Xəbərlər

 

 


“31 mart-Azərbaycanlıların Soyqırımı Günü”-nə həsr olunmuş anım tədbiri keçirildi29 mart tarixində Sabunçu rayon Gənclər Evində Azərbaycan Respublikası Gənclər və İdman Nazirliyinin və Azərbaycan Tələbə Gənclər Təşkilatları İttifaqının (ATGTİ) birgə təşkilatçılığı ilə “31 mart Azərbaycanlıların Soyqırımı Günü”-nə həsr olunmuş anım tədbiri keçirildi. Tədbirdə Gənclər və İdman nazirinin müavini İntiqam Babayev, Sabunçu Rayon İcra Hakimiyyəti başçısının I müavini Güloğlan Məmmədov, Azərbaycan Tələbə Gənclər Təşkilatları İttifaqının sədri, millət vəkili Şahin İsmayılov, Virtual Qarabağ İKT Mərkəzinin direktoru Nurəddin Mehdiyev, Bakı Dövlət Universitetinin dossenti Atamoğlan Məmmədli, Sabunçu rayon Yeni Azərbaycan Partiyasının Təşkilat sədri Mehriban Abasquliyeva, habelə ali və orta ixtisas təhsili müəssisələrinin tələbələri, respublikada fəaliyyət göstərən bir sıra gənclər təşkilatlarının nümayəndələri və fəal gənclər iştirak edirdilər. Tədbir erməni daşnakları tərəfindən qətlə yetirilmiş soydaşlarımızın xatirəsinin bir dəqiqəlik sükutu ilə başladı. Daha sonra 31 mart - Azərbaycanlıların Soyqırımına həsr olunmuş sənədli film nümayiş etdirildi. Sonra söz tədbirə dəvət edilmiş qonaqlara verildi. Çıxış edən natiqlər 1918-ci ilin 31 mart tarixində, habelə tarixin sonrakı mərhələlərində xalqımıza qarşı ermənilərin törətdikləri cinayətlərdən danışaraq bunun təkcə xalqımıza qarşı deyil, regionda yerləşən digər xalqlarında başına gətirildiyini vurğuladılar. O da, bildirildi ki, bütün günahsız soydaşlarımızın və şəhidlərimizin ruhu yalnız torpaqlarımız erməni işğalından azad edildikdə rahat olacaqdır. Odur ki, bütün Azərbaycan gəncliyinə yaddaşlarında bu tarixi hadisələri möhkəm saxlamağı və onun bir daha baş verməməsi üçün erməni millətçiliyi ilə mübarizəyə daim hazır olmaları tövsiyə olundu.
Biləsuvar məktəbliləri “Ölkəmizi tanıyaq” tur-aksiyası çərçivəsində respublikamızın şimal bölgəsinə ekskursiya ediblər 23 mart 2017-ci il tarixdən başlayaraq “Ölkəmizi tanıyaq” tur-aksiyası çərçivəsində Quba-Qusar-Xaçmaz rayonlarına ekskursiya edən Biləsuvar rayonunun fəal məktəbliləri 26 mart 2017-ci il tarixdə xoş təəssüratla rayona qayıtdılar. Tur–aksiya çərçivəsində şagirdlər bu rayonların tarixi və görməli yerləri ilə tanış olaraq, bir çox tarixi və mədəniyyət obyektlərinə ekskursiya etmişlər. Məktəblilər rayonlarda şagirdlər arasında təşkil olunan intellektual oyunlarda və musiqili proqramlarda iştirak etmişlər.
