibov, Astara şəhər 3 saylı tam orta məktəbin Gənlərin çağırışa qədər hazırlığı üzrə müəllimi Alməmməd Bayramov çıxış etmişlər. Rayon birinciliyinin zona və final yarışları 15 fevral-10 mart 2017-ci il tarixlərdə keçirilmişdir. Oyunlar 8 zona və final mərhələsindən ibarət keçirilmişdir. “Şahin” hərbi idman oyununun zona mərhələsində 39 tam orta məktəb komandası iştirak etmişdir. Yarışlarda 546 nəfər məktəbli iştirak etmişdir. I zona üzrə yarış 15 fevral tarixdə Astara şəhər 2 saylı tam orta məktəbdə, II zona üzrə yarış 17 fevral tarixdə Astara şəhər 3 saylı tam orta məktəbdə,III zona üzrə yarış 20 fevral tarixdə Artupa kənd tam orta məktəbdə, IV zona üzrə yarış 22 fevral tarixdə Təngərüd kənd tam orta məktəbdə,V zona üzrə yarış Şağlazüzə kənd tam orta məktəbdə,VI zona üzrə yarış Kakalos kənd 1 saylı tam orta məktəbdə, VII zona üzrə yarış Sım kənd tam orta məktəbdə, VIII zona üzrə yarış 01 mart tarixdə Hamuşam kənd tam orta məktəbdə keçirilmişdir. 10 mart tarixdə Astara şəhər 3 saylı tam orta məktəbdə “Şahin” hərbi idman oyununun rayon birinciliyinin final mərhələsi keçirilmişdir. Final yarışında rayonun zona birinciliklərində qalib olmuş 6 komanda - Astara şəhər 2 və 3 saylı, Kijabə qəsəbə, Artupa kənd, Siyəkü kənd, Şiyəkaran kənd 2 saylı tam orta məktəb komandaları mübarizə aparmışlar. I, II, III yerlərə müvafiq olaraq Şiyəkaran kənd 2 saylı, Astara şəhər 3 saylı və Kijabə qəsəbə tam orta məktəb komandaları layiq görülmüşlər. Şiyəkaran kənd 2 saylı tam orta məktəbin komandası 2017-ci ilin aprel ayında Lənkaran şəhərində keçiriləcək respublika zona birinciliyində Astara rayonunu təmsil etmək hüququ qazanmışdır. Rayon birinciliyinin zona və final mərhələsində fəxri yerlərə layiq görülən komandalar, yarışların təşkilində fəal iştirak edən mütəxəsislər, təşkilat nümayəndələri Rayon Gənclər və İdman İdarəsinin, SHXÇDX Astara rayon şöbəsinin, Təhsil İşçiləri Azad Həmkarlar İttifaqının, Rayon Mədəniyyət İşçiləri Həmkarlar İttifaqı Komitəsinin diplomları, kubokları və qiymətli hədiyyələri ilə mükafatlandırılmışlar.
“Regionlarda gənclərin könüllülük fəaliyyətinə həvəsləndirilməsi” layihəsi başlamışdır Gənclər və İdman Nazirliyinin maliyyə dəstyi ilə “Bizim Nəsil” Gənclərin Regional İnkişaf Assosiasiyası tərəfindən “Regionlarda “Gənc könüllülər klubu” nun yaradılması, gənclərin könüllülük fəaliyyətinə həvəs¬ləndirilməsi- 3 mərhələ” adlı layihənin icrasına başlanılmışdır. Layihənin əsas məqsədi region gəncləri arasında könül¬lülüyün təşviq edilməsi və gücləndirilməsidir. Bundan əlavə, layihə regionlarda könüllülük ide¬yasının gənclər arasında təşviq olunması, könüllülərin formalaşdırılmasını, icma-könüllü əməkdaşlığının qurulmasını nəzərdə tutur. Layihənin Ağsatafa, Göygöl, Şəmkir rayonlarında həyata keçirilməsi planlaşdırılıb. Layihə çərçivəsində “könüllülük nədir”, “könüllülüyün prinsipləri və məqsədləri”, “kim könüllü ola bilər”, “könüllünün və təşkilatların hüquq və vəzifələri”, “könüllülərin iştirakçılığı”, “könüllülük: yerli və beynəlxalq təcrübə”, “könüllülük sahəsində qanunvericilik”, “könüllülük sahəsində beynəlxalq gənclər proqramları” mövzuları üzrə təlimlər təşkil ediləcəkdir. Təlimlərdə 300 gəncin cəlb edilməsi gözlənilir. Bununla yanaşı, Ağsatafa, Göygöl, Şəmkir rayonlarında “Gənc könüllülər Klubu” yaradılacaqdır. Klublar davamlı fəaliyyət gös¬tərəcək və regionlarda müxtəlif könüllülk təşəbbüslərində iştirak edəcəklər. Regionlarda “Gənc Könüllülər Klubu”larında təmsil olunan gənclər sosial təşəbbüslərlə çıxış edəcək və regionlarda layihələrin icrasında birbaşa iştirak edəcəklər. Könüllü fəaliyyətlə bağlı bütün məlumatları özündə əks etdirən “Könüllü fəaliyyət üçün bələdçi” adlı kitabça hazırlanaraq iştirakçılara paylanılacaqdır. Ümumilikdən layihdən 2500 gənc faydalanacaqdır.
