Xəbərlər
Dərc edilib:15.05.2019 11:15
Baxışlar:244

Gənclər Səudiyyə Ərəbistanı Krallığında səfərdə olub

Azərbaycan Respublikası ilə Səudiyyə Ərəbistanı Krallığı arasında imzalanmış əməkdaşlıq protokoluna əsasən Gənclər və İdman Nazirliyinin bir qrup əməkdaşı, gənclər,  ümumilikdə, 8 nəfərdən ibarət nümayəndə heyəti Səudiyyə Ərəbistanıı Krallığında səfərdə olub.
Səfər çərçivəsində  nümayəndə heyəti Mədinə,  Ər Riyad şəhərlərində bir qrup gənclərlə görüşlər keçirib,  Mədinə İslam Universiteti, Kral Abduləziz adına Dövlət Universiteti,  Kraliça Al Anoud adına Xeyriyyə Fondu və eyni zamanda,  Azərbaycan Respublikasının Səudiyyə Ərəbistanı Krallığındakı səfirliyində olublar.
Baş İdman İdarəsinin Gənclər proqramları üzrə baş direktoru Məhəmməd Favzan Əl Suşilem və qeyd olunan idarənin mübadilə proqramları sektorunun proqram direktoru Khalid Abdulaziz Əl Mahboob bir daha Azərbaycan nümayəndə heyətini Səudiyyə Ərəbistanında görməkdən məmnun olduqlarını bildirmiş, növbəti illərdə nazirliklər arasında əməkdaşlıq imkanlarının genişləndirilməsi, yeni proqramların işlənib hazırlanması və cari proqramda iştirakçı sayının 15 nəfərədək artırılmasında maraqlı olduqlarını vurğuladılar.