Gənclər və gənclər təşkilatlarını 31 Mart: Azərbaycanlıların Soyqırımı Günü ilə bağlı onlayn fəaliyyətlərə qoşulmağa dəvət edilirGənclər və İdman Nazirliyi, Gənclər Təşkilatları Milli Şurası və Azərbaycan Tələbə Gənclər Təşkilatları İttifaqının təşkilatçılığı ilə “31 Mart: Azərbaycanlıların Soyqırımı Günü” ilə bağlı onlayn fəaliyyətlər həyata keçirilir. Fəaliyyətlərin məqsədi Azərbaycan reallıqlarının, soyqırım faktının dünya ictimaiyyətinə Azərbaycan gəncliyi adından çatdırılmasını və gənclərin “31 mart - Azərbaycanlıların Soyqırımı Günü” ərəfəsində sosial şəbəkələrdə təşkil edilələcək kampaniyaya dəstək olmaları üçün səfərbər olunmalarını təmin etməkdir Qeyd olunan fəaliyyətlər çərçivəsində “Twitter” sosial şəbəkəsində gənclər təşkilatları və fəal gənclərlə birgə soyqırım haqqında tvitər paylaşılacaqdır. Bu istiqamətdə gəncləri və gənclər təşkilatlarını da mövzu üzrə tvitlər paylaşmağa və ən əsası #31marchgenocide və #31online haştaqlarından kütləvi istifadə etməyə çağırırıq. Həmçinin əlavədə sizə “Twitter” sosial şəbəkəsində hesabın yaradılması, Twitter Azərbaycan səhifəsində qeydiyyata alınması, paylaşımların edilməsi və "Facebook" sosial şəbəkəsində örtük şəkilinin dəyişdirilməsi ilə hazırlanmış şəklinini endirərək və təlimatlara uyğun olaraq dəyişə bilərsiniz. Əlavə 1: Twitterdən istifadə qaydaları Əlavə 2: Örtük şəklinin dəyişdirilməsi qaydaları Əlavə 3: Örtük şəkli Əlaqələndirici şəxs: Cavid Kərimov Mobil tel: 077 421 11 62 Tel: 012 441 16 31 Fax: 012 441 16 27 E-mail: cavid.karimov@nayora.az
Biləsuvar rayonunda “Şahin” hərbi idman oyununun rayon birinciliyi keçirildi Biləsuvar rayon Gənclər və İdman İdarəsinin təşkilatçılığı ilə 28 mart 2017-ci il tarixdə Olimpiya İdman Kompleksində “Şahin” hərbi-idman oyununun rayon birinciliyi keçirildi. Yarışda Səfərbərlik və Hərbi Xidmətə Çağırış üzrə Dövlət Xidmətinin Biləsuvar rayon şöbəsinin, Biləsuvar rayon Dövlət Yanğından Mühafizə Hissəsinin, Təhsil Şöbəsinin, Mərkəzi Xəstəxananın nümayəndələri iştirak etdilər. Yarışa 26 tam orta məktəb komandaları tərkibində 364 şagird cəlb olunmuşdur. Yarış ərzində komandalar Əsasnaməyə uyğun olaraq verilən tapşırıqları yerinə yetirməklə müxtəlif mərhələlərdə qüvvələrini sınadılar. Yekun qərara əsasən Ağayrı kənd tam orta məktəbin komandası I yeri tutaraq 19-20 aprel 2017-ci il tarixlərdə Lənkəran şəhərində keçiriləcək “Şahin” hərbi-idman oyunu üzrə respublika birinciliyinin zona mərhələsində iştirak etmək hüququ qazandı.
“31 mart - Azərbaycanlıların Soyqırımı Günü” ilə bağlı tədbirlərə start verilibGənclər və İdman Nazirliyi, Gənclər Təşkilatları Milli Şurası və Azərbaycan Tələbə-Gənclər Təşkilatları İttifaqının təşkilatçılığı ilə “31 mart - Azərbaycanlıların Soyqırımı Günü” ərəfəsində planlaşdırılan onlayn fəaliyyətlər ilə bağlı görüləcək işlərin müzakirəsi və məlumatların verilməsi üçün Əlaqələndirmə Şurasının görüşü keçirilib. Görüşdə Gənclər və İdman Nazirinin müavini İntiqam Babayev, nazirliyın əməkdaşları, gənclər təşkilatlarının və tələbə-gənclər təşkilatlarının rəhbərləri iştirak ediblər. Görüş zamanı Xocalı faciəsinin 25-ci ildönümü ərəfəsində təşkil edilmiş onlayn fəaliyyətlərin yekun hesabatı və 31 mart – Azərbaycanlıların Soyqırımı Günü münasibəti ilə görüləcək işlərin təqdimatları olmuşdur. Fəaliyyətlərin məqsədi Azərbaycan reallıqlarının, soyqırım faktının dünya ictimaiyyətinə Azərbaycan gəncliyi adından çatdırılması və gənclərin “31 mart - Azərbaycanlıların Soyqırımı Günü” ərəfəsində sosial şəbəkələrdə təşkil edilələcək kampaniyaya dəstək olmaları üçün səfərbər olunmalarının təmin edilməsidir. Fəaliyyətlər çərçivəsində soyqırım haqqında məlumatlar toplanaraq, müxtəlif dillərdə tvitlərdən ibarət elektron baza yardılacaqdır. Paylaşımlar zamanı #31marchgenocide #31online həştəqlərindən istifadə olunaraq, sosial şəbəkələr vasitəsilə kütləvi çağırışlar ediləcək, Azərbaycan reallıqlarını özündə əks etdirən paylaşımlar və məlumatlar yerləşdiriləcəkdir.