Biznesinə qarşılıqsız dəstək almaq istəyən gənclərin nəzərinə!Gənclər və idman nazirliyinin dəstəyi ilə həyata keçirilən və 2013-cü ildən ATV telekanalında yayımlanan “İdeya qazandı ”verilişin növbəti mövsümündə iştirak üçün qeydiyyat artıq başlamışdır. “İdeya Qazandı” verilişində 16-35 yaş arası gənclər münsiflərin qarşısında öz ideyaları ilə çıxış edib, fəaliyyət imkanlarını təqdim etməklə, maliyyə dəstəyi ala bilərlər. Layihənin məqsədi Azərbaycanda kiçik və orta sahibkarlığı gənclər arasında həvəsləndirmək, düzgün iş qurmağı öyrətmək, biznes etikasını aşılamaqdır. İdeya Qazandı verilişi hazırda ATV televiziya kanalında hər çərşənbə günü saat 23:30-da, təkrarı bazar günü gecə yarısı yayımlanır. İdeya Qazandı verilişinin hər mövsümündə 10-a yaxın gənc investisiya imkanı əldə etmişdir. Verilişin növbəti mövsümünə ərizə qəbulu davam edir. Ərizə qəbulu cari ilin martın sonunadək davam edəcəkdir. Müraciət etmək istəyən gənclər daha ətraflı məlumat almaq üçün İdeya Qazandı işgüzar tele-müsabiqəsinin rəsmi facebook səhifəsindən və ya veb saytdan istifadə edə bilərlər. Layihəyə müraciət etmək üçün səhifədə ərizə formasını doldurub və göndərmək kifayətdir. Müsbət qiymətləndirilmiş ərizələr müsahibədə iştirak etdikdən sonra çəkilişlərə dəvət olunacaqdır. Əlavə məlumat üçün https://www.youtube.com/user/ideyaqazandi ideyaqazandı@gmail.com www.ideyaqazandi.az 050 216 81 83
Binəqədi rayonunda ümumrayon Novruz iməcliyi keçirildi11 mart 2017-ci il tarixdə Binəqədi rayonunda ümumrayon Novruz iməcliyi keçirildi. Aksiyada ümumilikdə 250 nəfərdən çox olmaqla Rayon İcra Hakimiyyəti başçısı Aparatının kollektivi, rayonun idarə, müəssisə və təşkilatlarının nümayəndələri, Rayon Yaşıllaşdırma sahəsinin əməkdaşları, rayon Gənclər və İdman İdarəsinin, YAP Binəqədi rayon təşkilatının fəalları iştirak etdilər. Aksiya zamanı ərazidə təmizlik-abadlıq işləri aparıldı, öncədən əkilmiş ağaclara aqrotexniki qulluq göstərildi, ərazilər alaq otlarından təmizləndi. O cümlədən, yolun sağ və sol istiqaməti boyunca əkilmiş ağaclara qulluq edildi, dibləri bellənərək suvarma işləri həyata keçirildi. Həmçinin zəruri sanitar ləvazimatlarla təchiz olunmuş aksiya iştirakçıları ərazidən məişət tullantıları, metal qırıntıları və digər lazımsız materialları təmizlədilər. Novruz bayramı öncəsi keçirilən bu tədbir sakinlərdə xoş təəssürat yaratdı. Qeyd edək ki, Binəqədi rayonunda mütəmadi olaraq bu cür ekoloji aksiyalar təşkil olunur. Rayon sakinlərinin də könüllü olaraq qoşulduğu aksiyaların keçirilməsində əsas məqsəd ətraf mühitin çirklənməsinin qarşısının alınması, ictimaiyyətin ekoloji maarifləndirilməsidir.
