News

View all

Xəmsə” Milli İntellektual Oyunu üzrə VI Azərbaycan Çempionatının final mərhələsi keçiriləcək

12/10/2018 1:05 PM
11 dekabr 2018-ci il, saat 11:00-da “Park İnn” mehmanxanasının “Dan ulduzu” zalında “Xəmsə” Milli İntellektual Oyunu üzrə yeniyetmələr arasında VI Azərbaycan Çempionatının açılış mərasimi keçiriləcək. Gənclər və idman nazirliyi və "Gənclərin İntellektual İnkişaf Mərkəzi" İctimai Birliyinin birgə layihəsi olan Xəmsə” Milli İntellektual Oyununa ölkənin 22 şəhər və rayonundan 32 komanda qatılıb. Xatırladaq ki, "Xəmsə" Milli İntellektual Oyunu artıq 11 ildir ki ölkəmizdə həm yeniyetmə, həm də gənclər arasında keçirilir. Ötən illər ərzində "Xəmsə" oyununda minlərlə insan iştirak etmişdir. Layihə Azərbaycan Respublikasının Prezidenti cənab İlham Əliyevin 15 sentyabr 2017-ci il tarixli Sərəncamı ilə təsdiq olunmuş “Azərbaycan gəncliyi 2017-2021-ci illərdə” Dövlət Proqramının 5.4.7. yarımbəndinə (gənclərin asudə vaxtının səmərəli təşkili üçün intellektual və kompüter oyunları üzrə yerli və beynəlxalq çempionatların keçirilməsi) uyğun olaraq keçirilir. Artıq beynəlxalq status daşıyan "Xəmsə" layihəsi, dünyanın 18 ölkəsinin 52 şəhərində keçirilir. "Xəmsə" oyunu üzrə yeniyetmə və gənclər arasında birincilik və ölkə çempionatları ilə yanaşı, həmçinin, müxtəlif tematik yarışlar və Dünya Çempionatı da gerçəkləşdirilir.
Read more

Cüdo idman növü üzrə yeniyetmə və azyaşlı yeniyetmələr arasında açıq rayon birinciliyi keçirilmişdir

12/10/2018 12:45 PM
09 dekabr 2018-ci il tarixdə Salyan rayon Gənclər və İdman İdarəsi tərəfindən Salyan Olimpiya İdman Kompleksində Salyan rayon İcra Hakimiyyəti Başçısı və Azərbaycan Respublikası Gənclər və İdman nazirinin birgə təsdiq etdiyi iş və tədbirlər planına əsasən Ümummilli Lider Heydər Əliyevin əziz xatirəsini yad etmək, rayonda cüdo idman növünün kütləviliyinə nail olmaq, perspektivli idmançıları aşkar etmək məqsədi ilə Ümummilli Lider Heydər Əliyevin 15 –ci anım gününə həsr edilmiş cüdo idman növü üzrə yeniyetmə və azyaşlı yeniyetmələr arasında açıq rayon birinciliyi keçirilmişdir. İlk öncə Ümummilli Lider Heydər Əliyevin əziz xatirəsi bir dəqiqəlik sükutla yad edildi. İdmançıları salamlayan Salyan rayon Gənclər və İdman İdarəsinin rəisi Araz Hüseynov tədbirin keçirilməsi məqsədləri haqqında məlumat verərək bildirdi ki, görkəmli dövlət xadimi, dünya şöhrətli siyasətçi Ulu Öndər Heydər Əliyevin çoxşaxəli və yorulmaz fəaliyyəti, əvəzsiz tarixi xidmətləri, zəngin dövlətçilik təcrübəsi, qətiyyətli mövqeyi sayəsində Azərbaycanın inkişafı təmin olundu, müasir və qüdrətli Azərbaycan inşa edildi. Bu gün müstəqil Azərbaycan məhz Ulu Öndərimizin ideyaları əsasında inkişaf edir, Ümummilli Liderimiz Heydər Əliyevin siyasəti Onun layiqli davamçısı, siyasi varisi cənab Prezident İlham Əliyev tərəfindən uğurla davam etdirilir. Bu gün Azərbaycan bütün dünyada müasir, qüdrətli və dinamik inkişafa malik olan ölkə kimi tanınır. Daha sonra dövlət himni səsləndikdən sonra rayon birinciliyi aıq elan edildi. Rayon birinciliyində Bakı, Şirvan, Sabirabad, Lənkəran və Salyan şəhər və rayon komandalarından olan idmançılar olmaqla 130 nəfər idmançı iştirak etmişdir. Rayon birinciliyi 3 yaş qrupunda 17 çəki dərəcəsi üzrə keçirilmişdir. I, II və III yeri tutmuş idmançılar Salyan rayon Gənclər və İdman İdarəsi tərəfindən diplom və medallarla təlif edildilər.
Read more

Partners

Facebook