“Azərbaycanlıların Soyqırımı günü”-nə həsr olunmuş anım tədbiri keçiriləcəkAzərbaycan Respublikası Gənclər və İdman Nazirliyinin və Azərbaycan Tələbə Gənclər Təşkilatları İttifaqının (ATGTİ) birgə təşkilatçılığı ilə “31 Mart Azərbaycanlıların Soyqırımı günü”-nə həsr olunmuş anım tədbiri keçiriləcək. Tədbir 29 mart tarixində saat 11:00-da Sabunçu rayon Gənclər evində baş tutacaq. Anım mərasimi əvvəlcə 31 mart - Azərbaycanlıların Soyqırımına həsr olunmuş filmin nümayişi ilə başlayacaq. Filmdə Ermənilərin Azərbaycan xalqına amansızlıqla divan tutmasından, günahsız insanların soyqırım nəticəsində öldürülməsi ön planda qeyd edilir. Daha sonra isə qonaqların soyqırım zamanı kimsəsiz, əliyalın insanlara qarşı törədilmiş vəhşiliklərin dünya ictimaiyyətinə olduğu kimi çatdırılması üçün maarifləndirmə işlərinin zəruriliyindən, son illər bu istiqamətdə görülmüş işlərdən və qarşıda duran əsas məsələlər ətrafında çıxışları dinləniləcək. Tədbirdə qonaq qismində Gənclər və İdman Nazirinin müavini İntiqam Babayev, Milli Məclisin deputatı Şahin İsmayılov, Virtual Qarabağ İKT Mərkəzinin direktoru Nurəddin Mehdiyev, Bakı Dövlət Universitetinin kafedra müdiri, professor Anar İsgəndərov iştirak edəcək. Həmçinin, tədbirdə bir sıra gənclər təşkilatlarının nümayəndələri və fəal gənclər iştirak edəcəklər
Astaralı idmançı Dünya Kubokunun qalibi oldu27-29 mart 2017-ci il tarixlərində Qarışıq döyüş idman növləri üzrə Gürcüstanda keçirilən Dünya Kuboku yarışında Astaralı idmançı Məmmədov İbrahim (70 kq) I yerə layiq görülmüşdür. İdmançını yarışa Budo Döyüş növləri üzrə V dan qara kəmər sahibi Ramiq Rəhmanov hazırlamışdır. İdmançı və məşqçisi ilə görüşən Astara rayon Gənclər və İdman İdarəsinin rəisi Ərçə Əliyev onları təbrik etmiş və uğurlar arzulamışdır.
Yığma komandamız Avropa çempionatında iştirak edəcək2-8 aprel tarixlərində Xorvatiyanın Split şəhərində ağır atletika üzrə Avropa çempionatı keçiriləcək. Yarışda 42 ölkədən 324 atlet (144 qadın və 180 kişi) iştirak edəcək. Azərbaycan yığma komandası da yarışda çıxış edərək medal mübarizəsi aparacaq. Komandamızın heyəti ilə aşağıda tanış ola bilərsiniz: Məmmədli Məhəmməd (62 kq), İsa Rüstəmov (69 kq), Kamran İsmayılov (85 kq) və Hüseyn İsmayılov (94 kq).
