Xəbərlər

 

 


Nərimanov rayonunda “Nəsibə Zeynalova - 100” adlı teatr festivalı keçirilib14 dekabr 2016-cı il tarixdə “Odlar Yurdu” Universitetində Azərbaycan Respublikası Prezidenti yanında Gənclər Fondunun maliyyə dəstəyi, Nərimanov Rayon Gənclər və İdman İdarəsinin və “Odlar Yurdu” Universitetinin təşkilatçılığı ilə Azərbaycan teatr və kino sənətinin görkəmli nümayəndəsi, böyük gülüş ustası, Dövlət mükafatı laureatı, Xalq Artisti Nəsibə Zaeynalovanın anadan olmasının 100 illik yubileyi münsaibəti ilə “Nəsibə Zeynalova – 100” adlı teatr festivalı keçirilib. Tədbirdə Nərimanov Rayon Gənclər və İdman İdarəsinin baş məsləhətçisi Elnarə Kazımova, aparıcı məsləhətçisi Vüsal Ömərov, “Odlar Yurdu” Universitetinin Tələbə-Gənclər Təşkilatının sədri Səbinə Fərmanova, faəl tələbələr və rayon ərazisində fəaliyyət göstərən orta ümumtəhsil müəssisələrinin şagirdləri iştirak etmişlər. Tədbiri giriş sözü ilə açan layihə rəhbəri, “Odlar Yurdu” Universitetinin Tələbə-Gənclər Təşkilatının sədri Səbinə Fərmanova qonaqları salamladı, layihə haqqında məlumat verərək milli mədəniyyətimizin inkişafına dəyərli töhfələr vermiş korifey sənətkar, fitri istedadı ilə xalqımızın çoxəsrlik zəngin mədəniyyət salnaməsində silinməz iz qoymuş, parlaq yaradıcılıq yoluna malik olan Nəsibə Zeynalovanın ömür yolundan və yaradıcılığından danışdı. Sonra tədbirdə sənətkarın keçdiyi ömür yolu, yaratdığı rollar videomateriallar vasitəsilə iştirakçılara təqdim edilib. Tələbələrin ifasında Nəsibə Zeynalovanın sənət dünyasından bəhs edən gülüş dolu səhnəciklər nümayiş olunub.
“İdmanda dopinq vasitələrindən və üsullarından istifadəyə qarşı mübarizə haqqında” Azərbaycan Respublikasının 2016-cı il 29 noyabr tarixli 447-VQ nömrəli Qanununun tətbiqi barədə Azərbaycan Respublikası Prezidentinin FərmanıAzərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “İdmanda dopinq vasitələrindən və üsullarından istifadəyə qarşı mübarizə haqqında” Azərbaycan Respublikasının 2016-cı il 29 noyabr tarixli 447-VQ nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədi ilə qərara alıram: 1. Azərbaycan Respublikasının Nazirlər Kabineti: 1.1. Azərbaycan Respublikası qanunlarının və Azərbaycan Respublikası Prezidentinin aktlarının “İdmanda dopinq vasitələrindən və üsullarından istifadəyə qarşı mübarizə haqqında” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;
Binəqədi rayonunun komandası “Azərbaycanın intellektual birincisi” layihəsində Respublika çempionu oldu “İrəli” İctimai Birliyi Gənclər və İdman Nazirliyinin dəstəyi ilə ümummilli lider Heydər Əliyevin xatirəsinə həsr olunmuş “Azərbaycanın intellektual birincisi” layihəsini həyata keçirib. Layihənin əsas məqsədi gənclərin fəallığının, bilik və bacarıqlarının artırılması, onların intellektual səviyyələrinin yüksəldilməsi və beynəlxalq bilik yarışlarına rəqabətə davamlı gənclərin hazırlanmasıdır.
