Gənclər və İdman Nazirliyinin təşkilatçılığı ilə gənc rəssamlar Həlimə Ələsgərova, Nahid Vahabov və gənc fotoqraf Fəridə Bayramlının yaradıcılıq sərgisi təşkil edilib. Sərginin açılışı 16 iyun 2009-cu il saat 17.00-da Muzey Mərkəzində keçirildi.
Sərginin keçirilməsində məqsəd istedadlı gənclərin aşkar edilməsi, onların yaradıcılıq fəaliyyətlərinin inkişaf etdirilməsi və yeni axtarışlarının stimullaşdırılmasından ibarətdir.
Sərgidə incəsənətin üç müxtəlif növünü - dekorativ-tətbiqi, rəngkarlıq, foto sənətini və üç gəncin yaradıcılığını əhatə edən 180-dən çox əsər nümayiş etdirilib.
Qeyd edək ki, sərgi 3 gün - iyun ayının 16-dan 19-a kimi davam edəcək. 

 Foto: Dilavər