Bərdə rayonunda Respublika turniri keçirilib 25-26 mart 2016-cı il tarixlərdə Bərdə Olimpiya İdman Kompleksində Azərbaycan Respublikası Gənclər və İdman Nazirliyinin və Kyokuşinkaykan Karate və Ciyutaido Federasiyasının birgə təşkilatçılığı ilə “5 mart İdman və Bədən tərbiyəsi və idman günü”nə həsr olunmuş uşaqlar,yeniyetmələr, gənclər, kişilər,qızlar və qadınlar arasında Respublika turniri keçirilmişdir.Turnirdə ölkənin 11 şəhər və rayonlarından (Bakı - Sabunçu rayonu,Mingəçevir,Yevlax,Bərdə,Tərtər,Ağdam,Xırdalan, Şabran, Abşeron,Goranboy,Qazax,) 120 idmançı müxtəlif çəki dərəcələrində mübarizə aparıb. Azərbaycan Kyokuşinkaykan Karate və Ciyutaido Federasiyasının vitse-prezidenti Zeynal Zeynalov və Bərdə rayon Gənclər və İdman idarəsinin rəisi Anar Şahbazov turniri giriş sözü ilə açaraq bu gün ölkəmizdə idman sahəsində gedən inkişaf, görülən işlər və həyata keçirilən layihələr haqqında söz açıb. Turnirin təşkilində göstərdikləri köməyə görə Bərdə rayon Gənclər və İdman idarəsinin rəisi Anar Şahbazov və “Kanço” idman klubunun sədri,I dan qara kəmər sahibi,Bərdə komandasının məşqçisi Pərviz Rəsulov Azərbaycan Kyokuşinkaykan Karate və Ciyutaido Federasiyasının Fəxri Fərmanları ilə təltif olundular. Yarış peşəkar hakimlər briqadası (baş hakim Rüstəm Umudov) tərəfindən idarə olunmuşdur. Qaliblər Azərbaycan Kyokuşinkaykan Karate və Ciyutaido Federasiyasının müvafiq dərəcəli diplomları və medallarla təltif olunmuşlar.
Cəlilabadda yunan-roma güləşi üzrə yeniyetmələr arasında turnir keçirilib23-25 mart 2017-ci il tarixlərdə Cəlilabad rayon Olimpiya İdman Kompleksində , Azərbaycan Respublikasının Əməkdar Məşqçisi,SSRİ idman ustası Əlibala Əli oğlu Səlimovun 70 illik yubileyinə həsr olunmuş yunan-roma güləşi üzrə yeniyetmələr arasında şəhərlərarası xatirə turniri keçirilmişdir.Yarışda Cəlilabad,Masallı,Lerik,Abşeron,Şirvan və Lənkəran şəhərlərindən ümumilikdə 220 nəfər idmançı iştirak etmişdir. I yerə Lənkəran, II yerə Cəlilabad və III yerə Şirvan şəhər komandaları laiq görülmüşdür.
Qadınlardan ibarət milli komandanın favoriti İrina Zaretska Karate 1 Premyer Liqa turnirinin qalibi olubQadınlardan ibarət milli komandanın favoriti İrina Zaretska (-68 kq) Hollandiyanın Rotterdam şəhərində Karate 1 Premyer Liqa turnirinin qalibi olub. O, Dünya Karate Federasiyasının bu rəsmi mötəbər turnirinin finalınadək son illərin üç dünya çempionuna qalib gəlib. Milli komandamızı martın son günləri, aprelin əvvəlində Birləşmiş Ərəb Əmirliklərinin Dubay şəhərində mövsümün növbəti Karate 1 Premyer Liqa turniri gözləyir. Göygöl Olimpiya İdman Kompleksində 1 həftəlik təlim-məşqləri başa vuran karateçilərimiz üçün qarşıdakı nüfuzlu turnir, mayın ortaları Bakıda 4-cü İslam Həmrəyliyi Oyunlarına son hazırlıq yarışı olacaq. Dubay Premyer Liqasından sonra İslam Oyunlarında iştirak edən tam heyət məlum olacaq. Bu yarışda islam ölkələrinin milli komandaları itirak etdiyindən, karateçilərimiz üçün bir növ İslam Oyunlarına sınaq və mühim yarış sayılır.