“Azərbaycanda İslam dünyası və multikulturalizm dəyərləri” mövzusunda gənc fotoqrafların sərgisi keçiriləcəkdirAzərbaycan Respublikasının Gənclər və İdman Nazirliyinin və Azərbaycan Fotoqraflar Birliyinin təşkilatçılığı ilə “Azərbaycanda İslam dünyası və multikulturalizm dəyərləri” mövzusunda gənc fotoqrafların sərgisi keçiriləcəkdir. Tədbirin keçirilməsində məqsəd gənclər arasında İslam dünyası və multikulturalizm dəyərlərini təbliğ etməkdən ibarətdir. Qeyd etmək lazımdır ki, sərgiyə 40 gənc fotograf tərəfindən 300 dən çox fotoşəkil təqdim olunmuşdur. Sərgidə nümayış olunması üçün 22 fotografın 50 əsəri mütəxəsislər tərəfindən seçilmişdir.
“Yaşıl Təfəkkür” layihəsi çərçivəsində “Ekoloji problemlər” mövzusunda növbəti təlim keçirilibBinəqədi rayon Gənclər evində Azərbaycan Respublikasının Prezidenti yanında Gənclər Fondunun maliyyə dəstəyi, “ASAN School” könüllülük məktəbinin “Yaşıl ASAN” təşəbbüsü, “ASAN Könüllüləri” Təşkilatı, Təhsil Nazirliyi, Ekologiya və Təbii Sərvətlər Nazirliyi, Binəqədi Rayon İcra Hakimiyyəti, Ekoloji Analitik İnformasiya Agentliyinin (ECORES) birgə təşkilatçılığı ilə “Yaşıl Təfəkkür” layihəsi çərçivəsində Azərbaycan Ornitoloji Cəmiyyətinin direktoru Elçin Sultanov tərəfindən “Ekoloji problemlər” mövzusunda növbəti təlim keçirilib. Qeyd edək ki, layihənin məqsədi uşaqlar vasitəsilə valideynlər və onların əhatəsində olan digər insanlar arasında yaşıl təfəkkürün formalaşdırılması, təbiətin qorunması, ətraf mühitin çirklənməsinin qarşısının alınmasıdır. Layihə çərçivəsində 20 nəfərdən ibarət xüsusi təlimçilərin hazırlanması və daha sonra həmin təlimçilər tərəfindən məktəblərdə şagirdlərə ekologiya və təbiətin qorunması barədə təlimlərin keçirilməsi nəzərdə tutulur.
"Azərbaycan Tələbə Kartı" yeni variantda təqdim edildi"Azərbaycan Tələbə Kartı" yeni variantda təqdim edilib. Təhsil alan gənclərə sosial dəstəyin artırılması və tələbələrin beynəlxalq güzəştli kartlar sisteminə qoşulması məqsədilə 2012-ci ildən etibarən Gənclər və İdman, Təhsil nazirlikləri, həmçinin Azərbaycan Tələbə Gənclər Təşkilatları İttifaqı tərəfindən respublikada fəaliyyət göstərən ali və orta ixtisas təhsili müəssisələrinin tələbələri üçün "Azərbaycan Tələbə Kartı" hazırlanaraq pulsuz paylanmasına başlanılıb.
SUMQAYIT VOLEYBOLÇULARI ÖLKƏ ÇEMPİONU OLDUNoyabr ayında İsmayıllı rayonunda İdman Məktəblərinin VIII Respublika oyunlarının proqramına daxil olan 2003-2004-cü il təvəllüdlü qızlar arasında voleybol üzrə Azərbaycan birinciliyinin final mərhələsi keçirilmişdir. Yarışda Bakı, Gəncə, Şəki və Sumqayıt şəhərlərilə yanaşı Göygöl, Qax, Biləsuvar və Kürdəmir rayonlarının komandaları da iştirak etmişdir. Gərgin və maraqlı idman mübarizəsi şəraitində keçən birincilikdə şəhərin yığma komandası bütün komandalara qalib gələrək Azərbaycan çempionu olmuşlar.