Nərimanov Rayon Gənclər və İdman İdarəsində Azərbaycan Dövlət İqtisad Universitetinin Tələbə-Gənclər Təşkilatının fəal üzvləri ilə görüş keçirilib11 mart 2017-ci il tarixdə Nərimanov Rayon Gənclər və İdman İdarəsində Azərbaycan Dövlət İqtisad Universitetinin Tələbə-Gənclər Təşkilatının fəal üzvləri ilə görüş keçirilib. Görüşdə Rayon Gənclər və İdman İdarəsinin rəisi Nəcəf Novruzov İdarəninin fəaliyyəti, tələbə-gənclər təşkilatlarının sıx əməkdaşlığı haqqında geniş məlumat verib. İdarə rəisi çıxışında bu cür görüşlərin artıq bir ənənə halı aldığını və bu gün gənclər hər bir dövlətin gələcəyini, inkişafını istiqamətləndirən cəmiyyətin aparıcı qüvvəsi olduğunu qeyd etmişdir. N.Novruzov çıxış edərək Dövlət Gənclər Siyasəti, kütləvi bədən tərbiyəsi və idman siyasəti sahələri üzrə görülmüş və görüləcək tədbirlər haqqında geniş məlumat vermiş və bu gün Azərbaycan gənclərinin vətənpərvər olduqlarını, ölkəmizin ictimai-siyasi həyatında fəal iştirak etdiklərini qeyd edib. Bildirib ki, ölkəmizin haqq səsini dünyaya bəyan edən, mötəbər beynəlxalq yarışlarda uğurlar qazanaraq üçrəngli bayrağımızı yüksəyə qaldıran şəxslər məhz Azərbaycan gəncləridir. Gənclərimizin savadlı, bilikli olmalarının, onların informasiya-kommunikasiya texnologiyalarını, habelə xarici dilləri mükəmməl bilmələrinin zəruriliyini vurğulayan İdarə rəisi bunun üçün Azərbaycan dövləti tərəfindən hər cür şəraitin yaradıldığını bildirirb. Bu gün Azərbaycanın sürətli inkişafını, əldə etdiyi uğurları gözü götürməyən qüvvələrin olduğunu bildirən natiq deyib ki, bunun üçün gənclərimiz fəallıqlarını daha da artırmalıdırlar. N.Novruzov qeyd etdi ki, dünya şöhrətli siyasi xadim Heydər Əliyevin uğurlu siyasətini layiqincə davam etdirən Prezident İlham Əliyevin gərgin səyi nəticəsində bu gün Azərbaycan müstəqil, ədalətli, demokratik, dünyəvi dövlət kimi yeni qələbələrə doğru inamla irəliləyir. Sonra çıxış edən Azərbaycan Dövlət İqtisad Universitetinin Tələbə-Gənclər Təşkilatının sədri Rəsul Həşimov İdarə tərəfindən yaradılan şəraitə və tələbə-gənclər təşkilatları ilə yaranmış sıx əməkdaşlığa görə öz minntədarlığını bildirdi. Sonda İdarə rəisi gəncləri maraqlandıran sualları cavablandırıb, Nərimanov Rayon Gənclər və İdman İdarəsi tərəfindən keçirilən tədbirlərdə yaxından iştirakına və təhsilində fərqləndiyinə görə 14 nəfər Təşkilatın fəal üzvləri Rayon Gənclər və İdman İdarəsinin rəisi Nəcəf Novruzov tərəfindən "Fəxri Fərmanlar" ilə təltif edilmişlər.