Binəqədi Gənclər Evi sosial xidmət müəssisəsində “2nd University Session” keçirilmişdirBinəqədi Gənclər Evi sosial xidmət müəssisəsində 15-18 mart 2017-ci il tarixlərdə Avropa Gənclər Parlamenti Azərbaycan nümayəndəliyi tərəfindən günümüzün aktual mövzularından olan “Bərabərlik və informasiya texnologiyaları”na həsr olunmuş “2nd University Session” (2-ci Universitet Sessiyası) keçirilmişdir. Qeyd edək ki, sessiyanın baş təşkilatçıları ADA Universitetinin Beynəlxalq münasibətlər fakültəsinin III kurs tələbəsi Elvin Hacıyev və İnformasiya texnologiyaları fakültəsinin III kurs tələbəsi Rasim Xankişiyevdir. Ümumilikdə sessiyada Fransa, İsveçrə, Polşa və Gürcüstandan da olmaqla 150 nəfərdən çox gənc iştirak etmiş, onlar müəyyən edilmiş mövzular üzrə diskussiya aparmış, fikir və təcrübələrini paylaşmışlar. Sessiya 2 əsas hissədən – rəsmilər (prezident, vitse-prezident, təşkilatçılar komandası, komitə sədrləri, media komandası) və üzvlərdən ibarət olub. Novruz bayramı ərəfəsinə təsadüf edən sessiyanın növbəti günündə iştirakçılar üçün Gənclər Evinin həyətində bayram şənliyi təşkil edildi. Novruz tonqalını alovlandıran gənclər onun ətrafında müxtəlif maraqlı rəqslər oynayıb, mahnılar ifa etdilər. Bayramın əsas personajları olan Kosa və Keçəl iştirakçılara Novruz bayramında həyata keçirilən adətlər haqqında məlumat verib, onlarla yumurta döyüşdürdülər. Binəqədi rayon Gənclər və İdman İdarəsinin rəisi Qüdsi Bayramov tədbirdə çıxış edərək gəncləri Novruz bayramı münasibətilə təbrik etdi, onlara gələcək fəaliyyətlərində uğurlar dilədi. Tədbirin bağlanış mərasimi 19 mart 2017-ci il tarixdə Sabunçu “Gənclər evi”ndə keçirilmişdir.
Binəqədi məktəbliləri “Ölkəmizi tanıyaq” tur-aksiyası çərçivəsində Naxçıvana yola salındılar “Ölkəmizi tanıyaq” tur-aksiyası çərçivəsində 16 mart 2017-ci il tarixdə binəqədili məktəblilərin Naxçıvan Muxtar Respublikasına yola salınmaları münasibətilə tədbir keçirildi. Tədbirdə Binəqədi Rayon İcra Hakimiyyəti başçısının müavini Vüsar İsmayılov, Binəqədi rayon Gənclər və İdman İdarəsinin rəisi Qüdsi Bayramov, məktəb direktorları, valideynlər və məktəblilər, 272 və 177 saylı körpələr evi-uşaq bağçasından olan uşaqlar iştirak etdilər. “Ölkəmizi Tanıyaq” tur-aksiyası çərçivəsində binəqədili məktəblilər Naxçıvana yola düşməzdən əvvəl ümummilli lider Heydər Əliyevin Yeni Azərbaycan Partiyası Binəqədi rayon təşkilatının inzibati binasının qarşısında ucaldılan abidəsini ziyarət etdilər. Binəqədi Rayon İcra Hakimiyyəti başçısının müavini Vüsar İsmayılov xalqımızın gələcəyi olan uşaqlara göstərilən dövlət qayğısından, gənc nəslin hərtərəfli inkişafı üçün yaradılan şəraitdən söz açdı. Bildirdi ki, Naxçıvan Muxtar Respublikasına reallaşdırılan maarifləndirici tur-aksiyada Binəqədi rayonundan 27 məktəbli iştirak edəcəkdir. Şagirdlərə uğurlar diləyən natiq tur-aksiyadan müsbət şəkildə yararlanmağı tövsiyə etdi. Mərasimdə çıxış edənlər - 284 nömrəli tam orta məktəbin direktoru Nizami Novruzov, “Ölkəmizi tanıyaq” layihəsinin iştirakçısı Elen Cəfərzadənin valideyni Rəmziyyə Sadıxova “Ölkəmizi Tanıyaq” layihəsi çərçivəsində ölkəmizin müxtəlif bölgələrinə reallaşdırılan maarifləndirici tur-aksiyaların əhəmiyyətindən danışdılar. Qeyd olundu ki, məktəblilər 4 gün ərzində Naxçıvan, Ordubad şəhərləri, Şahbuz, Kəngərli rayonlarının tarixi, maddi-mədəniyyət nümunələri, turizm mərkəzləri və başqa gəzməli-görməli yerləri ilə tanış olacaqlar. Yolasalma mərasimi konsert proqramı ilə davam etdi. Sonda tur-aksiyanın iştirakçıları onlar üçün ayrılan xüsusi avtobusla Heydər Əliyev Beynəlxalq Hava Limanına yola düşdülər.