“Xalçaçılıq sənətini yaşat və təbliğ et” layihəsinin açılış mərasimi keçirilibBinəqədi Rayon İcra Hakimiyyəti, Binəqədi rayon Gənclər və İdman İdarəsi və Azərbaycan Xalça Muzeyinin birgə təşkilatçılığı ilə Binəqədi rayon Gənclər evində “Xalçaçılıq sənətini yaşat və təbliğ et” adlı layihənin açılış mərasimi keçirilib. Tədbirdə Binəqədi rayon Gənclər və İdman İdarəsinin rəis müavini Sevinc Süleymanova, Binəqədi Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Jalə Tofiqqızı, Azərbaycan Xalça Muzeyinin mətbuat xidmətinin rəhbəri Fuad Rəsul və muzeyin elmi işçisi Təranə Məlikova, Bakı Humanitar Kollecin tələbələri, ASAN könüllüləri iştirak ediblər.
Cəfər Cabbarlının “Mən bir susmaz duyğuyam ki,...” adlı əbədi - bədii gecə keçirilibNərimanov Rayon Gənclər və İdman İdarəsinin və S.C.Pişəvəri adına Humanitar Fənlər Gimnaziyasının birgə təşkilatçılığı ilə gimnaziyada Azərbaycan dramaturqu, şairi və nasiri Cəfər Cabbarlının “Mən bir susmaz duyğuyam ki,...” adlı əbədi - bədii gecəsi keçirilib. Gecədə Nərimanov Rayon Gənclər və İdman İdarəsinin rəisi Nəcəf Novruzov, S.C.Pişəvəri adına Humanitar Fənlər Gimnaziyanın direktoru Xuraman Osmanova, Cəfər Cabbarlının nəvəsi, ev muzeyinin direktoru Qəmər Seyfəddinqızı, gimnaziyanın müəllim heyəti və şagirdləri iştirak etmişlər.
“Azərbaycanın İntellektual BİR” incisi layihəsinin regional zona seçim turunda İsmayıllı komandası 1-ci olduAzərbaycan Respublikası Gənclər və İdman Nazirliyinin dəstəyi və“İrəli” İctimai Birliyinin təşkilatçılığı ilə İsmayıllı rayonunda keçirilən “Azərbaycanın İntellektual BİR” incisi layihəsinin regional zona seçim turunda İsmayıllı komandası I yerə layiq görülmüşdür. Final yarışlarında iştirak etmək üçün komandamız İsmayıllı rayon Gənclər və İdman İdarəsinin təşkilatçılığı ilə Bakı şəhərinə ezam edilmişdir. Yarışdan öncə İsmayıllı intellektualları Fəxri Xiyabanda Ulu Öndər Heydər Əliyevin məzarını ziyarət etmiş, abidəsi önünə tər qərənfillər düzmüşlər. İsmayıllı rayon Gənclər və İdman İdarəsinin rəisi Taleh Salehov Ulu Öndərin keçdiyi həyat yolundan, onun ölkəmizə verdiyi müstəqillik töhvəsindən, çoxsaylı xidmətlərindən məktəblilərə geniş bəhs etmişdir. Bu günkü gəncliyin inkişaf etməsinin təməlinin məhz Ulu Öndər tərəfindən əsası qoyulan Dövlət Gənclər siyasətinin bariz nümunəsi olduğu gənclərin diqqətinə çatdırılmışdır.
İndoneziyanın Bali adasında pencak-silat döyüş növü üzrə 17-ci dünya çempionatına yekun vurulub41 ölkədən 700 idmançının mübarizə apardığı mundialda Azərbaycan millisinin üzvü Elxan Cəfərov gümüş medal qazanıb. Yarışda 55-60 kiloqram çəki dərəcəsində mübarizə aparan döyüşçümüz finaladək inamla irəliləyib. Həlledici görüşdə yerli idmançıya məğlub olan E.Cəfərov dünya çempionatını ikinci pillədə başa vurub. Balidəki Lila Buana Arenada təşkil olunan yarışda idmançımız milli komandanın baş məşqçisi Abbas Hümbətovun rəhbərliyi altında mübarizə aparıb.
Gənclər Təşkilatları Milli Şurasının illik hesabat tədbiri keçiriləcək14 dekabr 2016-cı il tarixi, saat 15:00-da Fairmont mehmanxansında Azərbaycan Respublikası Gənclər Təşkilatları Milli Şurasının illik hesabat tədbiri və üzvlərinin məclisi keçiriləcək. Tədbirdə dövlət rəsmiləri, gənclər təşkilatlarının nümayəndələri və fəal gənclər iştirak edəcək.