Azərbaycan Dövlət Bədən Tərbiyəsi və İdman Akademiyası yeni -üç magistr ixtisaslarına qəbul elan edibAzərbaycan Dövlət Bədən Tərbiyəsi və İdman Akademiyası (ADBTİA) üç yeni magist ixtisasları-İdman Tibbi və Reabilitasiya, İdman Menecmenti və İdman Jurnalistikası üzrə sənəd qəbulunu elan edir. ADBTİA-nın tədrisi ingilis dilində olacaq bu ixtisaslar üzrə təhsil almaq istəyən bakalavrlar, Dövlət İmtahan Mərkəzinin magistr imtahanının yalnız birinci mərhələsini keçməli və Mərkəz tərəfindən birinci mərhələ üçün müəyyən edilmiş müsabiqə şərtlərini ödəməlidirlər. Nəzərinizə çatdırırıq ki, bakalavrlar qəbul imtahanının ikinci mərhələsi əvəzinə, Azərbaycan Dövlət Bədən Tərbiyəsi və İdman Akademiyasının müəyyən etdiyi qəbul prosedurlarından keçməlidirlər. Bununla yanaşı, bu ixtisasları seçən bakalavrlar TOEFL IBT (minimum 83 bal) və ya IELTS (minimum 6.5 bal) test nəticələrini təqdim etməlidirlər. Xatırlatmaq istəyirik ki, İdman Tibbi və Reabilitasiya, İdman Menecmenti və İdman Jurnalistikası üzrə magistr ixtisaslarına ərizələrin qəbulu internet vasitəsi ilə Dövlət İmtahan Mərkəzinin internet səhifəsində (http://www.tqdk.gov.az) 2017-ci il martın 10-dan 17-dək aparılır.
Binəqədi gənci Pakizə Paşayevanın “Daxili Dünyam” adlı layihəsi keçirilmişdirAzərbaycan Respublikasının Prezidenti yanında Gənclər Fondu, Bakı Ali Neft Məktəbi, Binəqədi rayon Gənclər və İdman İdarəsi, Yeni Azərbaycan Partiyası Gənclər Birliyi, Azərbaycan Respublikasının Prezidenti yanında Bilik Fondunun dəstəyilə Gənclər Fondunun VIII qrant müsabiqəsinin qalibi, BANM-in “Proseslərin avtomatlaşdırılması mühəndisliyi” ixtisasının 3-cü kurs tələbəsi Pakizə Paşayevanın “Daxili Dünyam” adlı layihəsi keçirilmişdir. Layihənin əsas məqsədi gənclərin özünəgüvənmə, liderlik bacarıqlarının, bədii və elmi ədəbiyyata, incəsənətə və kinoya olan maraqlarının artırılması, bu istiqamətdə film hazırlayaraq və kitab çap edərək daha çox gəncin maariflənməsinə şərait yaratmaqdır. Layihə müddətində “Çətinliklərin qarşımıza çıxma səbəbləri”, “Çətinliklərdən necə qurtulmalı”, “Dünya alimlərinin uğur sirrləri”, “Bir kitab yazsaydım”, “Bədən dili, jest və mimika”, “Həyatımızın rəsmi, incəsənəti”, “Bir filmin baş qəhrəmanı olsaydım” mövzularında təlimlər keçirilmişdir. Layihədə əsasən 17-30 yaş arası ali təhsil müəssisələrinin tələbələri və digər gənclər iştirak etmişdir. Layihədə film və kitab hazırlığının olması səbəbindən geniş informasiyanın çatdırılması effektiv və daha qısa zaman müddətində baş tutmuşdur. Layihə ərzində keçirilmiş maarifləndirici təlimlər vasitəsilə gənclər bədii və elmi ədəbiyyatımızla yaxından tanış olmuş və bu istiqamətdə fikir mübadiləsi aparmışlar. Gənclərlə birlikdə qrup şəklində hazırlanmış “Daxili Dünyam” adlı film və kitabın mətbuatda, sosial şəbəkələrdə paylaşılması daha çox gəncin maariflənməsinə şərait yaratmışdır. Digər tərəfdən gənclərin qısa müddət ərzində qrup şəklində fəaliyyət göstərməsi, müzakirələr aparması və komanda işi ilə film hazırlaması onların ünsiyyət qurmaq, vaxtı idarə etmək, müxtəlif ali məktəblərdən olan gənclərlə birgə komanda şəklində işləmək qabiliyyətini inkişaf etdirmişdir. Layihənin bağlanış mərasimində BANM-in rektoru Elmar Qasımov, Gənclər Fondunun icraçı direktoru Fərhad Hacıyev, “İki sahil” qəzetinin baş redaktoru Vüqar Rəhimzadə çıxış edərək bu cür layihələrin sayəsində gənclərin özünü ifadə və təsdiq etmək üçün gözəl imkanlar əldə etdiklərini bildiriblər. Sonda layihə iştirakçılarına sertifikatlar və “Daxili Dünyam” adlı kitablar təqdim olunmuşdur.