Sumqayıtda könüllü gənclər üçün bədii-əyləncəli bayram tədbiri keçirildiSumqayıt şəhər Gənclər və İdman Baş İdarəsi 16 mart 2017-ci il tarixində Gənclər Evində Novruz bayramı münasibətilə bədii-əyləncəli bayram tədbiri təşkil etmişdir. Müxtəlif sahələri təmsil edən könüllülərin, hökümət və qeyri hökümət gənclər təşkilatlarının nümayəndələrinin iştirak etdiyi bayram tədbirində çıxış edən Baş İdarənin Gənclərlə iş sektorunun müdiri Ceyhun Hüseynov Novruz bayramı münasibətilə gəncləri təbrik etdi, Novruz adət və ənənələrindən danışaraq, onların qorunub saxlanılması və gələcək nəsillərə ötürülməsi məqsədilə dövlətimiz tərəfindən mütəmadi olaraq işlər görüldüyünü, bu sahədə gənclərin də üzərinə böyük iş düşdüyünü qeyd etdi. Bildirildi ki, şəhər İcra Hakimiyyətinin təşkilatçılığı ilə 18 mart 2017-ci il tarixində Dəniz Kənarı Bulvarda möhtəşəm bayram tədbiri təşkil olunacaq. Tədbirdə Sumqayıt Gənclər Evinin elan etdiyi könüllülük fəaliyyətini uğurla bitirən gənclərə Baş İdarənin sertifikat və hədiyyələri təqdim edilib. Sonda Novruz personajları könüllülərin ifasında canlandırılmış, maraqlı səhnələr, musiqi və rəqs nümunələri nümayiş etdirilmişdir.
Binəqədi rayon məktəbliləri arasında “Veloidman” yarışı keçirildiAzərbaycan Respublikası Təhsil Nazirliyi, Azərbaycan Respublikası Milli Olimpiya Komitəsi, Azərbaycan Respublikası Gənclər və İdman Nazirliyinin birgə təşkilatçılığı ilə keçirilən “Olimpiya Hərəkatı” layihəsi çərçivəsində Binəqədi rayonu S.S.Axundov küçəsi (metronun “Dərnəgül” stansiyasının üzəri) istiqamətində 16 mart 2017-ci il tarixdə Binəqədi rayon məktəbliləri arasında “Veloidman” yarışı keçirildi. Yarışın açılış mərasimində Binəqədi rayon Gənclər və İdman İdarəsinin rəisi Qüdsi Bayramov, Azərbaycan Respublikası Milli Olimpiya Komitəsinin yarışlara məsul şəxsi Ruslan Məmmədov, 14 saylı Uşaq-Gənclər İdman Məktəbinin direktoru Vüqar Hüseynov iştirak etmişlər.
Nərimanov rayon məktəbliləri “Ölkəmizi tanıyaq” tur-aksiyası çərçivəsində respublikamızın Naxçıvan Muxtar Respublikasına yola salınıblar16 mart 2017-ci il tarixində Heydər Əliyev Mərkəzinin qarşısından ölkəmizin tarixinin, mədəniyyətinin, adət-ənənələrinin, müstəqillik illərində əldə edilmiş nailiyyətlərinin dərindən öyrənilməsi məqsədilə respublikamızın müxtəlif şəhər və rayonlarında yaşayan gənclərin digər bölgələrə səyahətlərinin təşkilinə dair Azərbaycan Respublikasının Prezidenti cənab İlham Əliyevin tapşırığına əsasən “Ölkəmizi tanıyaq” devizi ilə maarifləndirici tur-aksiyaları layihəsi çərçivəsində Nərimanov rayonun məktəblilərindən ibarət qrup Naxçıvan Muxtar Respublikasına yola salındılar. Yolasalma mərasimində Nərimanov Rayon İcra Hakimiyyəti başçısının müavinləri İradə Mahmudova və İlqar Mirzəyev, YAP Nərimanov Rayon Təşkilatının sədri Təmraz Tağıyev, Nərimanov Rayon Gənclər və İdman İdarəsinin rəisi Nəcəf Novruzov, müəllimlər, valideynlər, məktəblilər, bir qrup fəal gənc iştirak ediblər və tur-aksiya iştirakçıları onlar üçün ayrılmış xüsusi avtobusla hava limanına yola düşdülər. Qeyd edək ki, məktəblilər tur zamanı Naxçıvanın tarixi və mədəniyyət abidələri, yerli adət-ənənələrlə tanış olacaq, bölgələrimizin müasir simasını əks etdirən Heydər Əliyev mərkəzləri, Bayraq meydanları, gənclər mərkəzləri, rəsm qalereyaları, həmçinin tarix-diyarşünaslıq muzeylərinə və digər obyektlərə baxış keçirəcəklər.