ŞAHMAT ÜZRƏ MƏKTƏBLİLƏRİN DÜNYA BİRİNCİLİYİNƏ YEKUN VURULDUCari ilin 02-12 dekabr tarixlərində Rusiya Federasiyasının Soçi şəhərində keçirilən şahmat üzrə yeniyetmələr arasında Məktəblilərin Dünya birinciliyində çıxış edən Sumqayıt şahmat məktəbinin yetirməsi Murad İbrahimli 9 mümkün xaldan 7.5 xal toplayaraq Dünya birinciliyinin gümüş medalına layiq görülmüşdür.
"Azərbaycan Tələbə Kartı" yeni variantda təqdim ediləcəkTəhsil alan gənclərə sosial dəstəyin artırılması və tələbələrin beynəlxalq güzəştli kartlar sisteminə qoşulması məqsədi ilə 2012-ci ildən etibarən Gənclər və İdman, Təhsil Nazirlikləri və Azərbaycan Tələbə Gənclər Təşkilatları İttifaqı tərəfindən respublikada fəaliyyət göstərən ali və orta ixtisas təhsili müəssisələrinin tələbələri üçün 196 min ədəd "Azərbaycan Tələbə Kartı" hazırlanaraq pulsuz paylanmışdır.
Nərimanov rayonunda "Mən fövqəladə hadisələrə qarşı mübarizəyə hazıram" adlı layihə çərçivəsində intellektual oyunu keçirilibAzərbaycan Respublikasının Prezidenti Yanında Gənclər Fondunun maliyyə, Fövqəladə Hallar Nazirliyinin Akademiyasının, Nərimanov Rayon Gənclər və İdman İdarəsinin və Azərbaycan Turizm İnstitutu Məzunları İctimai Birliyinin birgə təşkilatı dəstəyi ilə Azərbaycan Turizm və Menecment Universitetində "Mən fövqəladə hadisələrə qarşı mübarizəyə hazıram” adlı layihə çərçivəsində fövqəladə hadisələrin qarşısının alınması qabaqlayıcı tədbirlər mövzusunda "Nə? Harada? Nə zaman?” intellektual oyunu keçirilib.
Binəqədi rayonunun kollektivi Heydər Əliyev Mərkəzini ziyarət edibBinəqədi Rayon İcra Hakimiyyəti, Binəqədi rayon Gənclər və İdman İdarəsi və YAP Binəqədi rayon təşkilatının təşkilatçılığı ilə Azərbaycan xalqının ümummilli lideri Heydər Əliyevin vəfatının on üçüncü ildönümü ilə əlaqədar Heydər Əliyev Mərkəzinə ekskursiya təşkil edilib. Ekskursiyada Binəqədi Rayon İcra Hakimiyyəti başçısının müavinləri Vüsar İsmayılov, Aygün Əliyeva, YAP Binəqədi rayon təşkilatının sədri Ramiz Göyüşov, Binəqədi rayon Gənclər və İdman İdarəsinin rəisi Qüdsi Bayramov, fəal gənclər, Binəqədi Rayon İcra Hakimiyyətinin aparatında və rayon Gənclər və İdman İdarəsində rotasiya yolu ilə təcrübə keçən ASAN Könüllülər, Naxçıvan şəhərinə səfər etmiş məktəblilər iştirak ediblər. Ekskursiya çərçivəsində iştirakçılara Mərkəzin əməkdaşı tərəfindən ətraflı məlumat verildi, onlar Heydər Əliyev Mərkəzini və burada fəaliyyət göstərən Heydər Əliyev Muzeyini ziyarət etdi, dahi rəhbərin zəngin və mənalı ömür yolunu əks etdirən eksponatlar, Ulu Öndərin siyasi irsini təbliğ edən əyani vəsaitlərlə tanış oldular.