Sənan Mirzəyev medal ehtiyatımızı artırdı!İranın Əhvaz şəhərində keçirilən ağır atletika üzrə 2-ci Beynəlxalq Fəcr Kuboku davam edir. Böyük nüfuza malik bu yarışda Azərbaycan ağır atletika yığmasının üzvləri də iştirak edirlər. Bu gün Sənan Mirzəyev 85 kq çəki dərəcəsində qüvvəsini sınayıb. O, uğurlu çıxış edərək fəxri kürsüyə qalxa bilib. Sənan birdən qaldırma hərəkətində 141 kq-ı ram edib və bu hərəkətdə 3-cü olub. Təkanla qaldırma hərəkətində 167 kq-ı başı üzərinə qaldıran Mirzəyev, bu hərəkətdə 4-cü yeri tutub. Toplam 308 kq (141+167) nəticə göstərən atletimiz yekun sıralamada bürünc medala layiq görülüb. Beləliklə, Fəcr Kubokunun ilk iki yarış günündə ağır atletlərimiz 3 böyük (hər üçü bürünc) medal qazanıblar. Bununla yanaşı, onları ayrı-ayrı hərəkətlərdə daha 5 kiçik (birdən qaldırmada 1 qızıl, 1 gümüş və 1 bürünc, təkanla qaldırmada 2 bürünc) medala layiq görüldüyünü də qeyd etmək lazımdır.
Salyan rayon Gənclər və İdman İdarəsinin layihəsi olan Şagird Gənclər Təşkilatının I Ümumrayon Konfransı keçirildi10 mart 2017-cı il tarixdə şəhər Mərkəzi Kitabxanasında Salyan rayon Gənclər və İdman İdarəsinin layihəsi olan Şagird Gənclər Təşkilatının I Ümumrayon Konfransı keçirildi. Konfransda Salyan rayon İcra Hakimiyyəti başçısının yanında yetkinlik yaşına çatmayanların işləri və onların hüqüqlarının müdafiəsi üzrə komissiyanın uşaqlarla iş üzrə aparıcı məsləhətçi və məsləhətçi psixoloq Sevinc Səmədova , Salyan rayon Təhsil şöbəsinin Uşaq Birliyi Təşkilatı Rəhbəri Xalidə Hacıyeva iştirak etdilər.
Biləsuvar gəncləri narkotiklərə yox dedi 10 mart 2017-ci il tarixdə Heydər Əliyev Mərkəzində Biləsuvar rayon Gənclər və İdman İdarəsi Polis şöbəsi ilə birgə gənclər arasında narkomanlığın qarşısının alınması məqsədilə “Narkomaniya əsrin faciəsidir!” mövzusunda tədbir keçirdi. Tədbirdə Biləsuvar rayon Gənclər və İdman İdarəsinin rəisi Aqşin Bağırov, Polis şöbəsinin rəisi polis polkovniki Əlyəddin Səfərov, Təhsil şöbəsinin müdiri Balaqardaş Kazımov, İcra Hakimiyyətinin məsul işçisi Məhərrəm Qurbanov və başqaları rayonda narkomaniyaya və narkotik vasitələrin qanunsuz dövriyyəsinə qarşı mübarizənin vəziyyəti haqqında danışdı, gənclərə narkotik aludəçilərinin acınacaqlı həyatından, yoluxduqları xəstəliklərdən, həm cəmiyyət, həm də özləri üçün yaratdıqları təhlükədən söz açıldı. Tədbirin sonunda narkotik vasitələrin insan orqanizmində yaratdığı ölümcül xəstəliklər haqqında slayd və video-çarx nümayiş olundu, gəncləri maraqlandıran suallar cavablandırıldı.
"Region gəncləri arasında Azərbaycan tarixi mövzusunda olimpiadalar və intellektual oyunlar" layihəsi həyata keçirilirGənclər və İdman Nazirliyinin maliyyə dəstəyi ilə “Qəbələ Regional Gənclərin Resurs Mərkəzi” İctimai Birliyi tərəfindən "Region gəncləri arasında Azərbaycan tarixi mövzusunda olimpiadalar və intellektual oyunlar" layihəsinə start verilmişdir. Layihənin əsas məqsədi Gənclər arasında Azərbaycan tarixini öyrənmə və öyrətmənin, tarixi adidələrimizi öyrənməyin və qorumağın təbliği edilməsi, onlarda vətənpərvərlik və vətəndaşlıq hisslərinin artırılmasıdır. Layihə çərçivəsində Qə¬bələ, Oğuz və Şə¬kidə gənclər arasında Azərbaycan tarixi mövzusunda seminarlar, olimpiadalar və intellektual oyunların təşkil edilməsi planlaşdırılıb. Ümumilikdə 300-dən artıq gənci əhatə edəcək layihə mart-iyun aylarını əhatə edəcəkdir.