İntiqam Babayev Almaniyada BMT Könüllülük proqramının qərargahında olub05-08 mart 2017-ci il tarixlərdə gənclər və idman nazirinin müavini İntiqam Babayev Almaniyanın Bonn şəhərinə səfər etmişdir. Səfərin əsas məqsədi BMT Könüllülük proqramının qərargahında Gənclər və İdman Nazirliyi ilə BMT İnkişaf Proqramının Azərbaycan nümayəndəliyi arasında həyata keçirilməsi planlaşdırılan növbəti layihəyə əlavə ediləcək “Azərbaycanda könüllülük fəaliyyətinin gələcək inkişafı” komponenti ilə bağlı müvafiq müzakirələrin aparılması olmuşdur. Səfər zamanı BMT Könüllülük proqramının fəaliyyət istiqamətləri barədə təqdimatlar və BMT Könüllülük proqramının müxtəlif yüksək dərəcəli məmurları ilə görüşlər keçirilmişdir. Görüşlərdə ölkəmizin gənclər siyasəti, Gənclər və İdman Nazirliyi ilə Birləşmiş Millətlər Təşkilatının Azərbaycan nümayəndəliyi arasında uğurla həyata keçirilən birgə layihələr, Azərbaycanda könüllülük hərəkatının inkişafı və 12-22 may 2017-ci il tarixlərdə Bakıda keçiriləcək IV İslam Həmrəylik Oyunlarına hazırlıq barədə məlumat verilmiş və BMT Könüllülük proqramı ilə gələcək əməkdaşlığın perspektivləri və mümkün sahələri barədə geniş müzakirələr aparılmışdır.
Binəqədi rayon Gənclər və İdman İdarəsinin təşkilatçılığı ilə “N” saylı hərbi hissədə bayram tədbiri keçirilmişdir“Novruz” bayramı münasibətilə Azərbaycan Respublikası Fövqəladə Hallar Nazirliyinin Mülki Müdafiə Qoşunlarının Biləcəri qəsəbəsində yerləşən “N” saylı hərbi hissəsində Binəqədi rayon Gənclər və İdman İdarəsi və “Azərtar” MMC-nin birgə təşkilatçılığı ilə bayram tədbiri keçirilmişdir. Tədbirdə Binəqədi rayon Gənclər və İdman İdarəsinin rəisi Qüdsi Bayramov, hərbi hissə komandirinin psixoloji təminat üzrə müavini, polkovnik-leytenant Zabil Əliyev, Biləcəri Bələdiyyəsinin sədri Hikmət Quliyev, “Azərtar” MMC-nin rəhbəri Cavanşir Həsənov, hərbi hissənin zabit və şəxsi heyəti iştirak etmişdir. Hərbçilər qarşısında çıxış edən rayon Gənclər və İdman İdarəsinin rəisi Qüdsi Bayramov, bələdiyyə sədri Hikmət Quliyev və polkovnik-leytenant Zabil Əliyev onları “Novruz” bayramı münasibətilə təbrik etdilər və hərbi xidmətdə uğurlar dilədilər, orduda xidmət edən hərbçilərimizin hər bir gənc üçün nümunə olduğunu vurğuladılar. Tədbirdə bir qrup mədəniyyət işçisi Binəqədi rayonunda həyata keçirilən tədbirlərdə fəal iştirakına görə Binəqədi rayon Gənclər və İdman İdarəsi tərəfindən Fəxri fərmanla təltif olundular. Tədbir mədəniyyət və incəsənət ustalarının iştirakı ilə konsert proqramı ilə davam etdirildi. Novruzun əsas personajları olan kosa və keçəlin bir-birindən maraqlı çıxışları tədbirə əlavə rəng qatdı, əsgərlərdə xoş ovqat yaratdı.