Astarada gənc qızlar arasında voleybol turniri06-12 dekabr 2016-cı il tarixlərində Astara rayon Artupa kənd tam orta məktəbinin idman zalında Astara rayon Gənclər və İdman İdarəsi, Uşaq Gənclər İdman Məktəbi və “Gənc qızlar arasında voleybol turniri” layihəsinin rəhbəri Kamran Babayevin birgə təsdiq etdiyi əsasnaməyə əsasən Azərbaycan Respublikasının Prezidenti yanında Gənclər Fondunun maliyyə dəstəyi Kamran Babayevin “Gənc qızlar arasında voleybol turniri” layihəsi həyata keçirilmişdir.
UNICEF-in 70 illik yubileyinə həsr olunmuş tədbir keçiriləcəkUNICEF–in Azərbaycandakı nümayəndəliyinin və Gənclər və İdman Nazirliyinin birgə təşkilatçılığı ilə 14 dekabr 2016-cı il tarixdə UNICEF-in 70 illik yubileyinə həsr olunmuş tədbirin keçirilməsi nəzərdə tutulub. “Hər bir uşaq üçün” şuarı altında təşkil ediləcək tədbirdə Gənclər və İdman Nazirliyi və UNİCEF-in daim diqqət mərkəzində olan istedadlı uşaq və gənclərin iştirakı ilə müxtəlif kompozisiyalar, musiqi nömrələri və rəqslərdən ibarət proqram təqdim olunacaq.
Sumqayıtda “USTA” gənclərin peşə bacarıqlarının artırılması layihəsinə star verilmişdir10 dekabr 2016-cı il tarixində Sumqayıt şəhərində Azərbaycan Respublikasının Prezidenti yanında Gənclər Fondunun maliyyə, şəhər Gənclər və İdman Baş İdarəsinin təşkilati dəstəyi ilə “Sumqayıt Tələbələri” ictimai birliyi tərəfindən “USTA” gənclərin peşə bacarıqlarının artırılması layihəsinə start verilmişdir. Layihə çərçivəsində lik təlim“Jurnalistika” mövzusunda keçirilmişdir. Tədbiri giriş sözü ilə açan layihənin koordinatoru Rəşad Yunusov layihənin əsas məqsədinin ölkə iqtisadiyyatının ixtisaslı kadrlara olan tələbatın ödənilməsində texniki - peşə təhsili müəssisələrinin fəaliyyətini bu vəzifələrin icrasına yönəltmək, peşə təhsilini müasir tələblər baxımından təkmilləşdirmək, sahələr üzrə ixtisaslı kadrlar hazırlamaq, peşə təhsilini ictimaiyyət arasında təbliğ etmək, gənclərin bu sahədə bilik və bacarıqlarının artırılmasından ibarət olduğunu bildirdi.
İsmayıllı Olimpiya İdman Kompleksində mini futbol üzrə gənclər arasında rayon birinciliyi keçirilmişdir 12 dekabr 2016-cı il tarixdə İsmayıllı Olimpiya İdman Kompleksində Gənclər İdman İdarəsi və Olimpiya İdman Kompleksinin təşkilatçılığı ilə Ulu Öndər Heydər Əliyevin anım günü münasibətilə mini futbol üzrə gənclər arasında rayon birinciliyi keçirilmişdir. Yarışda Gənclər və İdman İdarəsinin rəis müvini Rauf Rəcəbov çıxış edərək Ulu Öndər Heydər Əliyevin ölkəmizin müstəqilliyi yolunda verdiyi saysız töhvələri vurğuladı və bu yarışda da iştirakçılara qələbə sevinci arzuladı. İsmayıllı Olimpiya İdman Kompleksinin təlimatçısı Anar Həsənov ölkədə idmana göstərilən qayğıdan bəhs etdi, yaradılan gözəl şəraitə görə ölkə rəhbərliyinə minnətdarlığını bildirdi , sonda idmançılara uğurlar arzuladı. 10 komanda birincilik uğrunda gərgin mübarizə apardı. I yerə Babadağ, II yerə Hacıhətəmli və III yerə İsmayıllı klubu komandası layiq görüldü. Qaliblər rayon Gənclər və İdman İdarəsinin diplomları ilə təltif olundu.
 əvvəlki    5  6  7  8  9  10  11  12  13  14  15    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1246

Partnyorlar