Xəbərlər
Dərc edilib:15.05.2019 13:35
Baxışlar:257

Sumqayıtın 70 illiyinə həsr olunmuş rəsm sərgisi keçirildi

Sumqayıt şəhər Gənclər və İdman Baş İdarəsi və “Nigart” rəsm dərnəyinin birgə təşkilatçılığı ilə Nəsimi adına mədəniyyət və istirahət parkında Sumqayıtın 70 illik yubileyinə həsr olunmuş “Canlanır hər qarış çöl Sumqayıtda” adlı rəsm sərgisi keçirilmişdir. 
Açıq səma altında təşkil olunan sərgidə 30-a yaxın gənc müəllif öz əl işlərini nümayiş etdirmişdir.
Əvvəlcə qonaqlar gənclərin ifasında klassik musiqi sədaları altında sərgiyə baxış keçirmiş, müəlliflərin fikirləri ilə tanış olmuşlar.
Tədbirdə çıxış edən Baş İdarənin rəisi Elgün Hümbətov şəhərimizin son illər ərzində əsaslı yenidənqurma və abadlıq işlərinin aparılması nəticəsində xüsusi zövq oxşayan görkəm qazanmasından, ölkəmizdə uğurla həyata keçirilən dövlət gənclər siyasətindən danışmış, sərginin istedadlı və yaradıcı  gəncləri aşkara çıxarmaq, qabiliyyətlərini nümayiş etdirə bilmələri üçün şərait yaratmaq, asudə vaxtlarını səmərəli təşkil etmək məqsədilə keçirildiyini qeyd etmiş və sərgi iştirakçılarına gələcək fəaliyyətlərində uğurlar arzulamışdır.
Sonda sərgidə fəal iştiraklarına görə bir qrup gənc rəssam Baş İdarənin fəxri fərman və hədiyyələri ilə təltif edilmişdir.