“Gənclərin Bahar Bayramı” adlı bədii-əyləncəli bayram tədbiri keçirildiSumqayıt şəhər Gənclər və İdman Baş İdarəsi, Sumqayıt Regional Mədəniyyət və Turizm İdarəsi və Təhsil Şöbəsi ilə birgə 15 mart 2017-ci il tarixində Heydər Əliyev Mərkəzində Novruz bayramına həsr edilmiş “Gənclərin Bahar Bayramı” adlı bədii-əyləncəli bayram tədbiri təşkil etmişdir. Müxtəlif sahələri təmsil edən ictimai-fəal gənclərin, gənclər təşkilatlarının nümayəndələrinin iştirak etdiyi bayram tədbirində çıxış edən şəhər Təhsil Şöbəsinin müdiri Nizami Namazov, Sumqayıt Regional Mədəniyyət və Turizm İdarəsinin rəisi Mehman Şükürov, Gənclər və İdman Baş İdarəsinin rəis əvəzi Mübariz Bəşirov Ümummilli Lider Heydər Əliyevin ölkəmizdə milli mənəvi dəyərlərin, adət və ənənələrin qorunub saxlanılmasında, daha da inkişaf etdirilməsindəki rolundan danışmış və bu siyasətin Prezident cənab İlham Əliyev tərəfindən uğurla davam etdirildiyini, həmçinin şəhər rəhbərliyinin adət ənənələrimizin qorunub saxlanılmasında fəaliyyətini qeyd edərək, Novruz bayramı münasibətilə iştirakçıları təbrik etmişlər. Tədbir Novruz adət-ənənələrini özündə əks etdirən maraqlı oyunlarla, viktorinalarla, müxtəlif musiqi nömrələri ilə davam etmişdir.
Biləsuvarda “Milli-mənəvi dəyərlərimiz-Novruz bayramı” mövzusunda dəyirmi masa keçirildi Biləsuvar rayon Gənclər və İdman İdarəsi Peşə Liseyi və Rəsm Qalereyası ilə birgə 16 mart 2017-ci il tarixdə “Milli-mənəvi dəyərlərimiz-Novruz bayramı” mövzusunda dəyirmi masa keçirdi. Əvvəlcə iştirakçılar Novruz bayramına həsr olunmuş rəsm sərgisi ilə tanış oldular. Tədbirdə Biləsuvar rayon Gənclər və İdman İdarəsinin rəisi Aqşin Bağırov, Peşə Liseyinin direktoru Rabil Şahbazov, Rəsm Qalereyasının direktoru Rövşən Cənnətov bayram münasibətilə gənclərə təbriklərini söyləyərək bildirdilər ki, bu qədim el bayramı öz təravətini, gözəlliyini bu gün də saxlayır. Novruz Azərbaycan xalqının zəngin maddi və mənəvi dəyərlərinin mühüm hissəsini özündə ehtiva edən unikal mədəniyyət hadisəsidir. Bayramın mahiyyəti quruluşca mürəkkəb, məzmunca dərin və geniş əhatəlidir. Bu bayrama tarixi inkişaf boyunca baxdığımız zaman onun qədim mədəni köklərə və mənəvi qaynaqlara bağlı olduğu aydın görünür. Keçmişdə olduğu kimi, bu gün də Azərbaycanda, Türkiyədə, və Orta Asiya ölkələrində bahar bayramı kimi qeyd edilir. Adət-ənənələrimizə görə, Novruz, ilk növbədə, yeni ilin gəlişi, dünyanın və insanın yaradılış bayramı kimi qeyd olunur. Bu cəhətdən Novruz bayramı milli fəlsəfəsinə görə insan və onun dünyasının yaradılış mexanizmi, cəmiyyətin inkişaf və təkamülünün nəticəsidir. Bu mənada, bizim milli və tarixi nailiyyətimiz ondan ibarətdir ki, müstəqil ölkə kimi bu gün ümumxalq bayramı olan Novruzu dövlət səviyyəsində qeyd edirik. Sonda “Milli bayramımız-Novruz” adlı videofilm nümayiş olundu.
← əvvəlki    1  2  3  4  5  6  7  8  9  10  11    növbəti 

E-müraciət

Təklif, ərizə, şikayət və tövsiyyələrinizi bizə yaza bilərsiniz

Olimpiya kompleksləri

Gənclər evləri və mərkəzləri

Elektron Xidmətlər

Azərbaycan tələbə kartı

1211

Partnyorlar