Binəqədi Gənclər Evi sosial xidmət müəssisəsində rayon orta ümumtəhsil məktəbləri arasında “Xəmsə” Milli İntellektual Oyunu keçirilmişdir Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsinin təşkilatçılığı ilə Binəqədi Gənclər Evi sosial xidmət müəssisəsində rayon orta ümumtəhsil məktəbləri arasında “Xəmsə” Milli İntellektual Oyunu keçirilmişdir. “Xəmsə” Milli İntellektual Oyununun aparıcısı Elmidar Süleymansoy komandaları qaydalarla tanış etdikdən sonra oyuna start verildi. 01 mart 2017-ci il tarixdə keçirilən yarışın birinci mərhələsində A qrupunda rayon ərazisində yerləşən 16 məktəbdən 4 məktəbin – 3 №-li tam orta məktəbin “Evrika”, 283 №-li tam orta məktəbin “Ulduz”, 205 №-li tam orta məktəbin “Vətən”, 126 №-li tam orta məktəbin “Gələcək” komandaları, 03 mart 2017-ci il tarixdə keçirilən yarışın ikinci mərhələsində B qrupunda növbəti 16 məktəbdən 4 məktəbin 297 №-li tam orta məktəbin “Qala”, 244 №-li tam orta məktəbin “Bayraq”, 217 №-li tam orta məktəbin “Planet”, 298 №-li tam orta məktəbin “Kainat” komandaları uğur qazanaraq yarımfinal mərhələsinə yüksəlmişlər. 06 mart 2017-ci il tarixdə “Xəmsə” Milli İntellektual Oyununun yarımfinal və final mərhələsi baş tutmuşdur. Oyunun nəticəsinə əsasən 283 №-li tam orta məktəbin “Ulduz” komandası I yerə, 244 №-li tam orta məktəbin “Bayraq” komandası II yerə, 297 №-li tam orta məktəbin “Qala” komandası III yerə layiq görülmüşdür. Mükafatlandırma mərasimində çıxış edən Binəqədi rayon Gənclər və İdman İdarəsinin rəis müavini Sevinc Süleymanova qalibləri təbrik edərək onlara təhsildə uğurlar diləyib. Qalib komandalar İdarə tərəfindən diplom, medal və kubokla təltif olunmuşlar.
“8 Mart Beynəlxalq Qadınlar Günü” münasibəti ilə keçirilən şeir müsabiqəsi! 07 mart 2017-ci il tarixdə İsmayıllı rayon Gənclər Mərkəzində İsmayıllı rayon Gənclər və İdman idarəsi, rayon təhsil şöbəsi ilə birgə “8 Mart Beynalxalq Qadınlar Günü”nə həsr olunmuş məktəbli qızlar arasında şeir müsabiqəsi keçirdi. Tədbiri İsmayıllı rayon Gənclər və İdman idarəsinin rəisi Taleh Salehov açaraq iştiraçkıları salamladı. “8 Mart Beynalxalq Qadınlar Günü” münasibəti ilə bütün Azərbaycan qadınlarının bayramını təbrik edərək onlara xoşbəxtlik, səadət, işlərində uğurlar arzuladı. Ardınca rayon təhsil şöbəsinin metodisti Nəriman Qəniyevdə iştiraçkıların bayramını təbrik edərək onlara uğurlar arzuladı. İsmayıllı şəhər 1 saylı, şəhər 2 saylı, şəhər 3 saylı məktəb-lisey, şəhər 4 saylı, şəhər 5 saylı, şəhər 6 saylı, şəhər 7 saylı tam orta məktəb, Cülyan, Talıstan, Diyallı kənd tam orta məktəblərindən ümumilikdə 21 şagirdin iştirak etdiyi müsabiqədə şagirdlər müxtəlif şairlərə məxsus şeirlər səsləndirdilər. Münsiflər heyyəti qismində rayon təhsil şöbəsinin metodisti N. Qəniyev, Uşaq Yaradıcılıq mərkəzinin direktoru X.Xalıqov, Gənclər və İdman idarəsinin əməkdaşları Ş.Qafarova və X. Məmmədov şagirdlərin səsləndirdikləri şeirləri qiymətləndirərək yekunda 10 (on) nəfər ən yaxşı şeir deyən şagird Gənclər və İdman idarəsinin diplom və qiymətli hədiyyələri ilə mükafatlandırıldılar.
Biləsuvar rayonunda Şahmat üzrə rayon birinciliyi keçirildi07 mart 2017-ci il tarixində Heydər Əliyev Mərkəzində 8 Mart Beynəlxalq Qadınlar Gününə həsr olunmuş qızlar arasında şahmat üzrə rayon birinciliyi keçirildi. Əvvəlcə Biləsuvar rayon Gənclər və İdman İdarəsinin rəisi Aqşin Bağırov yarış iştirakçılarını 8 Mart Beynəlxalq Qadınlar Günü münasibətilə təbrik etdi və bütün iştirakçılara uğurlar arzuladı. Yarışda hər məktəbdən 2 şagird olmaqla 15 məktəbin komandası mübarizə apardı. Sonda Şəhər 4 saylı tam orta məktəbin komandası 1-ci yerə, Bəydili kənd tam orta məktəbin komandası 2-ci yerə, Şəhər 1 saylı tam orta məktəbin komandası isə 3-cü yerə layiq görüldü. Qalib komandalar Biləsuvar rayon Gənclər və İdman İdarəsi tərəfindən diplomlar və hədiyyələrlə təltif edildi.
Gənclərin hərbi vətənpərvərlik tərbiyəsində “Şahin” hərbi- idman oyunlarının rolu önəmlidir Biləsuvar rayon Gənclər və İdman İdarəsinin təşkilatçılığı ilə 07 mart 2017-ci il tarixdə ümumtəhsil məktəblərinin ibtidai hərbi hazırlıq rəhbərləri ilə “Şahin” hərbi- idman oyununun məktəbdaxili və rayon birinciliyinin təşkili və keçirilməsində iştirakçı qurumların vəzifələri” mövzusunda dəyirmi masa keçirildi. Tədbirdə Biləsuvar rayon Gənclər və İdman İdarəsinin rəisi Aqşin Bağırov, Səfərbərlik və Hərbi Xidmətə Çağırış üzrə Dövlət Xidmətinin Biləsuvar rayon şöbəsinin rəis müavini Ramiq Soltanov, Təhsil Şöbəsinin müdir müavini Əlisafa Qəmbərov çıxış edərək “Şahin” hərbi idman oyunlarının gənclərin hərbi vətənpərvərlik tərbiyəsində rolu və hərbi xidmətə hazırlanmasında müstəsna əhəmiyyəti barədə dəyirmi masa iştirakçılarına geniş məlumat verdilər. Sonra yarışın məktəbdaxili və rayon birincilinin təşkili və keçirilməsində iştirakçı qurumların qarşısında duran vəzifələr müəyyənləşdirildi.
Nərimanov rayonunda “Gənc Turizm Bələdçisi” layihəsinin bağlanış mərasimi keçirilib 06 mart 2017-ci il tarixdə Azərbaycan Turizm və Menecment Universitetində Azərbaycan Respublikasının Prezidenti yanında Gənclər Fondunun maliyyə dəstəyi, Azərbaycan Turizm və Menecment Universiteti, Nərimanov Rayon Gənclər və İdman İdarəsi və “Azərbaycan Turizm İnstitutu Məzunları” İctimai Birliyi birgə təşkilatçılığı ilə “Gənc Turizm Bələdçisi” layihəsinin bağlanış mərasimi həyata keçirilib. Bağlanış mərasimində Azərbaycan Turizm və Menecment Universitetinin rektor səlahiyyətlərini icra edən Eldar Aslanov, “Azərbaycan Turizm İnstitutu Məzunları” İctimai Birliyinin sədri Ağamir Ağamirov və bir sıra media nümayəndələri iştirak ediblər. Bağlanış mərasimində çıxış edən “Azərbaycan Turizm İnstitutu Məzunları” İctimai Birliyin sədri Ağamir Ağamirov layihə çərçivəsində görülən işlər haqqında tədbir iştirakçılarına məlumat verib.
 əvvəlki    1  2  3  4  5  6  7  8  9  10  11    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1215

Partnyorlar